ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19

ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19 - 601 - ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19
ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19 - Untitled design - ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19

ເພື່ອຕອບສະໜອງຄຳເຊື່ອເຊີນຂອງນາຍົກລັດຖະມົນຕີ ຫງວຽນຊວັນຟຸກຂອງ ຫວຽດນາມ, ວັນທີ 5 ກໍລະກົດນີ້, ນາຍົກລັດຖະມົນຕີ ທອງລຸນ ສີສຸລິດ ພ້ອມຄະນະຜູ້ແທນລະດັບສູງໃນຄະນະລັດຖະບານລາວ ໄດ້ໄປຢ້ຽມຢາມສັນຖະວະໄມຕີຢ່າງເປັນທາງການ ສາທາລະນະລັດສັງຄົມນິຍົມຫວຽດນາມແຕ່ ວັນທີ 5-7 ກໍລະກົດນີ້.

ການຢ້ຽມຢາມຄັ້ງນີ້ມີຂຶ້ນພາຍຫຼັງທັງສອງປະເທດສາມາດຄວບຄຸມການລະບາດຂອງພະຍາດໂຄວິດ-19 ໄດ້.

ນີ້, ເປັນການຢ້ຽມຢາມຂອງຄະນະຜູ້ແທນຕ່າງປະເທດທຳອິດໄປຫວຽດນາມ ພາຍຫຼັງໂຄວິດ-19. ຊຶ່ງສະແດງເຖິງສາຍພົວພັນແບບພິເສດຫວຽດນາມ-ລາວ.

ວັນທີ 5 ກໍລະກົດ ນາຍົກລັດຖະມົນຕີ ຫງວຽນຊວັນຟຸກ ໄດ້ພົບປະສອງຝ່າຍກັບນາຍົກທອງລຸນ ສີສຸລິດ ເພື່ອແລກປ່ຽນບົດຮຽນໃນການປ້ອງກັນ ແລະ ຄວບຄຸມການລະບາດຂອງພະຍາດ ໂຄວິດ-19, ປຶກສາຫາລືໃນການຜັນຂະຫຍາຍການຮ່ວມມືໃນຫຼາຍຂົງເຂດວຽກງານລະຫວ່າງສອງປະເທດ.

(ໜັງສືພິມລາວພັດທະນາ)

ນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຂອບໃຈຫວຽດນາມ ທີ່ໄດ້ໃຫ້ການຊ່ວຍເຫຼືອອຸປະກອນການແພດໃຫ້ແກ່ລາວຢ່າງທ່ວງທັນເວລາແຕ່ຫົວທີ ແລະ ກັກກັນໃຫ້ນັກສຶກສາລາວຈຳນວນ 2.000 ຄົນທີ່ກັບຄືນຫວຽດນາມເພື່ອສືບຕໍ່ການຮໍ່າຮຽນ ແລະ ຮຽກຮ້ອງໃຫ້ຫວຽດນາມສ້າງເງື່ອນໄຂໃຫ້ຈຳນວນທີ່ຍັງເຫຼືອໄດ້ກັບໄປຫວຽດນາມເພື່ອສືບຕໍ່ຮໍ່າຮຽນ.

ໂດຍຜ່ານທ່ານນາຍົກ ຫງວຽນຊວັນຟຸກ ນາຍົກທອງລຸນ ສີສຸລິດໄດ້ຝາກຄຳຢື້ຢາມຖາມຂ່າວຂອງພະນະທ່ານເລຂາທິການໃຫ່ຍຂອງພັກ, ປະທານປະເທດ ບຸນຍັງ ວໍລະຈິດ ແລະ ປະທານສະພາແຫ່ງຊາດລາວ ປານີ ຢາທໍ່ຕູ້ ເຖິງພະນະທ່ານເລຂາທິການໃຫ່ຍຂອງພັກ, ປະທານປະເທດ ຫງວຽນຟູຈ໊ອງ ແລະ ປະທານແຫ່ງຊາດ ຫງວຽນຖິກີມເງິນ.

ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19 - Wave100S AD to Website 2020 0 - ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19

ສອງຝ່າຍໄດ້ເຫັນດີເຫັນພ້ອມສືບຕໍ່ເພີ່ມທະວີການຮ່ວມມືວຽກງານປ້ອງກັນຊາດ ປ້ອງກັນຄວາມສະຫງົບ, ເສະຖະກິດ, ການຄ້າ, ການລົງທຶນ, ການເງິນ, ຕັດສິນໃຈຊຸກຍູ້ໃຫ້ບັນດາໂຄງການລົງທຶນຂອງຫວຽດນາມຢູ່ໃນລາວໄດ້ດຳເນີນໄປຢ່າງປົກກະຕິ ແລະ ມີປະສິດທິພາບ ປະສິດທິຜົນ.

ສອງຝ່າຍຍັງໄດ້ປຶກສາຫາລື ແລະ ແລກປ່ຽນຄຳຄິດຄຳເຫັນກ່ຽວກັບບັນຫາສາກົນທີ່ສອງຝ່າຍມີຄວາມສົນໃຈ, ເຫັນພ້ອມຮ່ວມກັນໃນການໃນການປະສານສົມທົບຢ່າງແໜ້ນແຟ້ນໃນເວທີກອບອາຊຽນ ແລະ ໃນສະຫະປະຊາຊາດ.

(ໜັງສືພິມລາວພັດທະນາ)

ວັນທີ 6 ກໍລະກົດນີ້ ຄະນະຜູ້ແທນລາວຈະໄປຢ້ຽມຢາມບາງພື້ນຖານການຜະລິດ, ການບໍລິການ ເພື່ອແລກປ່ຽນບົດຮຽນ ປັບປຸງການຜະລິດ, ການທ່ອງທ່ຽວຂອງຫວຽດນາມ ພາຍຫຼັງສາມາດຄວບຄຸມໂຄວິດ-19ໄດ້.

ຂ່າວ: ລູກເມືອງພວນ(ແຫຼ່ງຂ່າວ Tienphong)

ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19 - WhatsApp Image 2020 05 27 at 5 - ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19
ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19 - WhatsApp Image 2020 05 27 at 5 - ການນຳຕ່າງປະເທດຄົນທຳອິດໄປຫວຽດນາມ ພາຍຫຼັງໂຄວິດ-19
error: Alert: ເນື້ອຫາຂ່າວມີລິຂະສິດ !!