ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ

ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ - advert banner 728 90 728x90 - ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ

    ວັນທີ 21 ມັງກອນ ນີ້, ຢູ່ກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນ ນະຄອນຫລວງວຽງຈັນ, ໃນວັນທີ 21 ມັງກອນ ນີ້,  ທ່ານ ເບີລິນ ເພັດຈັນທະລາດ ຫົວໜ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ໄດ້ຂຶ້ນຊີ້ແຈງກ່ຽວກັບບັນຫາລາຄາຊີ້ນໝູແພງ ຕໍ່ກອງປະຊຸມດັ່ງກ່າວວ່າ: ປັດຈຸບັນ ຢູ່ ຕະຫລາດໃນນະຄອນຫລວງວຽງຈັນ ລາຄາຊີ້ນໝູແພງຂຶ້ນ, ຈາກ 35.000 ຫາ 36.000 ກີບຕໍ່ກິໂລ, ໃນຜ່ານມາໄດ້ເພີ່ມຂຶ້ນອີກ, ຍ້ອນໝູຂາດຕະຫລາດ, ທີ່ເປັນຜົນມາຈາກຫລາຍປະເທດອ້ອມຂ້າງກໍມີ ລາຄາສູງຂຶ້ນ ແລະ ຍ້ອນການຕອບສະໜອງຊີ້ນໝູ ໃນໄລຍະປີໃໝ່ຊາວຈີນ ແລະ ຊາວຫວຽດນາມ ບໍ່ພຽງພໍ, ຢູ່ ນະຄອນຫລວງວຽງຈັນ, ຟາມລ້ຽງໝູຫລຸດລົງ 1878 ຟາມ, ຍັງເຫລືອພຽງ 113 ຟາມ, ບວກກັບຕົ້ນທຶນການຜະລິດກໍສູງຂຶ້ນພາຍຫລັງໄລຍະພະຍາດອະຫິວາໝູອາຟຣິກກາລະບາດ, ທຸລະກິດລ້ຽງໝູຕ້ອງໄດ້ແບກຫາບຕົ້ນທຶນໃນການປ້ອງກັນພະຍາດສັດດັ່ງກ່າວຫລາຍຂຶ້ນ, ພ້ອມນັ້ນ, ອັດຕາເງີນກີບເຟີ້ກໍມີສ່ວນປະກອບໃຫ້ລາຄາຊີ້ນໝູແພງຂຶ້ນກ່ວາທຸກປີຜ່ານມາ, ຍ້ອນວ່າຫົວອາຫານສັດສ່ວນໜຶ່ງຕ້ອງນຳເຂົ້າຈາກຕ່າງປະເທດ, ປັດຈຸບັນ, ຢູ່ ນະຄອນຫລວງວຽງຈັນ ຄວາມຕ້ອງການຊີ້ນໝູ ປະມານ 59,5ໂຕນ ຫລື 700-750 ໂຕ/ມື້, ໂດຍສະເພາະໃນໄລຍະເທດສະ ການບຸນປະເພນີຕ່າງໆ ຈະເພີ່ມປະລິມານຂຶ້ນເກືອບ 1 ພັນໂຕ/ມື້, ສ່ວນການສະໜອງໝູຂອງບັນດາຟາມຕ່າງໆສາມາດຕອບສະໜອງໄດ້ພຽງ 70% ເທົ່ານັ້ນ, ດັ່ງ ນັ້ນ ຈຶ່ງເຮັດໃຫ້ໝູຂາດຕະຫລາດ ແລະ ລາຄາແພງຂຶ້ນ.

ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ - Wave100S AD to Website 2020 0 - ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ
ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ - lattana 1 - ການຄ້ານະຄອນຫລວງວຽງຈັນ ຊີ້ແຈງລາຄາຊີ້ນໝູແພງ

    ຫົວໜ້າພະແນກ ອຸດສາຫະກຳ ແລະ ການຄ້າ ໃຫ້ຮູ້ວ່າ: ແຕ່ຖ້າສົມທຽບ ໃສ່ປະເທດເພື່ອນບ້ານຄື: ໄທ ຄາຄາຈະສູງກ່ວາ 33,33% ແລະ ປະເທດ ຫວຽດນາມ ລາຄາຈະສູງກ່ວາປະເທດເຮົາ 50%, ແນວໃດກໍຕາມ, ເພື່ອຄຸ້ມຄອງລາຄາຊີ້ນໝູໃຫ້ໄດ້ຕາມກຳນົດທີ່ລັດວາງອອກ, ທາງພະແນກ ອຸດສາຫະກຳ ແລະ ການຄ້າ ນະຄອນຫລວງວຽງຈັນ ກໍໄດ້ເອົາໃຈໃສ່ຕິດຕາມ, ໂດຍສົ່ງພະນັກງານລົງກວດກາ, ແກ້ໄຂໃຫ້ສອດຄ່ອງກັບສະພາບຕົວຈິງ ແລະ ສະເຫນີ ພາກສ່ວນກ່ຽວຂ້ອງລົງຊຸດຍູ້ສົ່ງເສີມການລ້ຽງໝູໃຫ້ເປັນລະບົບ, ທັນສະໄໝ ແລະ ປົກກະຕິ, ທັງລະບົບຟາມ ແລະ ລ້ຽງແບບຄົວເຮືອນ ເພື່ອສ້າງຄວາມເຂັ້ມແຂງໃຫ້ເຂົາເຈົ້າມີເງື່ອນໄຂ ແລະ ຄວາມສາມາດໃນການຜະລິດໝູເພື່ອຕອບສະໜອງຄວາມຕ້ອງການຂອງຜູ້ບໍລິໂພກໄດ້ເປັນປົກກະຕິ.

error: Alert: Content is protected !!