ໄທປະກາດຢຸດຕິການປົກຄອງດ້ວຍອຳນາດທະຫານ

ໄທປະກາດຢຸດຕິການປົກຄອງດ້ວຍອຳນາດທະຫານ - advert banner 728 90 728x90 - ໄທປະກາດຢຸດຕິການປົກຄອງດ້ວຍອຳນາດທະຫານ

ຮຽບຮຽງໂດຍ: ລູກເມືອງພວນ

ໄທປະກາດຢຸດຕິການປົກຄອງດ້ວຍອຳນາດທະຫານ - new3 - ໄທປະກາດຢຸດຕິການປົກຄອງດ້ວຍອຳນາດທະຫານ
ໄທປະກາດຢຸດຕິການປົກຄອງດ້ວຍອຳນາດທະຫານ - 214 1 - ໄທປະກາດຢຸດຕິການປົກຄອງດ້ວຍອຳນາດທະຫານ

ວັນທີ 9 ກໍລະກົດນີ້, ນາຍົກລັດຖະມົນຕີຂອງ ໄທ ປະຢຸດ ຈັນໂອຊາ ປະກາດ ຈະຢຸດຕິການປົກຄອງດ້ວຍອຳນາດທະຫານ, ກ່ອນທີ່ຄະນະລັດຖະບານຂອງເຂົາຈະເຂົ້າຮັບຕຳແໜ່ງ.

ທ່ານປະຢຸດ ໃຫ້ຮູ້ວ່າ: ກຳລັງຄວາມໝັ້ນຄົງຍັງຄົງຈະໄດ້ຮັກສາໄວ້ຄືເກົ່າ ເພື່ອຕິດຕາມ ແລະ ຈັບກຸມໂດຍບໍ່ໃຫ້ມີສິ່ງໃດກີດຂວາງໄດ້. ທ່ານເວົ້າອີກວ່າ: ນີ້ອາດຈະເປັນຄຳສັ່ງເທື່ອສຸດທ້າຍຂອງລັດຖະບານຖະຫານ, ໃນນັ້ນ ຈະຫຼຸດຜ່ອນຄວາມເຄັ່ງຄັດຕໍ່ຂ່າວສານລົງ ແລະ ຈະມອບອຳນາດສານທະຫານທັງໝົດໄປໃຫ້ສານປົກຄອງ.

ພາຍຫຼັງທ່ານປະຢຸດຂຶ້ນມາກຳນຳນາດດ້ວຍການລັດຖະປະຫານ ປີ 2014, ລັດຖະບານທະຫານຂອງທ່ານ ໄດ້ອອກຄຳສັ່ງຕ່າງໆ ເຖິງ 500 ສະບັບ, ອັນທີ່ເອີ້ນວ່າ: ມາດຕາ 44.

ທ່ານ ປະຢຸດ ເວົ້າກັບນັກຂ່າວວ່າ: “ ຂ້າພະເຈົ້າຈະບໍ່ນຳໃຊ້ ມາດຕາ 44 ຕື່ມອີກ” ແຕ່ວ່າ ໃນ 500 ຄຳສັ່ງນັ້ນ, ອາດຈະມີປະມານ 100 ຄຳສັ່ງເທົ່ານັ້ນທີ່ຈະຖືກຍົກເລີກ, ສ່ວນທີ່ຍັງເຫຼືອແມ່ນຍັງນຳໃຊ້ຄືເກົ່າ ເພື່ອໃຫ້ທະຫານ ແລະ ເຈົ້າໜ້າທີ່ຕຳຫຼວດສາມາດຕິດຕາມ ແລະ ຈັບກຸມ, ກັກຂັງປະຊາຊົນພາຍໃນ 7 ວັນໂດຍບໍ່ຖືກກີດຂວາງ ເພື່ອຄວາມໝັ້ນຄົງຂອງຊາດ,

ທ່ານຮອງນາຍົກລັດຖະມົນຕີ ວິສະນຸ ເຄືອງາມ ເວົ້າວ່າ: ບັນດາຄຳສັ່ງທີ່ຍັງຈະສືບຕໍ່ນຳໃຊ້ໄດ້ນັ້ນລ້ວນແຕ່ແມ່ນຄຳສັ່ງທີ່ມີຄວາມຈຳເປັນ ແລະ ອາດຈະຖືກປ່ຽນແປງໂດຍສະພາຜູ້ແທນປະຊາຊົນ.

ວັນທີ 5 ມິຖຸນາຜ່ານມານີ້, ສະພາຂອງໄທໄດ້ເລືອກເອົາ ທ່ານ ປະຢຸດ ຈັນໂອຊາ ເປັນນາຍົກລັດຖະມົນຕີຝ່າຍປົກຄອງຢ່າງເປັນທາງການ. ຄະນະລັດຖະບານຝ່າຍປົກຄອງຂອງທ່ານ ປະຢຸດ ຈະເຂົ້າຮັບຕຳແໜ່ງໃນກາງເດືອນກໍລະກົດນີ້.

ໄທປະກາດຢຸດຕິການປົກຄອງດ້ວຍອຳນາດທະຫານ - lattana 1 - ໄທປະກາດຢຸດຕິການປົກຄອງດ້ວຍອຳນາດທະຫານ

error: Content is protected !!