Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ

panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ - 211 - Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ
panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ - Untitled design - Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ

     ​ໂຮງງານພາ​ນາ​ໂຊ​ນິກທີ່ຢູ່​ໃກ້​ນະຄອນຫລວງ​ບາງກອກ​ຈະ​ປິດ​ລົງ​ໃນ​ປີ 2021 ຍ້າຍ​ໄປ​ຫວຽດນາມ ​ເພື່ອຫລຸດ​ຕົ້ນທຶນ​ການ​ຜະລິດ.

ນິກ​ເຄອິ ລາຍ​ງານ​ວ່າ: ບໍລິສັດ Panasonic ສຳນັກງານ​ໃຫຍ່​ນະຄອນ​ໂອຊາ​ກ້າ​ໄດ້​ມີ​ແຜນ​ກຽມ​ປິດ​ໂຮງງານ​ຜະລິດ​ເຄື່ອງ​ໃຊ້​ໄຟຟ້າ​ຂະໜາດ​ໃຫຍ່​ທີ່​ຕັ້ງຢູ່​ປະ​ເທດ​ໄທ​ໃນ​ທ້າຍ​ປີ​ນີ້ ​ໂດຍ​ຈະ​ຍ້າຍ​ຖານ​ການ​ຜະລິດ​ດັ່ງກ່າວ​ໄປ​ປະ​ເທດ​ຫວຽດນາມ ດ້ວຍ​ເຫດຜົນຈາກ​ຄວາມ​ພະຍາຍາມ​ຫລຸດ​ຕົ້ນທຶນ​ການ​ຜະລິດ.

ລາຍ​ງານ​ລະບຸ​ວ່າ: ​ໂຮງງານ​ພາ​ນາ​ໂຊ​ນິກທີ່​ຕັ້ງຢູ່​ແຂວງ​ສະ​ເຊີງ​ເຊົາ ​ເຊິ່ງ​ເປັນ​ຫ້ອງຜະລິດ​ເຄື່ອງ​ໃຊ້​ໄຟຟ້າຊິ້ນ​ໃຫຍ່​ປະ​ເພດ​​ຕູ້ຊັກ​ເຄື່ອງ ​ແລະ ຕູ້​ເຢັນ ຈະ​ຢຸດ​ການ​ຜະລິດ​ຕູ້​ຊັກ​ເຄື່ອງ​ເດືອນ​ກັນຍາ ​ແລະ ຢຸດ​ຜະລິດ​ຕູ້​ເຢັນ​ໃນ​ເດືອນ​ຕຸລາ​ນີ້. ຂະນະ​ທີ່​ໂຮງງານ​ກໍ​ກຽມ​ປິດ​ພາຍ​ໃນ​ເດືອນ​ມີນາ 2021 ​ເຊັ່ນ​ດຽວ​ກັບ​ສູນ​ວິ​ໄຈ ​ແລະ ພັດທະນາ (R&D) ຂອງ​ບໍລິສັດ ​ເຊິ່ງຢູ່​ໃກ້ຄຽງ​ກໍ​ຈະ​ຖືກ​ປິດ​ເຊັ່ນ​ກັນ.

ສຳລັບ​ໂຮງງານ​ເຄື່ອງ​ໃຊ້​ໄຟຟ້າ​ພາ​ນາ​ໂຊ​ນິກຢູ່​ໄທ​ເລີ່​ມຜະລິດ​ໃນ​ປີ 1979 ປັດຈຸບັນ​ມີ​ພະນັກງານ​ປະມານ 800 ຄົນ​ຈະ​ຖືກ​ໄລ່​ອອກ ​ໂດຍ​ພະນັກງານ​ຈະ​ໄດ້​ຮັບ​ການ​ຊ່ວຍ​ເຫລືອ​ດ້ານ​ຕ່າງໆ ລວມທັງ​ການ​ຫາ​ຕຳ​ແໜ່​ງງານ​ທີ່​ເໝາະ​ສົມ​ພາຍ​ໃນ​ອົງກອນຕໍ່​ໄປ.

panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ - Wave100S AD to Website 2020 0 - Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ

ຂະນະ​ທີ່​ການ​ຜະລິດ​ສ່ວນ​ດັ່ງກ່າວ​ຈະ​ຖືກ​ຍ້າຍ​ໄປ​​ໂຮງງານ​ແຫ່ງ​ໃໝ່​ນອກ​ນະຄອນຫລວງ​ຮ່າ​ໂນ້ຍ​ແທນ ​ເຊິ່ງພາ​ນາ​ໂຊ​ນິກຕັ້ງ​ເປົ້າ​ໃຫ້​ເປັນ​ສູນ​ກາງ​ການ​ຜະລິດ​ທີ່​ໃຫຍ່​ທີ່​ສຸດ​ສຳລັບ​ຫ້ອງການ​ຜະລິດ​ຕູ້​ເຢັນ ​ແລະ ຕູ້​ຊັກ​ເຄື່ອງ​ໃນ​ອາຊີ​ຕາ​ເວັນ​ອອກສຽງ​ໃຕ້ ​ໂດຍ​ພາ​ນາ​ໂຊ​ນິກ​ເລີ່​ມດຳ​ເນີນ​ກິດຈະການ​ຢູ່​ຫວຽດນາມ​ໃນ​ປີ 1950 ປັດຈຸບັນພາ​ນາ​ໂຊ​ນິກຫວຽດນາມ​ມີ​ພະນັກງານ​ຫລາຍ​ກວ່າ 8.000 ຄົນ ​ເຊິ່ງນອກຈາກ​ຕັ້ງ​ເປົ້າຜະລິດ​ສິນຄ້າ​ປະ​ເພດ​ເຄື່ອງ​ໃຊ້​ໄຟຟ້າ​ໃນ​ຄົວ​ເຮືອນ​ເປັນ​ຫລັກ​ແລ້ວ ຍັງ​ຜະລິດ​ອຸປະກອນ​ຊິ້ນສ່ວນ​ເອ​ເລັກ​ໂຕຣນິກອື່ນໆ​ສຳລັບ​ໂທລະສັບ, ​ໂທລະສັບ​ມື​ຖື ​ແລະ ອຸປະກອນ​ເຄື່ອງມື​ທາງ​ອຸດສາຫະກຳ.

ການ​ຍ້າຍ​ໂຮງງານ​ດັ່ງກ່າວ​ເປັນ​ສ່ວນ​ໜຶ່ງ​ຂອງ​ແຜນ​ປັບ​ໂຄງ​ສ້າງ​ອົງ​ກອນ​ຂອງ​ພາ​ນາ​ໂຊ​ນິກ ​ໂດຍ​ມີ​ເປົ້າໝາຍ​ຫລຸດ​ຄ່າ​ໃຊ້​ຈ່າຍ​ລົງ​ໃຫ້​ໄດ້​ປະມານ 930 ລ້ານ​ໂດ​ລາ​ສະຫະລັດ ພາຍ​ໃນ​ປີ​ງົບປະມານ 2022 ​ເຊິ່ງອະນາຄົດ​ອາດ​ລວມ​ເຖິງ​ການ​ປ່ຽນ​ແປງ​ຫ້ອງການ​ຜະລິດ​ເຄື່ອງ​ໃຊ້​ໄຟຟ້າ​ນຳ​ໃນ​ອະນາຄົດ.

ທັງ​ນີ້ ນິ​ເຄອິ ຍັງ​ລະບຸ​ວ່າ: ​ໄລຍະ​ຜ່ານ​ມາ​ມີ​ໂຮງງານ ​ແລະ ບໍລິສັດ​ຕ່າງປະ​ເທດ​ຫລາຍ​ແຫ່ງ​ພິຈາລະນາ​ຍ້າຍ​ຖານ​ການ​ຜະລິດ​ອອກ​ຈາກ​ໄທ ​ແລະ ຈີນ ​ໄປ​ປະ​ເທດ​ໃກ້​ຄຽງ​ເຊັ່ນ: ຫວຽດນາມ ​ແລະ ອິນ​ໂດ​ເນ​ເຊຍ​ແທນ ​ເນື່ອງ​ຈາກ​ອັດຕາ​ຄ່າ​ຈ້າງ​ແຮງ​ງານ​ທີ່​ຖືກ​ກວ່າ ​ໂດຍ​ໃນ​ປີຜ່ານມາ ຍີ່​ຫໍ້​ເຄື່ອງ​ໃຊ້​ໄຟຟ້າ​ສັນຊາດ​ດຽວ​ກັນ​ຄື: ຊາຣ໌ບ ສາມາດ​ເພີ່ມ​ຂີດ​ຄວາມ​ສາມາດ​ໃນ​ການ​ຜະລິດ​ຕູ້​ຊັກ​ເຄື່ອງ ​ແລະ ຕູ້​ເຢັນ​ຢູ່​ອິນ​ໂດ​ເນ​ເຊຍ​ໄດ້​ເຖິງ 30% ​ແລະ 20% ຕາມ​ລຳດັບ.

panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ - WhatsApp Image 2020 05 27 at 5 - Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ
panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ - WhatsApp Image 2020 05 27 at 5 - Panasonic ກຽມປິດໂຮງງານຢູ່ໄທ ຍ້າຍຖານຜະລິດເຄື່ອງໃຊ້ໄຟຟ້າໄປຫວຽດນາມ
error: Alert: ເນື້ອຫາຂ່າວມີລິຂະສິດ !!