ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ

ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ - advert banner 728 90 728x90 - ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ

ໃນໂອກາດກອງປະຊຸມຄະນະກໍາມາທິການຮ່ວມມືດ້ານເສດຖະກິດ-ການຄ້າ ແລະ ວິທະຍາສາດ-ເຕັກນິກ ຣັດເຊຍ-ລາວ ຄັ້ງທີ 15 ຊຶ່ງໄດ້ຈັດຂຶ້ນທີ່ນະຄອນຫລວງມົດສະກູ ໃນລະຫວ່າງວັນທີ 8-9 ກໍລະກົດນີ້, ໂດຍການເປັນປະທານຮ່ວມຂອງທ່ານ ກົງສະຕັງຕິນ ໂນສໂກບ (Mr Konstantin Noskov) ລັດຖະມົນຕີກະຊວງພັດທະນາລະບົບດີຈີຕອນ, ໂທລະຄົມມະນາຄົມ ແລະ ການສື່ສານມວນຊົນແຫ່ງສະຫະພັນລັດເຊຍ, ປະທານຄະນະກໍາມະກໍາມາທິການຮ່ວມມືລັດເຊຍ-ລາວ ແລະ ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ປະທານຄະນະກໍາມະກໍາມາທິການຮ່ວມມືລາວ-ລັດເຊຍ, ຊຶ່ງສອງຝ່າຍໄດ້ທົບທວນຄືນໝາກຜົນຂອງການຮ່ວມມື ແລະ ປະຕິບັດໂຄງການຕ່າງໆຢ່າງມີຜົນສໍາເລັດບົນພື້ນຖານການເປັນຄູ່ຮ່ວມຍຸດທະສາດ. ໃນຂະນະດຽວກັນສອງຝ່າຍໄດ້ຮ່ວມລົງນາມໃນເອກະສານສໍາຄັນຫລາຍສະບັບຄື: ບົດບັນທຶກກອງປະຊຸມຄັ້ງທີ 15 ນີ້ ເພື່ອຢັ້ງຢືນຜົນສໍາເລັດ ແລະ ທັງເປັນການສະແດງອອກເຖິງເຈດຈໍານົງຂອງສອງຝ່າຍໃນການຮັດແໜ້ນສາຍພົວພັນມິດຕະພາບ ແລະ ເສີມຂະຫຍາຍການຮ່ວມມືທີ່ຫລາກຫລາຍ ເພື່ອຊຸກຍູ້ການພັດທະນາເສດຖະກິດ-ສັງຄົມຂອງສອງປະເທດ ໄດ້ເຕີບໃຫຍ່ຂະຫຍາຍຕົວ, ພ້ອມນີ້ ກະຊວງແຜນການ ແລະ ການລົງທຶນ ໄດ້ຮ່ວມລົງນາມໃນຂໍ້ຕົກລົງກັບບໍລິສັດ ອິນເຕີ ຣາວ-ເອັນເຈເນຣິງ (Rao Engineering) ແລະ ບໍລິສັດ ເອ-ອາລເຄເຊນາ ເອລເອລຊີ ລັດເຊຍ (A-RKSENA LLC Rusia) ກ່ຽວກັບການພັດທະນາໂຄງການເຊກອງ 5 ແລະ ພິທີລົງນາມໃນບົດບັນທຶກຄວາມເຂົ້າໃຈສອງສະບັບລະຫວ່າງກະຊວງພະລັງງານ ແລະ ບໍ່ແຮ່ ແລະ ອົງການພະລັງງານນິວເຄລຍແຫ່ງລັດເຊຍ (ໂຣຊາໂຕມ) ກ່ຽວກັບການປະຊາສໍາພັນດ້ານພະລັງງານນິວເຄລຍ ເພື່ອສັນຕິໃຫ້ສັງຄົມຮັບຊາບ ແລະ ການສ້າງຄວາມເຂັ້ມແຂງດ້ານວິຊາການ ຕໍ່ພື້ນຖານຂອງການພັດທະນາພະລັງງານນິວເຄລຍໃນທາງສັນຕິ.

ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ - lattana 1 - ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ
ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ - 1 1 - ລາວ-ລັດເຊຍ ເສີມຂະຫຍາຍການຮ່ວມມືສອງຝ່າຍ
error: Content is protected !!