ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ

ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - 3 4 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ
ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - AGL banner - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ

ໃນໄລຍະ 16 ປີຜ່ານມາ ກອງທຶນຫລຸດຜ່ອນຄວາມທຸກຍາກ(ທລຍ) ໄດ້ລົງທຶນໃສ່ການກໍ່ສ້າງພື້ນຖານໂຄງລ່າງເປັນສ່ວນຫລາຍ ຊຶ່ງເປັນການແກ້ໄຂຄວາມທຸກຍາກໃນລະດັບບ້ານ ເຖິງແນວໃດກໍດີ ໃນຕໍ່ໜ້າ ທລຍ ຈະສືບຕໍ່ສຸມໃສ່ການແກ້ໄຂຄວາມທຸກຍາກໃນລະດັບຄອບຄົວ ນັບແຕ່ໄລຍະປີ (2020-2024), ຫລັງຈາກທີ່ລັດຖະບານໄດ້ຮັບທຶນກູ້ຢືມເພີ່ມຕື່ມຈໍານວນ 22,5 ລ້ານໂດລາສະຫະລັດ ຈາກທະນາຄານໂລກ ເພື່ອສຸມໃສ່ການຫລຸດຜ່ອນຄວາມທຸກຍາກ ແລະ ພາວະເຕ້ຍເກີນມາດຕະຖານຂອງເດັກ ຢູ່ 481 ບ້ານຂອງ 12 ເມືອງບູລິມະສິດ ໃນ 4 ແຂວງພາກເໜືອຄື: ຜົ້ງສາລີ, ຊຽງຂວາງ, ຫົວພັນ ແລະ ອຸດົມໄຊ.

ການທີ່ລັດຖະບານສຸມໃສ່ 4 ແຂວງດັ່ງກ່າວ ແມ່ນຍ້ອນມີຈຳນວນເດັກນ້ອຍທີ່ຢູ່ໃນພາວະເຕ້ຍເກີນມາດຕະຖານ ແລະ ຄວາມທຸກຍາກສູງ ໂດຍຈະໄດ້ສຸມໃສ່ການຊ່ວຍເຫລືອດ້ານໂພຊະນາການ ແກ່ແມ່ຍິງຖືພາ ແລະ ເດັກອ່ອນ, ລວມທັງກິດຈະກໍາການສ້າງລາຍຮັບຕ່າງໆ ໃຫ້ແກ່ກຸ່ມຜະລິດສະບຽງອາຫານຕ່າງໆ  ແລະ ພື້ນຖານໂຄງລ່າງຈໍານວນໜຶ່ງ ທີ່ຕິດພັນກັບກິດຈະກໍາປັບປຸງຊີວິດການເປັນຢູ່ ທີ່ນໍາໃຊ້ຮູບແບບໃນການຈັດຕັ້ງປະຕິບັດ ໂດຍຊຸມຊົນເປັນຜູ້ເຮັດເອງ ຊຶ່ງເປັນວິທີສ້າງວຽກເຮັດງານທຳໃຫ້ແກ່ຊາວ ບ້ານ, ເປັນການສ້າງຄວາມເຂັ້ມແຂງໃຫ້ແກ່ອົງການຈັດຕັ້ງບ້ານ ໃນດ້ານການຄຸ້ມຄອງບໍລິຫານງົບປະມານ, ການດຳເນີນການຈັດຊື້-ຈັດຈ້າງ ແລະ ກວດກາຕິດຕາມຄຸນນະພາບຂອງສິ່ງກໍ່ສ້າງ. ການດຳເນີນຮູບແບບດັ່ງກ່າວນີ້  ເປັນການແກ້ໄຂຄວາມທຸກຍາກໂດຍກົງ  ຊຸມຊົນຈະໄດ້ຮັບຄ່າຕອບແທນ ໃນເວລາມາອອກແຮງງານກໍ່ສ້າງໂຄງການຍ່ອຍ ຊຶ່ງລາຍຮັບດັ່ງກ່າວສາມາດໄປຊື້ອາຫານການກິນ ແລະ ໃຊ້ຈ່າຍ ອື່ນໆທີ່ຈຳເປັນ. ສິ່ງສຳຄັນກວ່ານັ້ນ ໄດ້ສ້າງຄວາມເປັນເຈົ້າການໃຫ້ແກ່ຊຸມຊົນ ໃນການປົກປັກຮັກສາສິ່ງກໍ່ສ້າງທີ່ລັດໄດ້ລົງທຶນ ໃຫ້ສາມາດນຳໃຊ້ໄດ້ຍາວນານ ເພາະວ່າ: “ຊຸມຊົນມີຄວາມພາກພູມໃຈ ໃນສິ່ງທີ່ເຂົາເຈົ້າໄດ້ເຮັດເອງ”.

ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - Wave100S AD to Website 2020 0 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ

ນອກນັ້ນ ທລຍ ຍັງລົງທຶນສະໜັບສະໜູນກຸ່ມບົວລະບັດຮັກສາທາງ ເພື່ອເຮັດໃຫ້ແມ່ຍິງທີ່ທຸກຍາກພາຍໃນບ້ານເປົ້າໝາຍໄດ້ມີວຽກເຮັດງານທໍາ, ມີລາຍຮັບເຂົ້າຄອບຄົວພາຍຫລັງລະດູການເກັບກ່ຽວ ເພາະໜ້າວຽກຈະບໍ່ໜັກປານໃດ ເຊັ່ນ: ການຖາງປ່າແຄມທາງ, ອະນາໄມຮ່ອງນໍ້າຂ້າງທາງ, ທໍ່ລະບາຍນໍ້າ, ຖົມໜ້າທາງທີ່ເປັນຂຸມນ້ອຍ ແຕ່ຄວາມຈິງແລ້ວຜູ້ຍິງພຽງແຕ່ອອກຊື່ເປັນສະມາຊິກຂອງກຸ່ມ ແຕ່ເວລາໄປອອກ ແຮງງານແມ່ນຜູ້ຊາຍ ຫລື ຜົວຂອງເຂົາເຈົ້າເປັນຜູ້ເຮັດ ແລະ ຈະໄດ້ຮັບເງິນຕອບແທນແຮງງານ ປະມານ 200.000-250.000 ກີບຕໍ່ເດືອນ. ຖ້າເສັ້ນທາງມີຄວາມເສຍຫາຍຫລາຍ ແມ່ນມອບໃຫ້ບ້ານເປັນເຈົ້າການ ຫລື ຂະແໜງໂຍທາທິການ ແລະ ຂົນສົ່ງຂັ້ນເມືອງເປັນຜູ້ຮັບຜິດຊອບ.

ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - WhatsApp Image 2020 05 27 at 5 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ
ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - WhatsApp Image 2020 05 27 at 5 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ
ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - WhatsApp Image 2020 05 27 at 5 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ
ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ - WhatsApp Image 2020 05 27 at 5 - ທລຍ ຈະໄດ້ສຸມໃສ່ແກ້ໄຂຄວາມທຸກຍາກ ໃນລະດັບຄອບຄົວ
error: Alert: Content is protected !!