ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ

- 222 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ
- AGL banner - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ

ໃນຍຸກແຫ່ງຂໍ້ມູນຂ່າວສານຄືປັດຈຸບັນ ໄດ້ເກີດມີແຫຼ່ງຂ່າວຫຼວງຫຼາຍປາກົດຕົວຂຶ້ນໃນອອນລາຍ ສະນັ້ນ ຫາກເຮົາບໍ່ມີສະຕິໃນການຮັບຂໍ້ມູນນັ້ນ ຈະເຮັດໃຫ້ ສັບສົນ ບໍ່ຮູ້ວ່າອັນໃດເປັນຂ່າວແທ້ ຂ່າວປອມ ທ້າຍທີ່ສຸດອາດຕົກເປັນເຫຍື່ອຂອງຍຸດທະສາດຫັນປ່ຽນໂດຍສັນຕິຂອງອິດທິກໍາລັງປໍລະປັກ ທີ່ຫວັງໂຄ່ນລົ້ມ ໂຈມຕີລະບອບຂອງພວກເຮົາ ເພື່ອບໍ່ໃຫ້ຕົກເປັນເຫຍື່ອ ພວກເຮົາຕ້ອງກໍາໃຫ້ໄດ້ວ່າ: ຍຸດທະສາດຫັນປ່ຽນໂດຍສັນຕິແມ່ນຫຍັງ ?.

ຍຸດທະສາດຫັນປ່ຽນໂດຍສັນຕິ ແມ່ນຮູບການໜຶ່ງຂອງການຕໍ່ສູ້ຊົນຊັ້ນທີ່ຂ້ຽວຂາດ ເອົາເປັນເອົາຕາຍລະຫວ່າງລັດທິຈັກກະພັດ ແລະ ສັງຄົມນິຍົມໃນເມື່ອກ່ອນ ຕາມຂໍ້ມູນຂອງຫຼາຍເອກະສານ ໃຫ້ຮູ້ວ່າ: ໃນເດືອນມັງກອນ ປີ 1953 ລັດຖະມົນຕີກະຊວງການຕ່າງປະເທດອາເມລິກາ “ດາແລັດ” ໄດ້ຖະແຫຼງວ່າ: “ການທັບມ້າງ ປະເທດສັງຄົມນິຍົມ ສາມາດເຮັດດ້ວຍວິທີສັນຕິວິທີ ຄື: ໃຊ້ວິທີທາງດ້ານແນວຄິດ ແລະ ຈິດຕະສາດ ເພື່ອບັນລຸເປົ້າໝາຍ ສົມທົບວິທີການຕ່າງໆ ນັບທັງການທະຫານ” ນັ້ນຄືຈຸດເລີ່ມຕົ້ນຂອງຍຸດທະສາດຫັນປ່ຽນໂດຍສັນຕິ ຈາກນັ້ນ ບໍ່ເທົ່າໃດປີ ເຂົ້າກໍເຮັດທົດລອງກັນປະເທດຮົງກາລີ (1956) ເຊັກໂກສະໂລວາກີ (1968) ໂປໂລຍ (1980) ສະຫະພາບໂຊວຽດ (1991) ແລະແລ້ວທັງຫມົດລະພົມສັງຄົມນິຍົມໂລກກໍແຕກສະຫຼາຍ.

ຍຸດທະສາດຫັນປ່ຽນໂດຍສັນຕິ ແມ່ນການຕໍ່ສູ້ທີ່ດໍາເນີນຢູ່ພາຍໃນຂອງປະເທດໃດໜຶ່ງ ທີ່ບໍ່ເດີນຕາມເສັ້ນທາງຂອງມະຫາອໍານາດຕາເວັນຕົກ ເຊິ່ງວິທີການຕົ້ນຕໍ ແມ່ນໃຊ້ຈິດຕະວິທະຍາ ເພື່ອຊວນເຊື່ອໃຫ້ປະລະທາດແທ້ ແລະ ອຸດົມການ ແບ່ງແຍກຄວາມສາມັກຄີພາຍໃນ ເຊິ່ງສ່ວນຫຼາຍແມ່ນຜົນຕ່າງໆ ໂດຍສະເພາະສື່ອອນລາຍ.

ການດໍາເນີນຍຸດທະສາດຫັນປ່ຽນໂດຍສັນຕິໃນທີ່ຜ່ານມາ ຢູ່ແຕ່ລະປະເທດສ່ວນຫຼາຍແມ່ນໃນສອງບາດກ້າວ ເຊັ່ນ:

-ບາດກ້າວທີໜຶ່ງຄື ການຫັນປ່ຽນ ແລະ ຜັນແຍກຢູ່ທາງໃນທ່າວິກິດການທາງດ້ານເສດຖະກິດ-ສັງຄົມ ກ້າວໄປເຖິງທາງການເມືອງ ເພື່ອປຸກລະດົມມະຫາຊົນຕໍ່ສູ້ທວງເອົາປະຊາທິປະໄຕຫຼາຍພັກ ຫຼາຍເຄົ້າ ທວງໃຫ້ແກ້ໄຂຊີວິດການເປັນຢູ່ທີ່ເກີນຄວາມສາມາດຕົວຈິງຂອງອໍານາດການປົກຄອງ ກ້າວໄປສ້າງເສດຖະກິດຕາມທ່າອ່ຽງນິຍົມຂອງປະເທດມະຫາອໍານາດ.

– ບາດກ້າວທີ່ສອງ ໃນເມື່ອຫັນປ່ຽນບໍ່ໄດ້ຮັບຜົນ ຫຼື ບໍ່ບັນລຸລະດັບໃດໜຶ່ງ ເມື່ອມີໂອກາດອໍານວຍຈະປຸກລະດົມຂະບວນການລຸກຮືຂຶ້ນ ໂຄ່ນລົ້ມລະບອບການ ປົກຄອງ ຫຼື ດ້ວຍຮູບການລັດຖະປະຫານ.

- Wave100S AD to Website 2020 0 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ

ເຖິງແມ່ນວ່າສະຖານະການຂອງໂລກຈະປ່ຽນໄປ ແນວໃດກໍຕາມ ແຕ່ບັນດາອິດທິກໍາລັງປໍລະປັກ ກໍຍັງຄົງສືບຕໍ່ດໍາເນີນຍຸດທະສາດຫັນປ່ຽນໂດຍສັນຕິ ບໍ່ມີຫຍັງ ປ່ຽນແປງ ກົງກັນຂໍ້ມູນຍິ່ງເພີ່ມທະວີ ໂດຍແນໃສ່ກໍ່ສ້າງໃຫ້ເກີດປັດໄຈ ແລະ ເງື່ອນໄຂຈາກພາຍໃນ ເພື່ອລໍຖ້າໂອກາດອັນສຸກງອມ ແລ້ວກໍຊຸກຍູ້ປຸກລະດົມການລຸກຮື ຂຶ້ນແຫ່ຂະບວນປະທ້ວງ ແລະ ໂຄ່ນລົ້ມຜູ້ ຫຼື ລະບອບການເມືອງຂອງປະເທດນັ້ນ ອັນນີ້ແມ່ນເປົ້າໝາຍສູງສຸດຂອງພວກເຂົ້າ ເຊິ່ງໄດ້ຮັບຜົນສໍາເລັດມາແລ້ວຢູ່ ບາງປະເທດໃນເຂດຕາເວັນອອກກາງ ແລະ ອາຟຣິກາເຫນືອ.

ໃນຍຸກແຫ່ງຂໍ້ມູນຂ່າວສານ ການປາກົດຕົວຂອງສື່ອອນລາຍ ຕ້ອງຍອມຮັບວ່າເປັນແຫຼ່ງກະຈາຍທີ່ສໍາຄັນຂອງຍຸດທະສາດຫັນປ່ຽນໂດຍສັນຕິ ສະນັ້ນ ການເສບສື່ ໃນປັດຈຸບັນ ມັນຮຽກຮ້ອງໃຫ້ທຸກຄົນໃນສັງຄົມຕ້ອງມີສະຕິ ແລະ ພິຈາລະນາວ່າ ອັນໃດຄວນເຊື່ອ ແລະ ອັນໃດຄວນປະຕິເສດ ໄປຄຽງຄູ່ກັນນັ້ນ ກໍຕ້ອງມີການອະທິບາຍຕໍ່ທຸກບັນຫາທີ່ສັງຄົມຕັ້ງຂຶ້ນຜ່ານສື່ອອນລາຍ ທຸກຄົນຫາກມີທາງອອກ ເຮົາບໍ່ອະທິບາຍ ຜູ້ອື່ນກໍອະທິບາຍ ເຮົາບໍ່ເອົາ ຜູ້ອື່ນກໍເອົາ.

ຂໍສະເໜີເປັນການແລກປ່ຽນນໍ ?.

ໂດຍ: ແນວລາວ Vientiane mai

- WhatsApp Image 2020 05 27 at 5 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ
- WhatsApp Image 2020 05 27 at 5 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ
- WhatsApp Image 2020 05 27 at 5 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ
- WhatsApp Image 2020 05 27 at 5 - ລະວັງ ! ຈະຕົກເປັນເຫຍື່ອຍຸດທະສາດຫັນປ່ຽນໂດຍສັນຕິ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!