ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ

- advert banner 728 90 728x90 - ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ

ເມື່ອທ້າຍອາທິດຜ່ານມານີ້, ຄະນະກໍາມະການຄຸ້ມຄອງຫລັກຊັບລາວຮ່ວມກັບ ຕະຫລາດຫລັກຊັບແຫ່ງປະເທດໄທ, ໄດ້ຈັດສໍາມະນາຫົວຂໍ້: “ວຽກງານຕະຫລາດທຶນສໍາລັບສື່ມວນຊົນລາວ” ຂຶ້ນທີ່ສໍານັກງານຕະຫລາດຫລັກຊັບລາວໃນ ນະຄອນຫລວງວຽງຈັນ, ໂດຍມີຜູ້ຕ່າງໜ້າຈາກອົງການສື່ມວນຊົນຈາກໜັງສືພີມ, ວິທະຍຸ, ໂທລະພາບ ແລະ ສື່ສິ່ງພີມຕ່າງໆເຂົ້າຮ່ວມຈໍານວນຫລາຍ,  ເພື່ອເພີ່ມຄວາມຮັບຮູ້ກ່ຽວກັບວຽກງານຕະຫລາດທຶນທີ່ເປັນແກ່ນສານຂອງການພັດທະນາປະເທດ, ໂດຍສະເພາະບັນດາປະເທດພວມພັດທະນາ ກໍຄືປະເທດທີ່ພັດທະນາແລ້ວ, ລ້ວນແຕ່ມີຕະຫລາດທຶນທີ່ພັດທະນາຢ່າງແຂງແຮງ, ເປັນແຫລ່ງລົງທຶນ, ລະດົມທຶນກ້ອນໃຫຍ່ ແລະ ໄລຍະຍາວເພື່ອພັດທະນາທຸລະກິດ ກໍຄືເສດຖະກິດຂອງປະເທດ ແລະ ສໍາລັບ ສປປ ລາວ ຕະຫລາດທຶນຍັງຖືວ່າເປັນວຽກໃໝ່ຂອງທຸກພາກສ່ວນສັງຄົມຊຶ່ງລວມໄປເຖິງສື່ມວນຊົນ, ສະນັ້ນການສໍາມະນານີ້ແມ່ນວຽກຈໍາເປັນເພື່ອຊ່ວຍຍົກສູງຄວາມຮູ້ຄວາມສາມາດຂອງສື່ມວນຊົນໃນການໂຄສະນາເຜີຍແຜ່ຂໍ້ມູນຂ່າວສານກ່ຽວກັບຕະຫລາດທຶນໃຫ້ສັງຄົມໄດ້ມີຄວາມຮັບຮູ້ເຂົ້າໃຈຢ່າງກວ້າງຂວາງ ແລະ ປະກອບສ່ວນພັດທະນາຕະຫລາດດັ່ງກ່າວໃຫ້ມີການເຄື່ອນໄຫວເຂັ້ມແຂງສາມາດປະກອບສ່ວນເຂົ້າໃນການສ້າງສາ ແລະ ພັດທະນາປະເທດຊາດໃຫ້ຈະເລີນຮຸ່ງເຮືອງຂຶ້ນໄປເລື້ອຍໆ.

- new3 - ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ

ການສໍາມະນາຄັ້ງນີ້, ຜູ້ເຂົ້າຮ່ວມໄດ້ຮັບຟັງກ່ຽວກັບຄວາມເປັນມາຂອງຕະຫລາດທຶນ, ຄວາມສໍາຄັນ ແລະ ຜົນປະໂຫຍດທີ່ຈະໄດ້ຈາກຕະຫລາດດັ່ງກ່າວ, ໂດຍການບັນຍາຍຂອງຜູ້ບໍລິຫານລະດັບສູງຈາກຕະຫລາດຫລັກຊັບແຫ່ງປະເທດໄທ ແລະ ນັກຂ່າວທີ່ມີປະສົບການຫລາຍຈາກສໍານັກຂ່າວໄທ.

ຮອງຫົວໜ້າສໍານັກງານຄະນະກໍາມະການຄຸ້ມຄອງຫລັກຊັບ ທ່ານນາງ ນະຄອນສີ ມະໂນທັມ ກ່າວວ່າ: ນັບແຕ່ສ້າງຕັ້ງຕະຫລາດຫລັກຊັບລາວແຕ່ປີ 2011 ເປັນຕົ້ນມາ, ຕະຫລາດຫລັກຊັບແຫ່ງປະເທດໄທ ໄດ້ໃຫ້ການສະໜັບສະໜູນຊ່ວຍເຫລືອມາຢ່າງຕໍ່ເນື່ອງ, ໂດຍສະເພາະໃນດ້ານກໍ່ສ້າງບຸກຄະລາກອນ, ປະກອບຄໍາເຫັນໃສ່ກົດໝາຍວ່າດ້ວຍຫລັກຊັບ, ຈັດຝຶກອົບຮົມໃຫ້ແກ່ບໍລິສັດຫລັກຊັບ, ບໍລິສັດຈົດທະບຽນ ແລະ ວຽກງານອື່ນໆໄດ້ຮັບຜົນເປັນຢ່າງດີ.

- lattana 1 - ເພີ່ມຄວາມຮູ້ວຽກງານຕະຫລາດທຶນໃຫ້ສື່ມວນຊົນລາວ

 

error: Content is protected !!