ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ?

ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ? - Untitled design - ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ?

                                              ລູກເມືອງພວນ

ກົດເພື່ອຟັງຂ່າວ

ສະບາຍດີທ່ານຜູ້ອ່ານທີ່ຮັກແພງທັງຫຼາຍ, ໄລຍະນີ້ເປັນໄລຍະທີ່ທົ່ວທັງໂລກມີຄວາມກັງວົນ ແລະ ມີຄວາມພະຍາຍາມຫາທຸກວິທີທາງເພື່ອຕ້ານ ແລະ ສະກັດກັ້ນພະຍາດ ໂຄວິດ-19 ຢ່າງເອົາຈິງເອົາຈັງໃນທົ່ວໂລກ ແລະ ຢູ່ລາວເຮົາກໍເຊັ່ນດຽວກັນ. ລັດຖະບານໄດ້ວາງຫຼາຍມາດຕະການທີ່ເຂັ້ມງວດ, ເຄັ່ງຄັດ ເດັດຂາດຫຼາຍປະການໃນຂະນະນີ້ເພື່ອປ້ອງກັນພະຍາດດັ່ງກ່າວ.

ເຖິງຢ່າງໃດກໍດີ, ຖ້າເຮົາຈະເຄັ່ງຄັດ ແລະ ຢາກເອົາຊະນະ ໄວຣັສ ໂຄໂຣນາ ໄດ້ ແລະ ບໍ່ໃຫ້ເກີດຂຶ້ນຢູ່ບ້ານເຮົາ ກໍຕ້ອງເຂັ້ມງວດທຸກຂັ້ນຕອນ, ບໍ່ຄວນຖືເບົາກໍລະນີສົງໄສໃດໜຶ່ງ. ດີທີ່ສຸດເມື່ອມີຜູ້ສົງໄສວ່າຕິດເຊື້ອດ້ວຍຕົວເຂົາເຈົ້າເອງກໍຕາມ ຫຼື ດ້ວຍທາງການກໍແລ້ວແຕ່, ເຮົາຄວນແນະນຳໃຫ້ພວກເຂົາເຈົ້າໄປກວດຢູ່ໂຮງໝໍ ຫຼື ສະຖານທີ່ທີ່ຈັດໄວ້ໃຫ້ສະເພາະຜູ້ສົງໄສຕິດເຊື້ອເທົ່ານັ້ນຈະເປັນການດີທີ່ສຸດ ແລະ ຄວນມີລົດໂຮງໝໍໄປຮັບເອົາເຖິງທີ່ ດັ່ງບັນດາປະເທດອື່ນເພີ່ນເຮັດກັນ.

ຜ່ານມາເຄີຍເຫັນຜູ້ທີ່ເປັນຫວັດ, ເປັນໄອ ກໍລະນີຜູ້ກ່ຽວສົງໄສເອົາເອງວ່າມີອາການຜິດປົກະຕິ ກໍໄປກວດຢູ່ຕາມໂຮງໝໍທົ່ວໄປ ອັນນີ້ເປັນເລື່ອງອັນຕະລາຍຫຼາຍ, ຖ້າຫາກຕິດເຊື້ອແທ້ໆ ມັນກໍຊໍ່າກັບວ່ານຳເອົາເຊື້ຶອພະຍາດໄປໃສ່ຄົນທັງສັງຄົມແມ່ນບໍ?

ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ? - Wave100S AD to Website 2020 0 - ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ?

ອີກດ້ານໜຶ່ງ, ເມື່ອຜູ້ກ່ຽວສົງໄສເອົາເອງ ໄປກວດທ່ານໝໍກະພຽງແຕ່ຖາມວ່າ ໄດ້ໄປຕ່າງປະເທດບ່ອນທີ່ມີລະບາດພະຍາດມາບໍ? ຖ້າບໍ່ໄດ້ໄປໃສ ກໍບອກພຽງວ່າບໍ່ເປັນຫຍັງ ແລ້ວກະບໍ່ໄດ້ກວດໃຫ້ຟຣີຕາມທີ່ໄດ້ປະກາດໄປ. ແຕ່ເຮົາຮູ້ບໍ່ວ່າ ເຖິງແມ່ນເຂົາຈະບໍ່ໄດ້ໄປຕ່າງປະເທດກໍຕາມ ແຕ່ມີໃຜແດ່ຮູ້ວ່າໃນສັງຄົມທີ່ກ້ວາງໃຫ່ຍແບບນີ້, ມີໃຜແດ່ຕິດເຊື້ອ ຫຼື ບໍ່ຕິດເຊື່ຶອ, ມີໃຜແດ່ໄປໃສ-ມາໃສ. ຕິດພັນກັບຜູ້ໃດ ແລະ ສຳຜັດກັບໃຜແດ່ໃນມື້ໜຶ່ງໆ ບໍ່ມີໃຜຮູ້ໄດ້. ດັ່ງນັ້ນ, ເຖິງແມ່ນຜູ້ກ່ຽວຈະສົງໄສເອົາເອງກໍຕາມ ກໍຄວນຈະກວດໃຫ້ຢ່າງລະອຽດ ເພື່ອປ້ອງກັນດີກວ່າແກ້ຈະດີບໍ? ບໍ່ຢາກໃຫ້ຖືເບົາ, ຊື່ງບໍ່ແມ່ນທຸກຄົນຈະສວຍໂອກາດປົວຟຣີດອກ ແຕ່ທຸກຄົນລ້ວນແຕ່ຢ້ານຕິດເຊື້ອທັງນັ້ນ.

ຖ້າຫາກຍັງເຮັດຄືຜ່ານມາເຫັນວ່າຈະມີຄວາມສ່ຽງຫຼາຍຂຶ້ນ. ຖ້າຈະເຄັ່ງຄັດກໍຕ້ອງເຄັ່ງຄັດທຸກຂັ້ນຕອນຈະດີທີ່ສຸດ. ບໍ່ຄວນໃຫ້ໄປກວດສຸມຊົ່ວກັບຄົນທົ່ວໄປຢູ່ໃນໂຮງໝໍທົ່ວໄປ. ນີ້ຄືມາດຕະຖານທີ່ດີ, ຄວນຈັດຕັ້ງປະຕິບັດໃຫ້ເປັນເອກະພາບກັນທົ່ວປະເທດແມ່ນດີທີ່ສຸດ.

ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ? - WhatsApp Image 2020 05 27 at 5 - ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ?
ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ? - WhatsApp Image 2020 05 27 at 5 - ຄວນມີໂຮງໝໍ ຫຼື ສະຖານທີ່ກວດສະເພາະໃຫ້ຜູ້ທີ່ສົງໄສວ່າຕິດເຊື້ອຈະດີບໍ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!