ຫາລືແຜນດໍາເນີນງານວຽກງານແມ່-ເດັກ

ຫາລືແຜນດໍາເນີນງານວຽກງານແມ່-ເດັກ - 193 - ຫາລືແຜນດໍາເນີນງານວຽກງານແມ່-ເດັກ
ຫາລືແຜນດໍາເນີນງານວຽກງານແມ່-ເດັກ - Untitled design - ຫາລືແຜນດໍາເນີນງານວຽກງານແມ່-ເດັກ

ໃນລະຫວ່າງວັນທີ 15-18 ມິຖຸນາ  ຢູ່ເມືອງວັງວຽງ ແຂວງວຽງຈັນ, ຄະນະວິຊາການທີ່ກ່ຽວຂ້ອງ ຈາກບັນດາກະຊວງ-ອົງການ ແລະ ຄະນະກຳມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ,  ຫ້ອງການກອງເລຂາຄະນະກຳມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ໄດ້ປະຊຸມປຶກສາຫາລືຮ່າງແຜນດໍາເນີນງານແຫ່ງຊາດວຽກງານແມ່ ແລະ ເດັກ 5 ປີ ຄັ້ງທີ III (2021-2025) ແລະ ຮ່າງແຜນດໍາເນີນງານແຫ່ງຊາດ ເພື່ອປ້ອງກັນ ແລະ ລຶບລ້າງການໃຊ້ຄວາມຮຸນແຮງຕໍ່ເດັກ 5 ປີ ຄັ້ງ II (2021-2025). ພາຍໃຕ້ການເປັນປະທານຂອງທ່ານ ນາງ ບັນດິດ ປະທຸມວັນ ຮອງປະທານຄະນະກໍາມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ຄຊກມດ) ຊຶ່ງແຜນງານດັ່ງກ່າວແມ່ນຈະອີງໃສ່ວຽກງານແມ່ ແລະ ເດັກ (ສິດທິເດັກ) ຕາມທີ່ກໍານົດໄວ້ໃນຂໍ້ສະເໜີແນະຂອງ ສປຊ ຕໍ່ວຽກສິດທິເດັກ ກໍຄືຄວາມມຸ່ງໝັ້ນຂອງລັດຖະບານໃນການພັດທະນາຄົນລາວຮຸ່ນປີ 2030 ໃຫ້ສໍາເລັດຜົນ. ພ້ອມນີ້, ກໍໃຫ້ຄໍານຶງເຖິງບັນຫາທີ່ກ່ຽວຂ້ອງກັບແມ່ ແລະ ເດັກ ເພື່ອເຊື່ອມສານເຂົ້າໃນແຜນປະຕິບັດງານລວມຂອງກະຊວງ ແລະ ອົງການທີ່ກ່ຽວຂ້ອງ ໄລຍະ 2021-2025 ໃຫ້ໄດ້ຈັດຕັ້ງປະຕິບັດ.

ໃນວັນທີ 24 ມິຖຸນາທີ່ຈະມາເຖິງນີ້, ຈະມີກອງປະຊຸມຄົບຄະນະເປີດກວ້າງຂອງຄະນະກໍາມາທິການແຫ່ງຊາດ ເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ (ໃນຮູບແບບກອງປະຊຸມທາງໄກ “Video Conference”) ເຊິ່ງຜົນຂອງກອງປະຊຸມຄັ້ງນີ້ຈະເປັນເອກະສານພື້ນຖານໃຫ້ແກ່ກອງປະຊຸມຄົບຄະນະເປີດກວ້າງ ຄຊກມດ ທາງໄກ ເພື່ອປຶກສາຫາລືເຖິງວິທີການຈັດຕັ້ງປະຕິບັດຕາມລະບຽບການໃນອານາຄົດ.

ຫາລືແຜນດໍາເນີນງານວຽກງານແມ່-ເດັກ - Wave100S AD to Website 2020 0 - ຫາລືແຜນດໍາເນີນງານວຽກງານແມ່-ເດັກ
ຫາລືແຜນດໍາເນີນງານວຽກງານແມ່-ເດັກ - WhatsApp Image 2020 05 27 at 5 - ຫາລືແຜນດໍາເນີນງານວຽກງານແມ່-ເດັກ
ຫາລືແຜນດໍາເນີນງານວຽກງານແມ່-ເດັກ - WhatsApp Image 2020 05 27 at 5 - ຫາລືແຜນດໍາເນີນງານວຽກງານແມ່-ເດັກ
error: Alert: ເນື້ອຫາຂ່າວມີລິຂະສິດ !!