ຮູບບາດໃຈທີ່ທົ່ງໄຫຫີນ

- advert banner 728 90 728x90 - ຮູບບາດໃຈທີ່ທົ່ງໄຫຫີນ

ໂດຍ: ຈ່ານ​ແຫຍ່

- new3 - ຮູບບາດໃຈທີ່ທົ່ງໄຫຫີນ
- 86998 - ຮູບບາດໃຈທີ່ທົ່ງໄຫຫີນ

ໃນທ້ອງເດືອນກໍລະກົດ ຜ່ານມາ, ຢູ່ໜ້າໜຶ່ງຂອງໜັງ ສືພິມວຽງຈັນທາມ (ຈຳສະ ບັບບໍ່ໄດ້) ສະບັບໜຶ່ງມີຮູບສີ ແຕ່ເບິ່ງແລ້ວມັນເຮັດໃຫ້ໃບ ໜ້າຂອງຈານແຫຍ່ຈືດສີເຂົ້າກັບໝ້ອງ. ມັນເປັນຮູບສະເທືອນຕາໃນຂະນະທີ່ພວກເຮົາຊາວລາວທຸກຄົນພວມ ຊື່ນຊົມກັບຂ່າວໃຫຍ່ດັງໄກ ເລື່ອງໄຫຫີນໄດ້ຖືກຮັບຮອງ ໂດຍອົງການອຸຍເນສໂກໃຫ້ເປັນມໍລະດົກຂອງມວນມະນຸດ (ມໍລະດົກໂລກ) ທາງວັດທະນະທຳ.

ແຕ່ຮູບທີ່ວ່າບາດຕາສະເທືອນໃຈນັ້ນ ເປັນຮູບກຸ່ມເດັກ ນ້ອຍຍິງ-ຊາຍພວມຫຸ້ມຊົມ ຈາກຫີນໜ່ວຍໜຶ່ງ (ຄົງເປັນໜ່ວຍໃຫຍ່ກວ່າໝູ່) ມີຮູບເດັກນ້ອຍຍິງຄົນໜຶ່ງ (ໃສ່ຊຸດ ນັກຮຽນ) ເອົາມືຈັບໄຫຫີນ ລັກສະນະແກະຫລິ້ນ, ສ່ວນ ເດັກນ້ອຍຊາຍ (ໄວ 6-7 ປີ) ນັ້ນຍືນແຍກກຸ່ມເອົາຕີນ ຂວາຢັນ ຫລື ຄ້ຳໃສໄຫຫີນ ສ່ວນຕາຜູ້ກ່ຽວແນມເບິ່ງ ໂທລະສັບມືຖື.

ຈານແຫຍ່ເຫັນ ຮູບນີ້ ແລ້ວອຸກອັງໃຈຫລາຍ ທັງທີ່ຮັບຮູ້ຢູ່ແລ້ວວ່າເດັກນ້ອຍໄວນັ້ນ ມັນຍັງໄຮ້ດຽງສາບໍ່ຄວນຖືຊາຕານັບ ແຕ່ທີ່ຄິດອຸກກໍເພາະມັນຍ່າງສວນ ທາງກັບຂ່າວດີທີ່ເວົ້າມາແລ້ວນັ້ນ.

ໃນຄວາມເປັນຈິງ ຮູບທີ່ຄວນສະເທືອນໃຈກວ່າ  ນັ້ນກ່ຽວກັບໄຫຫີນໃນເມື່ອ ກ່ອນກໍມີບໍ່ອຶດ ເຊັ່ນ: ຮູບຄົນ ແບກທ່າອຸ້ມໄຫ, ຮູບຄົນນັ່ງອີງ ຫລື ແກະໄງ້ໄຫ ແລະ ບາງຄັ້ງກໍເຄີຍເຫັນຮູບຄົນ ພະຍາຍາມບືນຂຶ້ນ ໄປນັ່ງ ປາກໄຫ. ແຕ່ທັງ ໝົດມັນເປັນ ຮູບເວລາທີ່ໄຫຫີນແຫ່ງນີ້ ຍັງບໍ່ທັນລອກຄາບເປັນມໍລະດົກໂລກເທື່ອ,ດັ່ງນັ້ນລະດັບ ຄວາມສະເທືອນໃຈຂອງ ຈານແຫຍ່ ຈຶ່ງຍັງບໍ່ທັນກະດືບ ຂຶ້ນສູງປານໃດເຫັນຮູບບາດ ໃຈທີ່ວ່າແລ້ວ, ຄິດວ່າຄົນລາວ ທຸກຄົນຄົງຮ້ອນໃຈຍາກໃຫ້ ທາງການກ່ຽວຂ້ອງເອົາໃຈໃສ່ປົກປັກຮັກສາປ້ອງກັນບໍ່ໃຫ້ມີເຫດການທີ່ຈະເຮັດ ໃຫ້ພາບໄຫເສື່ອມເສຍ ຫລື ເປັນອັນຕະລາຍເພາະຖ້າປ່ອຍໃຫ້ຄົນອີງເພື່ອຖ່າຍຮູບ, ປ່ອຍໃຫ້ຄົນແກະໄງ້ ຫລື ຈັບບາຍໄຫຕາມໃຈ ກໍ ຄົງບໍ່ແນ່ວ່າວັດຖຸທີ່ເກົ່າ ແກ່ຂະໜາດນີ້ຈະຍັງຮັກສາຮູບເດີມໄວ້ໄດ້ ຫລື ບໍ່?.

- lattana 1 - ຮູບບາດໃຈທີ່ທົ່ງໄຫຫີນ

 ດັ່ງນັ້ນ, ຈານແຫຍ່ ຄິດວ່າຄວນເອົາໃຈໃສ່ ຜູ້ເຂົ້າຊົມ, ອົງການຮັບຜິດຊອບ ຕ້ອງມີຄົນຕິດຕາມທ່ຽວຊົມ, ຢ່າໃຫ້ເດັກນ້ອຍທີ່ໄຮ້ ດຽງສາ ຫລື ບຸກຄົນສ່ຽງ (ລວມ ທັງນັກທ່ອງທ່ຽວຕ່າງປະເທດ) ເຮັດຕາມໃຈກັບໄຫ ແຕ່ ລະໜ່ວຍເດັດຂາດ.

ຢ່າລືມວ່າກຳແພງຍັກ ເມືອງ ຈີນບາງຍ່ານທີ່ເສື່ອມ ໂຊມ ນັ້ນສ່ວນໃຫຍ່ເກີດມາ ຈາກຄວາມໄຮ້ດຽງສາຂອງຄົນ ທີ່ເຂົ້າຊົມບວກກັບພະຍາດເຫັນແກ່ຜົນປະໂຫຍດສ່ວນຕົວຂອງຄົນທ້ອງຖິ່ນທີ່ຢູ່ບໍ ລິເວນກຳແພງນັ້ນເອງ.

ເລື່ອງນີ້ຄວນຖືເປັນບົດຮຽນແຮໄວ້ໃນສ່ວນເລິກ ຂອງຫົວໃຈເພື່ອປົກປັກຮັກສາມໍລະດົກຂອງຊາດຂອງສາກົນທຸກໆແຫ່ງໃນບ້ານເຮົາ.

error: Content is protected !!