8 ສິ່ງຕໍ່ໄປນີ້ດີຕໍ່ສຸຂະພາບຜິວຫລາຍ

- advert banner 728 90 728x90 - 8 ສິ່ງຕໍ່ໄປນີ້ດີຕໍ່ສຸຂະພາບຜິວຫລາຍ

– ນຳ້ມັນ : ເປັນສິ່ງທີ່ຈຳເປັນຕໍ່ຜິວໜັງຂອງທ່ານຫລາຍໂດຍສະເພາະໃນຍາມໜາວ, ຄົນຜິວແຫ້ງ ໄປຈົນເຖິງຄົນຜິວທຳມະດາ ແລະ ຄົນຜິວປະສົມ (ສ່ວນຄົນຜິວມັນສາມາດຜະລິດນຳ້ມັນໄດ້ຫລາຍເກີນພໍຢູ່ແລ້ວ).

– ນອນຫລັບດົນໆ : ການນອນຫລັບດົນໆໃຫ້ໄດ້ຢ່າງໜ້ອຍ 7 ຊົ່ວໂມງໃນ 1 ຄືນ ນອກຈາກຈະເຮັດໃຫ້ຮ່າງກາຍຮູ້ສຶກສົດຊື່ນຫ້າວຫັນຍາມຕື່ນນອນແລ້ວ ທ່ານຍັງພົບວ່າຜິວໜັງສົດໃສກ້ຽງງາມຂຶ້ນນຳ ເພາະໃນເວລາທີ່ທ່ານນອນຫລັບຂະບວນການຟື້ນຟູໂຕເອງຂອງຮ່າງກາຍ ລວມທັງຜິວໜັງຈະເຮັດວຽກ ເມື່ອໄດ້ຫລັບພັກຜ່ອນຢ່າງພຽງພໍ ຜິວໜ້າ ແລະ ຜິວໂຕຈຶ່ງສົດໃສຂຶ້ນ.

– ນຳ້ເຜິ້ງ : ຊ່ວຍຕື່ມ ແລະ ຮັກສາຄວາມຊຸ່ມຊື່ນໃຫ້ແກ່ຜິວໜັງໄດ້ເປັນຢ່າງດີ ທັງເໝາະສົມກັບຄົນທີ່ມີຜິວບາງ ເພາະມີລິດຂ້າເຊື້ອໄດ້ອ່ອນໆ. ສະນັ້ນ, ຄວນເລືອກຊື້ຜະລິດຕະພັນບຳລຸງຜິວທີ່ມີສ່ວນປະສົມຂອງນຳ້ເຜິ້ງ ຫລື ພອກຜິວ ໂດຍປະສົມນຳ້ເຜິ້ງໃສ່ນຳກໍໄດ້.

– ອອກກຳລັງກາຍ : ຈະຊ່ວຍຮັກສາຄວາມຫົດຢືດຂອງຜິວໜັງໄວ້ໄດ້ ພ້ອມທັງຊ່ວຍໃຫ້ສຸຂະພາບໂດຍລວມແຂງແຮງດີ ແລະ ສົ່ງຜົນຕໍ່ໄປຍັງຜິວໜັງທີ່ບໍ່ຫ່ຽວຍານງ່າຍນຳອີກ ເຊິ່ງເປັນຜົນດີຫລາຍຕໍ່ໄປໃນຍາມທີ່ທ່ານແກ່ໂຕລົງ.

– ເລືອກໃຊ້ຜະລິດຕະພັນທີ່ມາຈາກທຳມະຊາດ : ຈະເປັນການດີຕໍ່ຜິວໜັງທີ່ສຸດ ຫາກທ່ານສາມາດເລືອກຜະລິດຕະພັນເບິ່ງແຍງຜິວທີ່ມາຈາກທຳມະຊາດ, ຫລີກເວັ້ນສ່ວນປະສົມທີ່ໄດ້ມາຈາກຂະບວນການທາງເຄມີທີ່ມັກຈະບໍ່ອ່ອນຕໍ່ຜິວປານໃດ ເຊິ່ງຄົງບໍ່ດີຫາກທ່ານໃຊ້ມັນຕິດຕໍ່ກັນໃນໄລຍະຍາວ.

- 1 1 - 8 ສິ່ງຕໍ່ໄປນີ້ດີຕໍ່ສຸຂະພາບຜິວຫລາຍ
- Tiger Head 728x90 - 8 ສິ່ງຕໍ່ໄປນີ້ດີຕໍ່ສຸຂະພາບຜິວຫລາຍ

– ນາໆວິຕາມິນ : ວິຕາມິນທັງຫລາຍນັ້ນເຮົາໄດ້ມາຈາກອາຫານທ່ີບໍລິິໂພກເຂົ້າໄປ ທັງການກິນ ແລະ ດື່ມ, ວິຕາມິນທີ່ຈຳເປັນຕໍ່ຜິວໜັງໄດ້ແກ່ : ວິຕາມິນອາ, ວິຕາມິນເບ ໂດຍສະເພາະໄບໂອຕິນ, ວິຕາມິນເຊ, ວິຕາມິນເອີ ແລະ ວິຕາມິນເດ ເປັນຕົ້ນ.

– ພິດຊ່າ : ຫລາຍທ່ານອາດປະຫລາດໃຈວ່າພິດຊ່າກາຍເປັນອາຫານທີ່ດີຕໍ່ຜິວໜັງໄດ້ເແນວໃດ ມັນເປັນໄປໄດ້ແນ່ນອນຫາກທ່ານບໍລິໂພກມັນໃນປະລິມານທີ່ເໝາະສົມ, ທ່ານສາມາດໄດ້ຮັບທາດການຊຽມຫລວງຫລາຍຈາກຊີສໃນພິດຊ່າ ທັງນີ້ກໍຕ້ອງເລືອກໜ້າພິດຊ່າທີ່ຈະຕື່ມປະໂຫຍດໃຫ້ແກ່ຮ່າງກາຍ ດັ່ງແປ້ງໂຮຫວີດ, ໝາກເຜັດໃຫຍ່, ຫົວຜັກບົ່ວໃຫຍ່, ໝາກນັດ ແລະ ໝາກເລັ່ນ ແຊມໂດຍຊີ້ນສັດລົງໄປໜ້ອຍໜຶ່ງ ເທົ່ານີ້ກໍໄດ້ພິດຊ່າກິນອີ່ມສະບາຍທ້ອງ ບໍ່ຕຸ້ຍ ແລະ ມີປະໂຫຍດຕໍ່ຜິວໜັງແລ້ວ.

– ຊັອກໂກແລັດດຳ : ການກິນຊັອກໂກແລັດຂົມໆມື້ລະໜ້ອຍຈະເຮັດໃຫ້ອາລົມດີໄດ້ ແລະ ສົ່ງຜົນດີຕໍ່ຜິວໜັງນຳອີກ ເພາະມີວິຕາມິນ ແລະ ແຮ່ທາດບາງຊະນິດປະສົມຢູ່ ທັງຍັງມີການສັນນິຖານວ່າມັນມີຄຸນສົມບັດເຮັດໃຫ້ນານເຖົ້າໄດ້.

error: Content is protected !!