ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ

ສະເປນເປີດຊາຍແດນຮັບນັກເດີນທາງຈາກ eu ອີກ ຫລັງຍົກເລີກປະກາດພາວະສຸກເສີນ - 236 - ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ
ສະເປນເປີດຊາຍແດນຮັບນັກເດີນທາງຈາກ eu ອີກ ຫລັງຍົກເລີກປະກາດພາວະສຸກເສີນ - Untitled design - ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ

​ໃນ​ວັນ​ທີ 22 ມິຖຸນາ ທາງ​ການສະ​ເປ​ນຍົກ​ເລີກ​ປະກາດ​ພາວະ​ສຸກ​ເສີນ​ທີ່​ບັງຄັບ​ໃຊ້​ມາ​ແຕ່​ວັນ​ທີ 14 ມີນາ ພ້ອມ​ເປີດ​ຊາຍ​ແດນ​ຮັບ​ນັກ​ເດີນທາງ​ຈາກ​ປະ​ເທດສະມາຊິກ​ໃນ​ສະຫະພາບ​ເອີຣົບ ຫລື EU ລວມທັງ​ປະ​ເທດ​ໃນ​ເຂດ​ເຊັງ​ເກັ້ນທີ່​ບໍ່​ໄດ້​ເປັນ​ສະມາຊິກ EU ​ແລະ ສະຫະຣາຊະ​ອານາຈັກ ​ໂດຍ​ບໍ່​ຈຳ​ເປັນ​ຕ້ອງ​ກັກ​ຕົວ 14 ວັນ.

​ໄລຍະ 3 ​ເດືອນ​ຜ່ານ​ມາ, ສະ​ເປ​ນຖື​ເປັນ​ໜຶ່ງ​ໃນ​ປະ​ເທດ​ທີ່​ດຳ​ເນີນ​ມາດ​ຕະການ​ລັອກດາວ​ເຂັ້ມງວດ​ທີ່​ສຸດ​ໃນ​ເອີຣົບ ​ແລະ ​ເຖິງ​ວ່າ​ທາງ​ການຈະ​ຫລຸດຜ່ອນ​ມາດ​ຕະການ​ເຂັ້ມງວດ​ທາງ​ສັງຄົມ​ທີ່​ໃຊ້​ຮັບ​ມື​ໂຄ​ວິດ-19 ​ແລ້ວ, ​ແຕ່​ມາດ​ຕະການ​ຕິດຕາມ​ກຸ່ມ​ສ່ຽງ, ການ​ເວັ້ນ​ໄລຍະ​ຫ່າງ​ທາງ​ສັງຄົມ​ຢ່າງ​ໜ້ອຍ 1,5 ​​ແມັດ ​ແລະ ການ​ຮັກສາ​ຄວາມ​ສະອາດ​ຢູ່​ສະ​ເໝີ​ຍັງ​ເປັນ​ສິ່ງ​ທີ່​ຈຳ​ເປັນ​ຕ້ອງ​ປະຕິບັດ.

​ໃນ​ແຕ່ລະ​ປີ ສະ​ເປ​ນມີ​ນັກ​ທ່ອງ​ທ່ຽວ​ເຂົ້າມາ​ປະມານ 80 ລ້ານ​ຄົນ ​ໂດຍ​ລາຍ​ໄດ້​ຈາກ​ຂະ​ແໜງ​ທ່ອງ​ທ່ຽວ​ຄິດ​ເປັນ 12% ຂອງ GDP. ການ​ກັບ​ມ​າ​ເປີດປະ​ເທດ​ກະ​ຕຸ້ນ​ເສດຖະກິດ​ຜ່ານ​ການທ່ອງທ່ຽວ​ກ່ອນ​ລະດູ​ຮ້ອນ​ຈະ​ຈົບ​ລົງ ຈຶ່ງ​ຖື​ເປັນ​ສິ່ງ​ສຳຄັນ​ສຳລັບ​ການ​ຂັບ​ເຄື່ອນ​ປະ​ເທດ​ອີກ​ຄັ້ງ ຫລັງ​ປິດ​ປະ​ເທດ​ຮັບ​ມື​ພະຍາດ​ລະບາດ​ມາ​ຫລາຍ​ເດືອນ.

ສະເປນເປີດຊາຍແດນຮັບນັກເດີນທາງຈາກ eu ອີກ ຫລັງຍົກເລີກປະກາດພາວະສຸກເສີນ - Wave100S AD to Website 2020 0 - ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ

ທາງ​ການສະ​ເປ​ນຍັງ​ກຽມພ້ອມ​ຮັບ​ມື​ການລະບາດ​ຮອບ 2 ທີ່​ອາດ​ຈະ​ເກີດ​ຂຶ້ນພາຍຫລັງ​ຈາ​ການ​ກັບ​ມາ​ເປີດ​ປະ​ເທດ​ອີກ​ເທື່ອ​ໜຶ່ງ ​ໂດຍ​ຊາຍ​ແດນ​ປະ​ເທດ​ທີ່​ຕິດ​ກັບ​ເພື່ອນ​ບ້ານ ຄື​ໂປຣຕຸ​ເກດ​ຈະ​ກັບ​ມາ​ເປີດ​ຮັບ​ນັກ​ເດີນທາງ​ອີກ​ໃນ​ວັນ​ທີ 1 ກໍລະກົດ​ນີ້ ຕາມ​ຄຳ​ຮ້ອງ​ຂໍ​ຂອງ​ລັດຖະບານ​ໂປຣຕຸ​​ເກສ.

ຫລ້າ​ສຸດສະ​ເປ​ນມີ​ຜູ້​ຕິດ​ເຊື້ອຫລາຍ​ກວ່າ 2 ​ແສນ​ຄົນ, ມີ​ຜູ້​ເສຍ​ຊີວິດ​ແລ້ວ​ຫລາຍ​ກວ່າ 28.000 ຄົນ ​ເສຍ​ຊີວິດ​ຫລາຍ​ທີ່​ສຸດ​​ເປັນອັນ​ດັບ​ທີ 4 ຂອງ​ເອີຣົບ ຕໍ່​ຈາກ​ສະຫະຣາຊະ​ອານາຈັກ (42.647 ຄົນ), ອິຕາ​ລີ (34.657 ຄົນ) ​ແລະ ຝຣັ່ງ (29.663 ຄົນ) ຫລັງ​ກວດ​ຫາ​ເຊື້ອ​ໄປ​ແລ້ວ​ຫລາຍກວ່າ 5 ລ້ານ​ຕົວຢ່າງ.

ສະເປນເປີດຊາຍແດນຮັບນັກເດີນທາງຈາກ eu ອີກ ຫລັງຍົກເລີກປະກາດພາວະສຸກເສີນ - WhatsApp Image 2020 05 27 at 5 - ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ
ສະເປນເປີດຊາຍແດນຮັບນັກເດີນທາງຈາກ eu ອີກ ຫລັງຍົກເລີກປະກາດພາວະສຸກເສີນ - WhatsApp Image 2020 05 27 at 5 - ສະເປນເປີດຊາຍແດນຮັບນັກເດີນທາງຈາກ EU ອີກ ຫລັງຍົກເລີກປະກາດພາວະສຸກເສີນ
error: Alert: ເນື້ອຫາຂ່າວມີລິຂະສິດ !!