ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ

ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ - 126 - ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ
ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ - Untitled design - ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ

ໃນວັນທີ 12 ມິຖຸນານີ້, ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ເປັນປະທານຮ່ວມກັບທ່ານ ມຽວ ເຫວີຍ (MIAO WEI) ລັດຖະມົນຕີກະຊວງອຸດສະຫະກໍາ ແລະ ໄອຊີທີ ຂອງ ສປ ຈີນ ເປີດປີສົ່ງເສີມເສດຖະກິດດິຈິຕອນ ລະຫວ່າງ ອາຊຽນ ແລະ ສປ ຈີນ ໂດຍຜ່ານກອງປະຊຸມທາງໄກ.

ພິທີດັ່ງກ່າວຈັດຂຶ້ນພາຍໃຕ້ຄຳຂວັນ “ການຮ່ວມມືກັນ ເພື່ອຕໍ່ສູ້ກັບການແຜ່ລະບາດຂອງພະຍາດ COVID-19 ໂດຍການນໍາ​ໃຊ້ໄອຊີທີ ແລະ ການພັດທະນາດິຈິຕອນ” ຊຶ່ງເປັນການເນັ້ນເຖິງຄວາມສຳຄັນຂອງການຮ່ວມມື ລະຫວ່າງບັນດາປະເທດສະມາຊິກອາຊຽນ ແລະ ສປ ຈີນ ແລະ ເປັນການກຳນົດຂໍ້ລິເລີ່ມຂອງການຮ່ວມມືສະໜັບສະໜູນການພັດທະນາດິຈິຕອນຂອງ ອາຊຽນ ແລະ ສປ ຈີນ ເປັນຕົ້ນແມ່ນ ການສົ່ງເສີມການນຳໃຊ້ເຕັກໂນໂລຊີ ດິຈິຕອນ ໃນການປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19, ສ້າງຄວາມເຂັ້ມແຂງໃນການກໍ່ສ້າງພື້ນຖານໂຄງລ່າງຂໍ້ມູນຂ່າວສານ, ສະໜັບສະໜູນຜູ້ປະກອບການ, ນະວັດຕະກຳ ແລະ ການຫັນເປັນອຸດສາຫະກຳດິຈິຕອນ. ພ້ອມຍັງເປັນການຜັນຂະຫຍາຍຜົນສຳເລັດຂອງກອງປະຊຸມ TELMIN19 ທີ່ ສປປ ລາວ ເປັນເຈົ້າພາບ ໃນເດືອນຕຸລາ 2019 ຜ່ານມາ ແລະ ໄດ້ຮັບຮອງເອົາ ປີ 2020 ເປັນປີແຫ່ງການຮ່ວມມືເສດຖະກິດ ດິຈິຕອນ ອາຊຽນ-ສປ ຈີນ.

ທ່ານ ທັນສະໄໝ ກົມມະສິດ ໄດ້ກ່າວເປີດພິທີ ແລະ ສະແດງຄວາມຊົມເຊີຍ ສປ ຈີນ ທີ່ໄດ້ເອົາ ໃຈໃສ່ໃນການກະກຽມງານດັ່ງກ່າວ, ມັນສະແດງໃຫ້ເຫັນເຖິງຄວາມເອົາໃຈໃສ່ຂອງ ສປ ຈີນ ຕໍ່ການຮ່ວມມືກັບອາຊຽນຕະຫລອດມາ, ທ່ານລັດຖະມົນຕີ ຢືນຢັນວ່າ: ບັນດາປະເທດສະມາຊິກໃນອາຊຽນຈະສືບຕໍ່ເພີ່ມທະວີການຮ່ວມມືກັບ ສປ ຈີນ ກໍຄືບັນດາປະເທດຄູ່ຮ່ວມມືຂອງອາຊຽນ ເພື່ອສາມາດຜັນຂະຫຍາຍ ແລະ ຊຸກດັນບັນດາແຜນງານຕ່າງໆດ້ານໄອຊີທີ/ດິຈິຕອນໃຫ້ບັນລຸເປົ້າໝາຍທີ່ອາຊຽນໄດ້ວາງອອກ ເພື່ອຄວາມຕ້ອງການຂອງສັງຄົມຂອງແຕ່ລະປະເທດໄດ້ເປັນຢ່າງດີ.

ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ - Wave100S AD to Website 2020 0 - ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ

ໃນພິທີດັ່ງກ່າວ ບັນດາລັດຖະມົນຕີດິຈິຕອນຂອງປະເທດສະມາຊິກອາຊຽນ, ເລຂາທິການໃຫຍ່ອາຊຽນ ແລະ ສປ ຈີນ ຕ່າງກໍໄດ້ປະກອບຄຳຄິດເຫັນ ແລະ ຢືນຢັນຈະຮ່ວມມືກັນຢ່າງສະໜິດແໜ້ນ ເພື່ອເຮັດໃຫ້ປີແຫ່ງການສົ່ງເສີມເສດຖະກິດດິຈິຕອນ ອາຊຽນ-ຈີນ ໄດ້ຮັບໝາກຜົນຢ່າງຈົບງາມ.

ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ - WhatsApp Image 2020 05 27 at 5 - ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ
ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ - WhatsApp Image 2020 05 27 at 5 - ອາຊຽນ ແລະ ສປ ຈີນ ຮ່ວມເປີດປີສົ່ງເສີມເສດຖະກິດດິຈິຕອນ ໂດຍຜ່ານກອງປະຊຸມທາງໄກ
error: Alert: ເນື້ອຫາຂ່າວມີລິຂະສິດ !!