ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ

ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ - advert banner 728 90 728x90 - ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ

ເຈົ້າໜ້າທີ່ປກສແຂວງຄໍາມ່ວນລາຍງານວ່າ: ພາຍຫລັງຈັດກໍາລັງຕິດຕາມກຸ່ມຄົນຮ້າຍທີ່ກໍ່ເຫດໃຊ້ອາວຸດເສີກລັດຍິງຄົນຈົນມີຜູ້ເສຍຊີວິດຢູ່ຈຸດຂົວທ່າງາມເມືອງທ່າແຂກແຂວງຄໍາມ່ວນໃນເຊົ້າວັນທີ 14 ສິງຫານີ້ແລະໃນຕອນບ່າຍຂອງວັນດຽວກັນ, ເຈົ້າໜ້າທີ່ໄປພົບເຫັນລົດຈິບໂຕໂຍຕາຟໍຈູນເນີສີຂາວບໍ່ມີປ້າຍທະບຽນ, ເຊິ່ງເປັນລົດທີ່ຄົນຮ້າຍໃຊ້ໃນການກໍ່ເຫດຄັ້ງນີ້ຖືກຈອດຖີ້ມໄວ້ຢູ່ແຄມປ່າເຂດບ້ານພັກຂະຫຍາເມືອງອຸທຸມພອນແຂວງສະຫວັນນະເຂດ, ຈຶ່ງໄດ້ນໍາລົດຄັນດັ່ງກ່າວມາພິສູດຫາຫລັກຖານຕ່າງໆເພື່ອນໍາໄປສູ່ການຕິດຕາມຈັບຕົວຄົນຮ້າຍມາດໍາເນີນຄະດີຕາມລະບຽບກົດໝາຍ.

ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ - new3 - ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ

ເຈົ້າໜ້າທີ່ໃຫ້ຮູ້ອີກວ່າ: ເຫດການລອບຍິງກັນຄັ້ງນີ້, ເປັນເຫດການທີ່ໂຫດຫ້ຽມສະເທືອນຂວັນສັງຄົມ, ໂດຍຜູ້ຕາຍຊື່ທ້າວສຸກສະໄຫວ (ຕຸ້ຍ) ອາຍຸ 44 ປີເປັນພະນັກງານໄອຍະການເຂດ I ແຂວງຄໍາມ່ວນ, ຢູ່ບ້ານຊຽງຫວາງເມືອງໜອງບົກແຂວງຄໍາມ່ວນ, ໂດຍພົບຮູກະສູນປືນອາກາ (AK) ຕາມຮ່າງກາຍຜູ້ຕາຍຈໍານວນ 40 ນັດແລະພົບກະສອບລູກປືນຕົກຢູ່ໃກ້ຈຸດເກີດເຫດຫລາຍກວ່າ 50 ສອບ. ສໍາລັບຮູບປະພັນຂອງຄົນຮ້າຍມີລັກສະນະຈ່ອຍ, ສູງປະມານ 165 ຊັງຕີແມັດ, ນຸ່ງໂສ້ງຂາສາມສ່ວນສີເທົາ, ໃສ່ເສື້ອຍືດແຂນສັ້ນສີເທົາແລະມີຜ້າປິດປາກສີເທົາ, ພາຍຫລັງກໍ່ເຫດແລ້ວໄດ້ຂຶ້ນລົດລົບໜີໄປຕາມທາງເລກ 11B ມຸ້ງໜ້າໄປທາງເມືອງໜອງບົກແລ້ວລັດອອກໄປໃສ່ເສັ້ນທາງເລກ 13 ໃຕ້, ກ່ອນຈະເອົາລົດໄປຈອດຖີ້ມໄວ້ຢູ່ແຄມປ່າເຂດບ້ານຜັກຂະຫຍາເມືອງອຸທຸມພອນແຂວງສະຫວັນນະເຂດແລ້ວເອົາຕົວຫລົບໜີໄປຕໍ່. ເຈົ້າໜ້າທີ່ໃຫ້ຮູ້ວ່າ: ຜ່ານມາທ້າວສຸກສະໄຫວເຄີຍຖືກຄົນຮ້າຍລອບຍິງມາແລ້ວ 2 ຄັ້ງແຕ່ສາມາດລອດມາໄດ້ຄື: ໃນວັນທີ 24 ມິຖຸນາ 2018 ຖືກຄົນຮ້າຍລັດຍິງຢູ່ເສັ້ນທາງເລກ 11 ເຂດບ້ານຊຽງຫວາງ, ຄັ້ງທີ 2 ແມ່ນວັນທີ 14 ສິງຫາ 2018 ຢູ່ເສັ້ນທາງເລກ 11 ເຂດບ້ານສອງເໝືອງເໜືອເມືອງໜອງບົກແຂວງຄໍາມ່ວນແລະກໍມາເກີດເຫດການເສົ້າຂຶ້ນອີກໃນເທື່ອນີ້. 

ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ - lattana 1 - ຕໍາຫລວດພົບລົດຄົນຮ້າຍໃຊ້ກໍ່ເຫດຍິງຄົນເສຍຊີວິດຢູ່ຂົວທ່າງາມເມືອງທ່າແຂກແລ້ວ
error: Content is protected !!