Ansara Hotel ໄດ້ຮັບລາງວັນອອກແບບທສວຍງາມໃນປີ 2019

- advert banner 728 90 728x90 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
- 1223 1 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019

ໂຮງແຮມ ອັນຊາລາ (Ansara Hotel) ເປັນໂຮງແຮມຫລູຫລາລະດັບ 4 ດາວ ແລະ ມີຄວາມໂດດເດັ່ນດ້ານການອອກແບບທີ່ມີຮູບຊົງສວຍງາມປະສົມປະສານລະຫວ່າງເອກະລັກລາວ ແລະ ສາກົນຈົນໄດ້ຮັບລາງວັນອອກແບບສວຍງາມປະຈໍາປີ 2019 ໃນງານວາງສະແດງ Lao Top 3 Expo 2019. ໂຮງແຮມນີ້ແມ່ນພຽບພ້ອມໄປດ້ວຍສິ່ງອໍານວຍຄວາມສະດວກໃຫ້ບັນດາລູກຄ້າທີ່ມາພັກແຮມໂດຍເນັ້ນຄວາມເປັນສ່ວນຕົວ, ບັນຍາກາດງຽບສະຫງົບຮົ່ມເຢັນແບບທໍາມະຊາດ, ຫ້ອງພັກມີຂະໜາດກ້ວາງຂວາງ, ສະອາດ, ມີສະລອຍນໍ້າ, ຫ້ອງຮັບແຂກ ແລະ ມີອາຫານຝຣັ່ງທ່ີມີພໍ່ຄົວຈາກປະເທດຝຣັ່ງໂດຍກົງໄວ້ບໍລິການລູກຄ້າ ແລະ ພ້ອມທັງມິອາຫານລາວເຮົານຳອີກ. ເພື່ອສ້າງຄວາມເພິ່ງພໍໃຈໃຫ້ລູກຄ້າທີ່ມາໃຊ້ບໍລິການໄດ້ເປັນຢ່າງດີ, ເຊິ່ງໂຮງແຮມນີ້ຕັ້ງຢູ່ ບ້ານວັດຈັນ ເມືອງຈັນທະບູລີ ນະຄອນຫລວງວຽງຈັນໃກ້ກັບແມ່ນໍ້າຂອງ.

- lattana 1 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019

ທ່ານ ລາວັນສິດ ທໍາມະລັງສີ ເຈົ້າຂອງໂຮງແຮມ, ທັງເປັນຜູ້ອອກແບບກໍ່ສ້າງໂຮງແຮມດ້ວຍຕົນເອງໃຫ້ຮູ້ວ່າ: ຈຸດເລີ່ມຕົ້ນຂອງການອອກແບບເພື່ອກໍ່ສ້າງໂຮງແຮມນີ້, ເພາະວ່າຕົນເອງເປັນນັກສະຖາປານິກ ແລະ ຜ່ານມາໄດ້ມີໂອກາດເຄີຍອອກແບບກໍ່ສ້າງໂຮງແຮມຫລາຍແຫ່ງຢູ່ຫລວງພະບາງ, ຈຶ່ງໄດ້ມີຄວາມເຂົ້າໃຈໃນຄວາມເປັນເອກະລັກລາວເດີມແລ້ວໄດ້ນໍາມາໝູນໃຊ້ປະດິດເປັນສີລະປະການອອກແບບຮ່ວມສະໄໝ ປະສົມປະສານລະຫວ່າງລາວ ແລະ ສາກົນ, ເຊິ່ງໂຮງແຮມແຫ່ງນີ້ໄດ້ກໍ່ສ້າງຂຶ້ນໃນທ້າຍປີ 2008 ແລະ ເປີດໃຫ້ບໍລິການນັບແຕ່ປີ 2010 ເປັນຕົ້ນມາ, ໂດຍເບື້ອງຕົ້ນມີຫ້ອງພັກພຽງແຕ່ 14 ຫ້ອງ, ພາຍຫລັງເປີດບໍລິການມາໄດ້ປະມານ 2-3 ປີ ກໍມີແຂກນັກທ່ອງທ່ຽວກໍຄືລູກຄ້າເຂົາມາພັກເຊົ່າຈໍານວນເພີ່ມຂຶ້ນເລື້ອຍໆຈຶ່ງໄດ້ຂະຫຍາຍອອກເປັນ 28 ຫ້ອງ, ມີຈຸດບໍລິການອາຫານ 3 ຈຸດ ແລະ ສ້າງສະລອຍນໍ້າໃຫ້ກ້ວາງຂວາງມາຕື່ມ. ນອກນີ້ທາງໂຮງແຮມຍັງມີສິ່ງອໍານວຍຄວາມສະດວກຫລາຍຢ່າງໃຫ້ບັນດາລູກຄ້າ, ໂດຍສະເພາະການໄປ- ມາລະຫວ່າງໂຮງແຮມກັບສະຖານທີ່ທ່ອງທ່ຽວໃນຕົວເມືອງອີກດ້ວຍ.

- Ansara Hotel Restaurant Upstair 2 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
- Ansara Hotel pool copy - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
- Ansara Hotel Savvy double room - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
- 223355 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019

ທ່ານ ລາວັນສິດ ທໍາມະລັງສີ ໃຫ້ຮູ້ຕື່ມວ່າ: ການໄດ້ຮັບລາງວັນການອອກແບບສວຍງາມປະຈໍາປີ 2019 ນີ້, ກໍມີຄວາມຮູ້ສຶກດີໃຈ ແລະ ພາກພູມໃຈຫລາຍທີ່ທາງພາກ-ລັດ ຫລື ພາກສ່ວນກ່ຽວເຫັນເຖິງຄວາມສໍາຄັນໃນການອອກແບບຂອງສະຖາປານິກລາວເຮົາອັນໄດ້ສະແດງເຖິງຫົວຄິດປະດິດສ້າງ ແລະ ຄວາມອາດສາມາດຂອງຄົນລາວທີ່ທຽບເທົ່າກັບສາກົນເທື່ອລະກ້າວ ພ້ອມທັງສ້າງແຮງບັນດານໃຈໃຫ້ຕົນເອງມີການພັດທະນາໃນອາຊີບທີ່ຕົນຮັກດີຂຶ້ນໄປເລື້ອຍໆ.

ສໍາລັບລູກຄ້າທີ່ສັ່ງຈອງພັກເຊົ່າໃນໂຮງແຮມກ່ອນລວງໜ້າແມ່ນຈະໄດ້ຮັບສິດທິດພິເສດສ່ວນຫລຸດລາຄາທີ່ພັກ, ເຊິ່ງສາມາດສັ່ງຈອງ ໄດ້ທີ່ FB: AnsaraHÔtel, www.ansarahotel.com, ເບີໂທລະສັບ (+856-21) 213 514/8.

- Tiger Head 728x90 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
- 1 1 - Ansara Hotel ໄດ້ຮັບລາງວັນອອກແບບທສວຍງາມໃນປີ 2019
error: Content is protected !!