ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ

- Untitled design - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
- 96281959  96282606 039795542 1111 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
ຈຸດເກີດເຫດລະເບີດໃກ້ກັບສະຖານທູດຫລາຍແຫ່ງ ແລະ ທຳນຽບປະທານາທິບໍດີ

ເກີດ​ເຫດ​ລະ​ເບີດ​ຄັ້ງ​ໃຫຍ່​​ໃຈກາງ​ນະຄອນຫລວງ​ກາ​ບູນ ຂອງ​ອັບ​ກາ​ນິດ​ສະຖານ ​ເຮັດ​ໃຫ້​ມີ​ຜູ້​ເສຍ​ຊີວິດ​ແລ້ວ 80 ຄົນ ​ແລະ ​ໄດ້​ຮັບ​ບາດ​ເຈັບ​ອີກ​ຢ່າງ​ໜ້ອຍ 350 ຄົນ, ​ເຈົ້າໜ້າ​ທີ່​ຄາດ​ວ່າ​ຈະ​ມີ​ຈຳນວນ​ຜູ້​ເສຍ​ຊີວິດ ​ແລະ ​ໄດ້​ຮັບ​ບາດ​ເຈັບ​ເພີ່ມ​ຂຶ້ນອີກ.

ມີ​ລາຍ​ງານ​ເບື້ອງຕົ້ນວ່າ: ​ເຫດ​ລະ​ເບີດ​ເກີດ​ຂຶ້ນ​ໃນ​ບໍລິ​ເວນ​ສະໜາມ​ຊານ​ບັກ ​ໃກ້​ເຂດ​ສະຖານທູດ​ຕ່າງປະ​ເທດ ​ແລະ ທຳນຽບປະທານາທິບໍດີ ​ໂດຍ​ຄົນ​ຮ້າຍ​ວາງ​ລະ​ເບີດ​ໄວ້​ໃນ​ລົດຍົນ ​ເຊິ່ງ​ແຮງ​ລະ​ເບີດ​ສ້າງ​ຄວາມ​ເສຍ​ຫາຍ​ໃຫ້​ແກ່​ອາຄານ​ບ້ານ​ເຮືອນ​ເປັນ​ບໍລິ​ເວນ​ກວ້າງ ລວມທັງ​ອາຄານ​ຢ່າງ​ຫ່າງອອກ​ໄປ​ຫລາຍ​ຮ້ອຍ​ແມັດ.

- 96281961  96282281 039795410 1 11 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
ຜູ້ບາດເຈັບຫລາຍສິບຄົນຖືກນຳສົ່ງໂຮງໝໍ

ພາບ​ທີ່​ມີ​ຜູ້​ເຜີຍ​ແຜ່​ທາງ​ສື່​ອອນ​ລາຍ ສະ​ແດງ​ໃຫ້​ເຫັນ​ຄວັນ​ລອຍ​ຂຶ້ນທ້ອງຟ້າ​ຈາກ​ຈຸດ​ເກີດ​ເຫດ ລວມທັງ​ມີ​ພາບ​ຊາກ​ລົດຍົນ​ທີ່​ຖືກ​ທຳລາຍ​ດ້ວຍ​ແຮງ​ລະ​ເບີດ​ອີກ. ນັກ​ຂ່າວ BBC ຢູ່​ນະຄອນຫລວງ​ກາ​ບູນ ລາຍ​ງານ​ວ່າ: ຕຳຫລວດ​ໄດ້​ເຂົ້າປິດ​ລ້ອມ​ບໍລິ​ເວນ​ເກີດ​ເຫດ​ແລ້ວ ​ແລະ ກຳລັງ​ເລັ່ງນຳ​​ເອົາ​ຜູ້​ໄດ້​ຮັບ​ບາດ​ເຈັບ​ສົ່ງ​ໂຮງໝໍ.

 

ເກີດເຫດລະເບີດກາງເມືອງຫລວງອິນໂດເນເຊຍ ຄາດວ່າເປັນການລະເບີດຂ້າໂຕຕາຍ

- Wave100S AD to Website 2020 0 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ

ເກີດເຫດລະເບີດຢູ່ແມນເຊສເຕີຂອງອັງກິດ ມີຜູ້ເສຍຊີວິດ 19 ຄົນ, ບາດເຈັບ 50 ຄົນ

 

ສຳນັກ​ຂ່າວຣອຍ​ເຕີ​ລາຍ​ງານ​ໂດຍ​ອ້າງ​ເຈົ້າໜ້າ​ທີ່​ຕຳຫລວດ​ທ້ອງ​ຖິ່ນ​ວ່າ: ​ເຫດ​ລະ​ເບີດ​ເກີດ​ຂຶ້ນ​ໃກ້​ກັບ​ສະຖານທູດ​ເຢຍລະ​ມັນ,​ ​ແຕ່​ເປັນ​ເລື່ອງ​ຍາກ​ທີ່​ຈະ​ບອກ​ວ່າ​ລະ​ເບີດ​ມຸ່ງ​ເປົ້າ​ໂຈມ​ຕີ​ສະຖານ​ທີ່​ໃດ ​ເນື່ອງ​ຈາກ​ມີ​ສະຖານ​ທີ່​ສຳຄັນ​ຫລາຍ​ແຫ່ງ​ຢູ່​ໃນ​ບໍລິ​ເວນ​ດັ່ງກ່າວ.

- 96282825  96282097 11cf2528 0852 464d 9f60 1e9c1cd663f2 111 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
ເຈົ້າໜ້າທີ່ຕຳຫລວດຖືສະເກັດລະເບີດທີ່ເກັບໄດ້ຈາກຈຸດເກີດເຫດ

ຍັງ​ບໍ່​ມີ​ກຸ່ມ​ໃດ​ອອກ​ມາ​ອ້າງ​ຄວາມ​ຮັບຜິດຊອບ​ວ່າ​ເປັນ​ຜູ້​ສັ່ງ​ການ​ກໍ່​ເຫດ​ດັ່ງກ່າວ, ​ແຕ່​ໃນ​ເດືອນ​ຜ່ານ​ມາ ກຸ່ມ​ຕາ​ລີ​ບັນ​ໄດ້​ປະກາດ​ຈະ​ເລີ່​ມການ​ໂຈມ​ຕີ​ໄລຍະ​ລະດູ​ໃບ​ໄມ້​ຫລົ່ນ​ຄັ້ງ​ໃຫຍ່ ​ໂດຍ​ຈະ​ມຸ່ງ​ເປົ້າ​ໂຈມ​ຕີ​ກອງ​ກຳລັງ​ຕ່າງປະ​ເທດ ​ໂດຍ​ໃຊ້​ວິທີ​ການ​ຫລາກ​ຫລາຍ ທັງ​ການ​ຊຸ່ມ​ໂຈມ​ລີ​ແບບ​ກອງ​ໂຈນ​ໄປ​ຈົນ​ຮອດ​ການ​ໃຊ້​ລະ​ເບີດ​ຂ້າ​ຕົວ​ຕາຍ.

ປັດຈຸບັນອາ​ເມ​ລິ​ກາ​ມີ​ກຳລັງ​ທະຫານ 8.400 ຄົນ​ຢູ່​ອັບ​ກາ​ນິດ​ສະຖານ ​ແລະ ຍັງ​ມີ​ກອງ​ກຳລັງ​ຕ່າງປະ​ເທດ​ອີກ 5.000 ຄົນ​ຈາກ​ປະ​ເທດ​ສະມາຊິກ​ອົງການ​ສົນທິສັນຍາ​ອັດ​ລັງ​ຕິກ​ເໜືອ ຫລື ນາ​ໂຕ ປະຈຳການ​ຢູ່​ອັບ​ກາ​ນິດ​ສະຖານ. ຜ່ານ​ມາ​ກຸ່ມ​ຕາ​ລີ​ບັນ​ເຂົ້າ​ໂຈມ​ຕີ​ກອງ​ກຳລັງ​ຕ່າງປະ​ເທດ ​ແລະ ກອງ​ກຳລັງ​ລັດຖະບານ​ຫລາຍ​​ເທື່ອ ​ໂດຍ​​ເມື່ອໆ​ມາ​ນີ້ ​ເຫດ​ໂຈມ​ຕີ​ຄ້າຍ​ເຝິກ​ທະຫານ​ຢູ່​ເມືອງ​ມາ​ຊາ ອີ ຊາຣີບ ​ເຮັດ​ໃຫ້​ມີ​ຜູ້​ເສຍ​ຊີວິດ 135 ຄົນ ​ແລະ ​​ເຮ​ັດ​ໃຫ້​ລັດຖະມົນຕີ​ປ້ອງ​ກັນ​ປະ​ເທດ​ອັບ​ກາ​ນິດ​ສະຖານ ລວມທັງ​ເສນາ​ທິການ​ທະຫານ​ບົກ​ຕ້ອງ​ລາ​ອອກ.

- WhatsApp Image 2020 05 27 at 5 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
- WhatsApp Image 2020 05 27 at 5 - ເຫດລະເບີດກາງນະຄອນຫລວງກາບູນ ຕາຍເກືອບຮ້ອຍຄົນ
error: Alert: ເນື້ອຫາຂ່າວມີລິຂະສິດ !!