ພະແນກອຸດສາຫະກຳ ແລະ ການຄ້ານະຄອນຫລວງ ທຳລາຍຢາສູບ ແລະ ເຄື່ອງໃນສັດນຳເຂົ້າບໍ່ຖືກຕ້ອງ
ພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ທຳລາຍຢາສູບ ແລະ ເຄື່ອງໃນສັດທີ່ນຳເຂົ້າບໍ່ຖືກຕ້ອງ ໃນວັນທີ 26 ພຶດສະພາ 2020 ບ້ານນາຫວ້າ ເມືອງທຸລະຄົມ ແຂວງວຽງຈັນ ໂດຍການເຂົ້າຮ່ວມຂອງທ່ານ ນັນຕາ ສານຸວົງ ຮອງຫົວໜ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ພູວອນ ພູສະເຫວີຍ ຮອງຂະແໜງການຄ້າພາຍໃນ ພະແນກພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນ ໃຫ້ຮູ້ວ່າ: ໜ່ວຍງານກວດກາການຄ້າຂັ້ນພະແນກ ແລະ ຈຸງານ ກວດກາຂັ້ນເມືອງ ໄດ້ລົງຕິດຕາມກວດກາສິນຄ້າທີ່ລັກລອບນຳເຂົ້ານອກລະບົບ ແຕ່ວັນທີ 16-25 ພຶດສະພາ ສາມາດຢືດຢາສູບ 30 ແກັດ ແລະ ເຄື່ອງໃນສັດ 11 ແກັດ ນ້ຳໜັກ 500 ກິໂລ ລວມມູນ 136 ລ້ານກວ່າກີບ ໂດຍສະເພາະເຄື່ອງໃນສັດພົບວ່າບໍ່ໄດ້ຜ່ານການກວດກາຢັ້ງຢືນຈາກສັດຕະວະແພດ ຂະແໜງກະສິກຳ ແລະ ປ່າໄມ້, ພ້ອມບໍ່ມີເອກະສານອະນຸຍາດນຳເຂົ້າຈາກພາກສ່ວນກ່ຽວຂ້ອງ ຈຶ່ງໄດ້ຢຶດມາທຳລາຍຖິ້ມ.
ໃນໂອກາດນີ້, ທ່ານ ນັນຕາ ສານຸວົງ ກ່າວວ່າ: ຕໍ່ກັບບັນຫາການນຳເຂົ້າສິນຄ້າບໍ່ຖືກຕ້ອງນີ້ ຮຽກຮ້ອງໃຫ້ພໍ່ແມ່ປະຊາຊົນ ຜູ້ປະກອບການທຸລະກິດຄ້າຂາຍ ຈົ່ງເອົາໃຈໃສ່ປະຕິບັດຕາມລະບຽບກົດ ໝາຍວາງອອກ. ພ້ອມທັງຊ່ວຍເປັນຫູເປັນຕາໃຫ້ເຈົ້າໜ້າທີ່ຫາກພົບເຫັນສິນຄ້ານອກລະບົບທີ່ນຳເຂົ້າບໍ່ ຖືກຕ້ອງ, ສິນຄ້າໝົດອາຍຸໃຫ້ໂທເຂົ້າສາຍດ່ວນ 1510 ທັນທີ.
