ມືຊາ ອີກໜຶ່ງອາການຂອງຄົນເຮັດວຽກຫ້ອງການ

- 020806 - ມືຊາ ອີກໜຶ່ງອາການຂອງຄົນເຮັດວຽກຫ້ອງການ
- Untitled design - ມືຊາ ອີກໜຶ່ງອາການຂອງຄົນເຮັດວຽກຫ້ອງການ

ອາການມືຊາ – ຕີນຊາຂອງຄົນເຮັດວຽກຫ້ອງການ ເກີດຈາກເສັ້ນປະສາດທີ່ພາດຜ່ານບໍລິເວນຂໍ້ມືຖືກກົດທັບ ເຊິ່ງເສັ້ນປະ ສາດນີ້ຈະຜ່ານຈາກແຂນໄປຍັງຂໍ້ມືເພື່ອຮັບຄວາມຮູ້ສຶກຢູ່ບໍລິເວນມື ໂດຍຜ່ານບໍລິເວນຂໍ້ມື ແລະ ລອດຜ່ານເອັນທີ່ຈັບບໍລິເວນຂໍ້ມື ອາດມີສາເຫດບາງປະການທີ່ເຮັດໃຫ້ເສັ້ນປະສາດນີ້ຖືກກົດທັບໄດ້ ຈຶ່ງເຮັດໃຫ້ມືຊາຮ່ວມກັບມີອາການປວດຊາ ລາມໄປຍັງແຂນ ຫລື ກົກແຂນໄດ້ ແລະ ບາງຄົນພົບວ່າມືເບື້ອງທີ່ເປັນນັ້ນອ່ອນແຮງ ຈັບສິ່ງຂອງບໍ່ຢູ່ ຖ້າປະໄວ້ດົນຈະພົບວ່າກ້າມຊີ້ນບໍລິເວນຫົວໂປ້ມືອາດຈະລີບລົງ ເມື່ອປຽບທຽບກັບມືອີກເບື້ອງໜຶ່ງ ເຊິ່ງພົບໃນແມ່ຍິງໄດ້ຫລາຍກ່ວາຜູ້ຊາຍໃນໄລຍະອາຍຸ 30 – 60 ປີ.

ປັດໄຈທີ່ອາດເຮັດໃຫ້ເກີດອາການມື – ຕີນຊາໄດ້ມີດັ່ງນີ້ :

– ການກະແທກຢູ່ບໍລິເວນຂໍ້ມືຢູ່ເປັນປະຈຳ ເຊັ່ນ : ໃຊ້ເຄື່ອງຈັກຕັດຫຍ້າ, ເຄື່ອງເຈາະ, ກຳໄມ້ເຕັນນິສ, ໄມ້ກັອຟ.

– ກະດູກຂໍ້ມືຫັກ ຫລື ການຫລຸດເຄື່ອນຂອງຂໍ້.

– ພະຍາດຂໍ້ອັກເສບ, ປະດົງຂໍ້.

– ຄົນທີ່ເປັນພະຍາດເບົາຫວານ ແລະ ກຸ່ມໄທຣອຍບົກພ່ອງ.

– ອາການບວມນຳ້ຈາກພະຍາດໝາກໄຂ່ຫລັງ ແລະ ຕັບ.

– ການຖືພາ.

- Wave100S AD to Website 2020 0 - ມືຊາ ອີກໜຶ່ງອາການຂອງຄົນເຮັດວຽກຫ້ອງການ

– ຄົນທີ່ມີການປ່ຽນແປງຮໍໂມນຈາກການໝົດປະຈຳເດືອນ.

ອາການມືຊາ – ຕີນຊາທີ່ອາດສັງເກດໄດ້ເຖິງຄວາມຜິດປົກກະຕິຢ່າງຈະແຈ້ງ ເຊິ່ງຄວນໄປໂຮງໝໍຄື : ອາການເລີ່ມທຳອິດຄົນປ່ວຍຈະມີອາການຊານິ້ວມື ເຊິ່ງມັກເປັນຢູ່ນິ້ວກາງ ແລະ ນິ້ວນາງ ລວມທັງນິ້ວຊີ້ ແລະ ນິ້ວຫົວໂປ້ມືຊາໄດ້ ເລີ່ມທຳອິດອາການມັກຈະຊາຕອນກາງຄືນ, ຖົກຂໍ້ມືແລ້ວອາການຈະດີຂຶ້ນ ຫລື ຊາຕອນເຮັດວຽກ. ຕໍ່ມາອາການຊາຈະເປັນຫລາຍຂຶ້ນ ແລະ ເປັນຕະຫລອດ ຈົນກະທັ້ງຊາເກືອບຕະຫລອດເວລາ ມັກຈະມີອາການປວດຮ່ວມນຳຢູ່ມື ແລະ ແຂນຮ່ວມກັບອາການຊາ. ນອກຈາກນີ້, ຄົນປ່ວຍຈະບໍ່ຄ່ອຍມີແຮງ, ມີສິ່ງຂອງຫລຸດຈາກມືໂດຍບໍ່ໄດ້ຕັ້ງໃຈ ຖ້າເປັນດົນໆໂດຍບໍ່ໄດ້ຮັບການປິ່ນປົວຈະມີອາການອົ້ງມືທາງຂ້າງລີບໄດ້.

ການປິ່ນປົວອາການມືຊາທີ່ມາຈາກການກົດທັບເສັ້ນປະສາດ ມີທັງວິທີບໍ່ຜ່າຕັດ ແລະ ວິທີຜ່າຕັດ ໂດຍການປິ່ນປົວວິທີເບື້ອງຕົ້ນນັ້ນອາດບໍ່ແມ່ນວິທີຜ່າຕັດ, ແຕ່ຫລຸດຄວາມດັນໃນຜົ້ງຂໍ້ມື ໄດ້ແກ່ : ການດາມຂໍ້ມື ພົບວ່າຖ້າໃຫ້ຂໍ້ມືຢູ່ນິ້ງໆຊື່ໆຈະມີຄວາມດັນໃນຜົ້ງຂໍ້ມືຕໍ່າສຸດ ເຊິ່ງຈະເຮັດໃຫ້ເລືອດໄຫລໄປລ້ຽງເສັ້ນປະສາດດີຂຶ້ນ ຖ້າເປັນໄລຍະທຳອິດຈະໄດ້ຜົນດີ.

ປັບການໃຊ້ຂໍ້ມືໃນການເຮັດວຽກ ແລະ ຊີວິດປະຈຳວັນໃຫ້ຖືກຕ້ອງພົບວ່າ : ການເຮັດວຽກທີ່ຕ້ອງໃຊ້ຂໍ້ມືຖົກຂຶ້ນ ຫລື ງໍຂໍ້ມືຕະ ຫລອດດົນໆ ລວມທັງານເຮັດວຽກທີ່ມີການສັ່ນກະແທກຈະເຮັດໃຫ້ຄວາມດັນໃນຜົ້ງຂໍ້ມືສູງຂຶ້ນໄດ້ ການປັບອຸປະກອນການເຮັດວຽກໃຫ້ຖືກຕາມຫລັກການຈຶ່ງເປັນສິ່ງທີ່ຈຳເປັນ. ການໃຫ້ຢາຕ້ານພະຍາດຂໍ້ຈະຊ່ວຍຫລຸດຄວາມດັນໃນບໍລິເວນຂໍ້ມືໄດ້ໃນຜູ້ທີ່ເປັນພະຍາດນີ້ດັ່ງປະດົງຂໍ້ ແລະ ມີເນື້ອເຍື່ອຫຸ້ມເອັນໜາຂຶ້ນ.

ຖ້າອາການຮຸນແຮງຫລາຍຂຶ້ນ ແພດຈະແນະນຳໃຫ້ສັກຢາສະເຕຍຣອຍເຂົ້າໄປໃນບໍລິເວນທີ່ເສັ້ນປະສາດຜ່ານ ເຊິ່ງຢານີ້ຈະແຜ່ກະຈາຍໄປຍັງບໍລິເວນເນື້ອເຍື່ອຜິວຂໍ້  ແລະ ເສັ້ນເອັນທີ່ມີການອັກເສບ ແລະ ບວມເຮັດໃຫ້ອາການບວມຍຸບລົງ, ການກົດເສັ້ນປະສາດຈະໜ້ອຍລົງ, ປະລິມານຂອງຢາທີ່ໃຊ້ສັກບໍ່ຫລາຍປານໃດ ແລະ ບໍ່ມີອັນຕະລາຍທ່ີຮຸນແຮງ. ການປິ່ນປົວໃນກໍລະນີນີ້ຈະໄດ້ຜົນດີຫາກເສັ້ນປະສາດບໍ່ຖືກກົດທັບຫລາຍ, ແຕ່ຖ້າອາການຍັງບໍ່ດີຂຶ້ນຈຳເປັນຈະຕ້ອງຜ່າຕັດ. ສ່ວນຢາກິນທີ່ມັກນິຍົມໃຊ້ແມ່ນຢາຕ້ານການອັກເສບຊະນິດບໍ່ແມ່ນສະເຕຍຣອຍ ແລະ ຢາບຳລຸງເສັ້ນປະສາດ.

ອາການມືຊາຖ້າບໍ່ຮັບການປິ່ນປົວ ແລະ ປະໄວ້ດົນໆຈົນສົ່ງຜົນໃຫ້ເກີດອາການຮຸນແຮງໄດ້ນັ້ນ ແມ່ນກ້າມຊີ້ນບໍລິເວນອົ້ງນິ້ວຫົວໂປ້ມືລີບເຂົ້າ  ແລະ ເຮັດໃຫ້ກຳລັງຂອງມືຫລຸດລົງ. ສະນັ້ນ, ຄວນຫລີກເວັ້ນການໃຊ້ງານມືໃນລັກສະນະເກັງດົນໆ, ຄວບຄຸມ ຫລື ປິ່ນປົວພະຍາດປະຈຳໂຕ ໂດຍສະເພາະພະຍາດເບົາຫວານໃຫ້ເຊົາດີ ການໃຊ້ຢາຫລຸດອັກເສບທີ່ບໍ່ແມ່ນສະເຕຍຣອຍຊະນິດກິນມັກຈະໄດ້ຜົນດີ ໂດຍຢູ່ໃນການເບິ່ງແຍງຂອງແພດ, ບາງຄົນອາດຕ້ອງໃຊ້ອຸປະກອນຊ່ວຍດາມຂໍ້ມືຊົ່ວຄາວ.

- WhatsApp Image 2020 05 27 at 5 - ມືຊາ ອີກໜຶ່ງອາການຂອງຄົນເຮັດວຽກຫ້ອງການ
- WhatsApp Image 2020 05 27 at 5 - ມືຊາ ອີກໜຶ່ງອາການຂອງຄົນເຮັດວຽກຫ້ອງການ
error: Alert: ເນື້ອຫາຂ່າວມີລິຂະສິດ !!