ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ

ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ - 236 - ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ
ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ - Untitled design - ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ

    ເບິ່ງແຜນດຳເນີນມາດຕະການຫລຸດຜ່ອນລັອກດາວ “5 ປະເທດ” ຕິດໂຄວິດ-19 ຫລາຍທີ່ສຸດໃນໂລກ ທ່າມກາງສຽງເຕືອນ “ອົງການອະນາໄມໂລກ” ກັງວົນລະບາດຊ້ຳອີກ.

ລັດຖະບານຫລາຍປະເທດທົ່ວໂລກເລີ່ມວາງແຜນຫລຸດຜ່ອນມາດຕະການລັອກດາວທີ່ມຸ່ງສະກັດການແຜ່ລະບາດໄວຣັສໂຄໂຣນາສາຍພັນໃໝ່ (ໂຄວິດ-19) ເພື່ອເປີດເສດຖະກິດອີກ ທ່າມກາງສຽງເຕືອນຈາກອົງການອະນາໄມໂລກ (WHO) ລະບຸວ່າ: ການຫລຸດຜ່ອນມາດຕະການຄວບຄຸມການແຜ່ລະບາດຂອງໄວຣັສໂຄໂຣນາສາຍພັນໃໝ່ (ໂຄວິດ-19) ໄວເກີນໄປ ອາດເຮັດໃຫ້ໂຄວິດ-19 ກັບມາລະບາດອີກເທື່ອໜຶ່ງ.

ມື້ນີ້ມາເບິ່ງກັນວ່າ: ມີປະເທດໃດແດ່ ເລີ່ມຫລຸດຜ່ອນມາດຕະການລັອກດາວປະເທດກັນແລ້ວ

ເຢຍລະມັນ: ກຽມຫລຸດຜ່ອນມາດຕະການຈຳກັດການໃຊ້ຊີວິດຂອງປະຊາຊົນ ຫລັງຈາກມີຈຳນວນຜູ້ຕິດເຊື້ອໃໝ່ໃນປະເທດຫລຸດລົງໃນໄລຍະເດືອນນີ້.

ຂໍ້ມູນຫລ້າສຸດຈາກມະຫາວິທະຍາຈອນ ຮອບກິນ ລະບຸວ່າ: ໃນຮອບ 24 ຊົ່ວໂມງຜ່ານມາ ນັບຮອດວັນທີ 21 ເມສາ, ເຢຍລະມັນມີຜູ້ຕິດເຊື້ອໂຄວິດ-19 ເພີ່ມຂຶ້ນ 1.323 ຄົນ ສົ່ງຜົນໃຫ້ຈຳນວນຜູ້ຕິດເຊື້ອໃນປະເທດມີ 147.065 ຄົນ, ສ່ວນຈຳນວນຜູ້ເສຍຊີວິດເພີ່ມຂຶ້ນ 220 ຄົນ ເຮັດໃຫ້ຈຳນວນລວມມີທັງໝົດ 4.862 ຄົນ.

ທ່ານ ນາງ ອັງເກລາ ແມຣເຄິລ ນາຍົກລັດຖະມົນຕີເຢຍລະມັນ ອອກມາສະແດງຄວາມຄິດເຫັນກ່ຽວກັບຂໍ້ສະເໜີທີ່ຈະໃຫ້ມີການຫລຸດຜ່ອນມາດຕະການປ້ອງກັນການແຜ່ລະບາດຂອງໄວຣັສໂຄວິດ-19 ວ່າ: ການຫລຸດຜ່ອນມາດຕະການອາດມີຄວາມສ່ຽງຈະເຮັດໃຫ້ຈຳນວນຜູ້ຕິດເຊື້ອກັບມາເພີ່ມຂຶ້ນອີກ. ຂະນະທີ່ ພັກຄຣິສຕຽນ ເດໂມແຄຣດ ຂອງທ່ານ ນາງ ແມຣເຄິລ ຍັງແບ່ງຮັບແບ່ງສູ້ ແລະ ບໍ່ມີຄວາມຈະແຈ້ງກ່ຽວກັບມາດຕະການເຫລົ່ານີ້, ທາງພັກລະບຸວ່າ: ກຳລັງພິຈາລະນາຕົວເລືອກຕ່າງໆຢູ່.

ອິຕາລີ ກຽມຫລຸດຜ່ອນມາດຕະການລັອກດາວ 4 ພຶດສະພານີ້. ທ່ານ ຈູເຊບເປ ຄອນເຕ ນາຍົກລັດຖະມົນຕີອິຕາລີ ເປີດເຜີຍວ່າ: ອິຕາລີກຽມຈະປະກາດຫລຸດຜ່ອນມາດຕະການລັອກດາວ ໂດຍຈະເລີ່ມຕົ້ນໃນວັນທີ 4 ພຶດສະພາ ແລະ ຈະດຳເນີນການຢ່າງຄ່ອຍເປັນຄ່ອຍໄປ.

ຜູ້ນຳລັດຖະບານອິຕາລີ ກ່າວຜ່ານເຟສບຸກວ່າ: ທ່ານຢາກຈະເວົ້າປະກາດ “ເປີດເສດຖະກິດ” ຂອງອິຕາລີໃນຕອນນີ້ ຖ້າເຮັດໄດ້ຢາກຈະເປີດມື້ອື່ນ, ແຕ່ການເຮັດແບບນັ້ນອາດ “ໄຮ້ຄວາມຮັບຜິດຊອບ” ເນື່ອງຈາກເສັ້ນກຣາບຂອງຜູ້ຕິດເຊື້ອຍັງເພີ່ມຂຶ້ນຈົນຄວບຄຸມບໍ່ໄດ້ ແລະ ເຮັດໃຫ້ຄວາມພະຍາຍາມທັງໝົດທີ່ຜ່ານມາຕ້ອງເສຍລ້າ. ທ່ານເນັ້ນວ່າ: ຕ້ອງດຳເນີນການທຸກຢ່າງຕາມແຜນການ ເຊິ່ງຈະຕ້ອງມີການພິຈາລະນາສະຖານະການປະກອບຢ່າງເໝາະສົມ.

ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ - Wave100S AD to Website 2020 0 - ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ

ຝຣັ່ງ ເລີ່ມຈະຫລຸດຜ່ອນມາດຕະການລັອກດາວ ສ່ວນໂຮງຮຽນ ແລະ ມະຫາວິທະຍາໄລຕ່າງໆຈະຄ່ອຍໆເປີດ ນັບແຕ່ວັນທີ 11 ພຶດສະພາເປັນຕົ້ນໄປ.

ປະທານາທິບໍດີ ເອັມມານູເອລ ມາຄຣົງ ຂອງຝຣັ່ງ ອອກຖະແຫລງການຜ່ານໂທລະພາບ ກ່ຽວກັບສະຖານະການການລະບາດຂອງໂຄວິດ-19 ໃນປະເທດວ່າ: ລັດຖະບານຝຣັ່ງຍັງບໍ່ມີຄວາມພ້ອມພຽງພໍໃນການຮັບມືກັບການລະບາດຄັ້ງນີ້ ເຊັ່ນດຽວກັບປະເທດອື່ນໆ ເຮັດໃຫ້ການຕັດສິນໃຈຍາກລຳບາກຕໍ່ມາດຕະການຫລຸດຜ່ອນລັອກດາວ. ຂະນະທີ່ຮ້ານອາຫານ, ບາ, ໂຮງໜັງ ແລະ ສະຖານທີ່ທີ່ຄົນມາພົບປະຊຸມນຸມອື່ນໆ ຈະຖືກປິດຕໍ່ໄປ. ຂະນະທີ່ງານເທດສະການຈະຖືກຫ້າມຈັດໄປຈົນເຖິງກາງເດືອນກໍລະກົດ. ນອກຈາກນີ້ ຊາຍແດນທີ່ເຊື່ອມລະຫວ່າງປະເທດທີ່ບໍ່ແມ່ນສະມາຊິກສະຫະພາບເອີຣົບຈະຖືກປິດຈົນກວ່າຈະມີຄຳສັ່ງປ່ຽນແປງ.

ອາເມລິກາ-ອັງກິດ ເນັ້ນຈຸດຢືນຮ່ວມມືໃກ້ຊິດເພື່ອເປີດເສດຖະກິດໂລກອີກເທື່ອໜຶ່ງ.

ທຳນຽບຂາວອອກຖະແຫລງການໃນວັນທີ 21 ເມສາວ່າ: ປະທານາທິບໍດີ ໂດນັລ ທຣຳ ຂອງອາເມລິກາ ແລະ ນາຍົກລັດຖະມົນຕີ ບໍຣິສ ຈອນສັນ ຂອງອັງກິດ ຢືນຢັນຈະຮ່ວມມືກັນຢ່າງໃກ້ຊິດຜ່ານກຸ່ມ G7 ແລະ G20 ເພື່ອເປີດເສດຖະກິດໂລກຂຶ້ນມາອີກ ລະຫວ່າງການສົນທະນາທາງໂທລະສັບໃນວັນທີ 21 ເມສາ “ເຮົາຈະສ້າງຄວາມໝັ້ນໃຈວ່າການເບິ່ງແຍງທາງການແພດ ແລະ ອຸປະກອນການແພດຈະເຂົ້າເຖິງຜູ້ທຸກຍາກທັງໝົດ”.

ປັດຈຸບັນ ອາເມລິກາ ແລະ ອັງກິດ ຕ່າງກໍເປັນປະເທດກຳລັງຜະເຊີນການແຜ່ລະບາດຂອງໄວຣັສໂຄວິດ-19 ຢ່າງໜັກໜ່ວງ. ຂໍ້ມູນຈາກສູນວິທະຍາສາດ ແລະ ວິສະວະກຳທາງລະບົບ (CSSE) ແຫ່ງມະຫາວິທະຍາໄລຈອນ ຮອບກິນ ພົບວ່າ: ອາເມລິກາມີຜູ້ຕິດເຊື້ອໄວຣັສໂຄວິດ-19 ທະລຸ 800.000 ຄົນແລ້ວໃນວັນທີ 21 ເມສາ ແລະ ຈຳນວນຜູ້ເສຍຊີວິດຫລາຍກວ່າ 43.900 ຄົນ. ຂະນະທີ່ ກະຊວງສາທາລະນະສຸກອັງກິດ ມີລາຍງານໃນວັນດຽວກັນວ່າ: ຈຳນວນຜູ້ຕິດເຊື້ອໂຄວິດ-19 ທົ່ວປະເທດມີ 129.044 ຄົນ ແລະ ມີຜູ້ເສຍຊີວິດ 17.337 ຄົນ.

ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ - WhatsApp Image 2020 05 27 at 5 - ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ
ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ - WhatsApp Image 2020 05 27 at 5 - ເບິ່ງມາດຕະການຫລຸດຜ່ອນລັອກດາວ ‘5 ປະເທດ’ ຕິດໂຄວິດຫລາຍທີ່ສຸດໃນໂລກ
error: Alert: ເນື້ອຫາຂ່າວມີລິຂະສິດ !!