ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ?

ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ? - 34 - ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ?
ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ? - advert banner 728 90 728x90 - ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ?

ລູກເມືອງພວນ

ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ? - lattana 1 - ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ?
ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ? - Wave100S AD to Website 2020 0 - ຍ້ອນຫຍັງເສດຖະກິດຂອງລາວຈຶ່ງບໍ່ເຂັ້ມແຂງ?

        ສະບາຍດີ ​ເພື່ອ​ນຜູ້​ອ່ານ​ທີ່​ຮັກ​ແພງ, ຄຳ​ຕອບ​ບັນຫາ​ນີ້​ກໍ​ຈະ​ມີ​ຫລາຍ, ​ແຕ່​ບົດ​ຂຽນ​ນີ້​ຍົກ​ບາງ​ບັນຫາ​ຕົ້ນຕໍ​ວ່າ: ເສດຖະກິດຂອງລາວຂະຫຍາຍຕົວຊ້າ ບໍ່ເປັນເລື່ອງທີ່ແປກປະຫຼາດ ເພາະກ່ອນໜ້ານັ້ນລາວເປັນປະເທດນ້ອຍດ້ອຍພັດທະນາທີ່ສຸດໃນໂລກ, ຊໍ້າບໍ່ໜຳຍັງຖືກສັກດີນາສະຫຍາມປົກຄອງມາຫຼາຍກວ່າ 100 ປີ, ຫຼັງຈາກນັ້ນມາ ກໍຖືກເປັນຫົວເມືອງຂຶ້ນຂອງຝຣັ່ງ 9 ປີ ແລະ ຈັກກະພັດອາເມລິກາມາຮຸກຮານ 30 ປີ. ພົນລະເມືອງລາວໃນເວລານັ້ນມີພຽງແຕ່ 2-3 ລ້ານຄົນເທົ່ານັ້ນ ແລະ ສ່ວນໃຫ່ຍແມ່ນກືກໜັງສື. ພື້ນຖານເສດຖະກິດກໍພຽງແຕ່ເຮັດໄຮ່ທຳສວນລ້ຽງຊີບໄປວັນໆ. ອຸດສາຫະກຳເກືອບວ່າບໍ່ມີຫຍັງ. ໄດ້ຍິນຜູ້ເຖົ້າຜູ້ແກ່ເລົ່າວ່າ: ມີແຕ່ຝຣັ່ງຂຸດຄົ້ນບໍ່ຖ່ານຫີນຢູ່ໂພນຕິ້ວ ພູພຽງບໍລະເວນເທົ່ານັ້ນ ແຕ່ກໍບໍ່ແມ່ນເພື່ອເອົາມາພັດທະນາປະເທດລາວ ແຕ່ຫາກຂຸດຄົ້ນກອບໂກຍເອົາໄປໃຫ້ພວກ​ເຂົາເອງ. ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ແລະ ສະຖາປະນາເປັນ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ ປີ 1975 ນັ້ນ, ປະຊາຊົນລາວກືກໜັງສື 95% ຂອງພົນລະເມືອງ 3 ລ້ານຄົນໃນເວລານັ້ນ.

     ຈາກ​ນັ້ນລັດຖະບານຈຶ່ງໄດ້ຟື້ນຟູຮຳບາດແຜສົງຄາມຄືນໃໝ່, ປັບປຸງອຳນາດລັດປະຊາທິປະໄຕໃຫ້ເຂັ້ມແຂງ, ປົວແປງຊີວິດການເປັນຢູ່ຂອງປະຊາຊົນໃຫ້ດີຂຶ້ນເທື່ອລະກ້າວ. ສ້າງພື້ນຖານເສດຖະກິດແຫ່ງຊາດໃຫ້ເປັນຮູບເປັນຮ່າງຂຶ້ນ ໂດຍອີງໃສ່ທ່າແຮງທາງດ້ານກະສິກຳເປັນແປ້ນຢັນໃຫ້ແກ່ການພັດທະນາອຸດສາຫະກຳ, ​ແຕ່ໄລຍະນັ້ນຍັງດຳເນີນຕາມຮູບຖານເສດຖະກິດແບບເກົ່າຂອງສັງຄົມນິຍົມຢູ່. ໝາຍຄວາມວ່າ ຍັງແມ່ນຮູບຖານເສດຖະກິດລວມໝູ່​ແບບ​ເກື້ອກູນ ໂດຍປາສະຈາກເສດຖະກິດຂອງເອກະຊົນ ​ແລະ ນາຍທຶນ ຍ້ອນເຫດຜົນດັ່ງກ່າວເສດຖະກິດຂອງລາວຈຶ່ງບໍ່ມີການຂະຫຍາຍຕົວ. ກອງປະຊຸມໃຫ່ຍຄັ້ງທີ IV ຂອງພັກ ປີ 1986 ຈຶ່ງໄດ້ຫັນປ່ຽນແນວຄິດຈິນຕະນາການໃໝ່ ຫັນປ່ຽນຈາກພື້ນຖານເສດຖະກິດເກື້ອກູນໄປສູ່ກົນໄກ​ເສດຖະກິດຕະຫຼາດ, ຜະລິດເປັນສິນຄ້າ. ຈາກນັ້ນມາ ລັດຖະບານລາວກໍໄດ້ວາງນະໂຍບາຍເສດຖະກິດຕາມກົນໄກເສດຖະກິດຕະຫຼາດ ແລະ ສົ່ງເສີມເສດຖະກິດຫຼາຍພາກສ່ວນ, ເປີດປະຕູູສູ່ໂລກພາຍນອກ ເສດຖະກິດຂອງລາວຈຶ່ງຄ່ອຍໆເປັນຕົນເປັນໂຕເປັນຮູບເປັນຮ່າງຂຶ້ນ. ຕະຫຼອດໄລຍະກວ່າ 40 ປີຜ່ານມາ, ເສດຖະກິດລາວຂະຫຍາຍຕົວຢູ່ລະດັບນີ້ຖືວ່າໄວທີ່ສຸດແລ້ວ ຖ້ທຽບໃສ່ປະຫວັດສາດແຫ່ງການກຳເນີດຂອງປະເທດ. ​ແຕ່ເຖິງຢ່າງໃດກໍຕາມ, ມາຮອດປັດຈຸບັນ ພວກເຮົາກໍຍັງຕິດຢູ່ໃນສະພາບທີ່ວ່າ:

1. ພົນລະເມືອງລາວໜ້ອຍ ບວກ​ກັບລະດັບຄວາມຮູ້ຄວາມ​ສາມາດບໍ່ທັນສູງ ເຮັດໃຫ້ຈຳກັດຂີດຄວາມສາມາດໃນການພັດທະນາ.

2. ຄວາມເປັນເຈົ້າການບໍ່ສູງ ບວກ​ກັບກົນໄກຄຸ້ມຄອງອ່ອນແອບໍ່ເດັດຂາດ ອັນພາໃຫ້ເກີດປາກົດການຫຍໍ້ທໍ້ໃນສັງຄົມນັບມື້ຫຼາຍຂຶ້ນ, ການພັດທະນາປະເທດຊາດອ່ອນແອ.

3. ຂາດນັກລົງທຶນທີ່ເປັນຄົນລາວ (ລະດັບເສດຖີ) ​ແລະ  ອາໄສແຕ່ການລົງທຶນຈາກຕ່າງປະເທດ ແລະ ການກູ້ຢືມເປັນຕົ້ນຕໍ ອັນກໍ່ໃຫ້ເກີດໜີ້ສິນຕາມມາຢ່າງມະຫາສານ ແລະ ຂາດຄວາມເປັນເອກະລາດແຫ່ງຊາດ.

4. ລະບົບການຜະລິດຍັງອ່ອນນ້ອຍ ອາໄສແຕ່ຂາຍຊັບພະຍາກອນທຳມະຊາດ ເຮັດໃຫ້ຊັບພະຍາກອນຂອງຊາດບົກແຫ້ງໄວວາ ແຕ່ບໍ່ສົມດຸນກັບການພັດທະນາ ຈຶ່ງເສຍຜົນປະໂຫຍດຢ່າງຫຼວງຫຼາຍ.

5.   ການສົ່ງອອກສິນຄ້າບໍ່ທັນເຂັ້ມແຂງ ສ່ວນ​ໃຫຍ່ອາໄສແຕ່ການນຳເຂົ້າ ເຮັດໃຫ້ຂາດດຸນການຄ້າຢ່າງມະຫາສານໃນແຕ່ລະປີ.

6. ການສໍ້ລາດບັງຫຼວງລະບາດຮ້າຍແຮງ ບວກ​ກັບການຈັດຕັ້ງປະຕິບັດກົດໝາຍບໍ່ເຂັ້ມງວດ ກີດຂວາງການພັດທະນາຢ່າງຮ້າຍແຮງ.

    ເຖິງຢ່າງໃດກໍດີ, ສິ່ງກີດຂວາງດັ່ງກ່າວນັ້ນຈະຄ່ອຍໝົດໄປເທື່ອລະໜ້ອຍ, ຕາມເປົ້າໝາຍໃໝ່ຂອງລັດຖະບານຄາດວ່າປີ 2024 ຈະໃຫ້ລາວພົ້ນອອກຈາກສະຖານະພາບປະເທດດ້ອຍພັດທະນາ. ພວກເຮົາຕ້ອງເຊື່ອໝັ້ນວ່າ ພາຍໃຕ້ການຊີ້ນຳ-ນຳພາອັນສະຫຼາດສ່ອງໃສຂອງພັກປະຊາຊົນ ປະຕິວັດລາວ ແນ່ນອນວ່າປະເທດລາວອັນ​ແສນ​ຮັກຂອງພວກເຮົາກໍຈະກ້າວເດີນຢ່າງເຂັ້ມແຂງໄດ້ໃນຕໍ່ໜ້າແນ່ນອນ, ເສດຖະກິດຈະເຂັ້ມແຂງ, ຊີວິດການເປັນຢູ່ຂອງປະຊາຊົນຈະດີຂຶ້ນ ຢ່າງບໍ່ຕ້ອງສົງໄສ.

error: Alert: Content is protected !!