​ເຄາະ​ຊ້ຳ ! ຈີນ​ພົບ​ໄຂ້ຫວັດ​ສັດ​ປີກ H5N6 ຢູ່​ຟາ​ມ​ໃນ​ເສ​ສວນ

- advert banner 728 90 728x90 - ​ເຄາະ​ຊ້ຳ ! ຈີນ​ພົບ​ໄຂ້ຫວັດ​ສັດ​ປີກ H5N6 ຢູ່​ຟາ​ມ​ໃນ​ເສ​ສວນ

     ທາງ​ການ​ຈີນ​ກວດ​ພົບ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ສັດ​ປີກ “H5N6” ຢູ່​ຟາ​ມ​ໃນ​ມົນທົນ​ເສ​ສວນ ພຽງ​ອາທິດ​ດຽວ​ຫລັງ​ກຳຈັດ​ໄກ່​ເພື່ອ​ປ້ອງ​ກັນ​ເຊື້ອພະຍາດ​ດຽວ​ກັນ​ແຕ່​ຄົນ​ລະ​ສາຍ​ພັນ ຢູ່​ຟາ​ມ​ໃນ​ມົນທົນ​ເສ​ສວນ.

- lattana 1 - ​ເຄາະ​ຊ້ຳ ! ຈີນ​ພົບ​ໄຂ້ຫວັດ​ສັດ​ປີກ H5N6 ຢູ່​ຟາ​ມ​ໃນ​ເສ​ສວນ
- Wave100S AD to Website 2020 0 - ​ເຄາະ​ຊ້ຳ ! ຈີນ​ພົບ​ໄຂ້ຫວັດ​ສັດ​ປີກ H5N6 ຢູ່​ຟາ​ມ​ໃນ​ເສ​ສວນ

     ກະຊວງ​ກະສິກຳຂອງ​ຈີນ​ອອກ​ຖະ​ແຫລ​ງການ​ໃນ​ວັນ​ທີ 10 ກຸມພາ ​ເລື່ອງ​ການ​ພົບ​ການ​ແຜ່​ລະບາດ​ຂອງ​ເຊື້ອ​ໄວຣັສ​ໄຂ້ຫວັດ​ສັດ​ປີກ​ສາຍ​ພັນ H5N6 ຢູ່​ຟາ​ມ​ແຫ່ງ​ໜຶ່ງ ​ໃນ​ມົນທົນ​ເສ​ສວນ ທາງ​ຕາ​ເວັນ​ຕົກ​ສຽງ​ໃຕ້​ຂອງ​ປະ​ເທດ ​ເຊິ່ງມີ​ໄກ່​ຕາຍ​ໄປ​ແລ້ວ 1.840 ​ໂຕ ຈາກ​ຈຳນວນ​ທັງ​ໝົດ 2.497 ​ໂຕ ສົ່ງ​ຜົນ​ໃຫ້​ເຈົ້າໜ້າ​ທີ່​ຈຳ​ເປັນ​ຕ້ອງ​ກຳຈັດ​ໄກ່​ທີ່​ເຫລືອ.

      ​ເຖິງ​ຢ່າງ​ໃດ​ກໍ​ຕາມ, ກ່ອນ​ໜ້ານັ້ນພຽງ​ອາທິດ​ດຽວ ມີ​ການ​ພົບ​ການ​ແຜ່​ລະບາດ​ຂອງ​ໄຂ້ຫວັດ​ສັດ​ປີກ​ສາຍ​ພັນ H5N1 ຢູ່​ຟາ​ມ​ແຫ່ງ​ໜຶ່ງ​ໃນ​ເຂດ​ສວງ​ຊິ່ງ ຂອງ​ເມືອງ​ເສົາ​ຢາງ ​ໃນ​ມົນທົນ​ຫູ​ໜານ ຕັ້ງຢູ່​ພາກ​ກາງ​ຕອນ​ລຸ່ມ​ຂອງ​ຈີນ ສົ່ງ​ຜົນ​ໃຫ້​ເຈົ້າໜ້າ​ທີ່​ຕ້ອງ​ກຳຈັດ​ສັດ​ປີກ​ໃນ​ຟາ​ມທີ່​ເປັນຕົ້ນຕໍ​ການ​ແຜ່​ລະບາດ​ຂອງ​ເຊື້ອ ​ແລະ ຟາ​ມ​ໃນ​ພື້ນທີ່​ໃກ້​ຄຽງ​ລວມກັນ​ຢ່າງ​ໜ້ອຍ 17.828 ​ໂຕ. ຂະນະ​ທີ່​ຟາ​ມ​ເຊິ່ງ​ເປັນ​ແຫ​ລ່ງກຳ​ເນີ​ດ​ເຊື້ອພະຍາດ​ມີ​ໄກ່​ປະມານ 7.850 ​ໂຕ ​ແຕ່​ຕິດ​ເຊື້ອ ​ແລະ ຕາຍ​ໄປ​ແລ້ວ​ປະມານ 4.500 ​ໂຕ.

      ນອກຈາກ​ນີ້ ມົນທົນ​ຫູ​ໜານ​ມີ​ຊາຍ​ແດນ​ທາງ​ເໜືອ​ຕິດ​ກັບ​ມົນທົນ​ຫູ​ເປີ​ຍ ​ເຊິ່ງກຳລັງ​ເປັນ​ສູນ​ກາງ​ການ​ແຜ່​ລະບາ​ດຂອງ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ ທີ່​ມີ​ຜູ້​ເສຍ​ຊີວິດ​ແລ້ວ 900 ຄົນ ​ແລະ ມີ​ຜູ້​ຕິດ​ເຊື້ອຫລາຍ​ກວ່າ 40.000 ຄົນ ທຳລາຍ​ສະຖິຕິ​ຜູ້​ເສຍ​ຊີວິດ​ຈາກ​ການ​ແຜ່​ລະບາດ​ຂອງ​ກຸ່ມ​ອາການ​ທາງ​ເດີນ​ຫາຍ​ໃຈ​ກະທັນຫັນ​ຮຸນ​ແຮງ ​ຫລື ຊາຣ໌ສ ​ເຊິ່​ງ​ແຜ່​ລະບາດ​ລະຫວ່າງ​ທ້າຍ​ປີ 2002 ຫາ​ກາງ​ປີ 2003 ມີ​ຜູ້​ເສຍ​ຊີວິດ 774 ຄົນ ​ແລະ ຜູ້​ຕິດ​ເຊື້ອ 8.096 ຄົນ.

error: Alert: Content is protected !!