ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%

ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30% - 141 - ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%
ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30% - Untitled design - ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%

ມາຮອດປັດຈຸບັນ ໂຄງການກໍ່ສ້າງຊົນລະປະທານອ່າງເກັບນ້ຳ ຫ້ວຍທ່າຮາວ ບ້ານນາຄຳ ເມືອງອຸທຸມພອນ ແຂວງສະຫວັນນະເຂດ ມີຄວາມຄືບໜ້າໃນການກໍ່ສ້າງສໍາເລັດແລ້ວ 32,36% ຄາດວ່າໂຄງການດັ່ງກ່າວ ຈະສຳເລັດ 100% ໃນປີ 2024.

ປະທານບໍລິສັດເພັດຖາວອນກໍ່ສ້າງເຄຫາຂົວ-ທາງ ແລະ ຊົນລະປະທານ ຜູ້ຮັບເໝົາກໍ່ສ້າງໂຄງການດັ່ງກ່າວ ໃຫ້ຮູ້ວ່າ: ໂຄງການກໍ່ສ້າງຊົນລະປະທານອ່າງເກັບນໍ້າຫ້ວຍທ່າຮາວ ບ້ານນາຄຳ ເມືອງອຸທຸມພອນ ເລີ່ມລົງມືຈັດຕັ້ງປະຕິບັດໂຄງການໄລຍະທີ 1 ແຕ່ປີ 2014–2016 ແລະ ໄດ້ຢຸດໂຄງການເປັນເວລາ 4 ປີ, ຫລັງຈາກນັ້ນໄດ້ສືບຕໍ່ຈັດຕັ້ງປະຕິບັດໂຄງການໃໝ່ ເປັນໄລຍະທີ 2 ເພື່ອແນໃສ່ການພັດທະນາແຫລ່ງນໍ້າ ແລະ ສ້າງເປັນອ່າງເກັບນໍ້າລະບົບຊົນລະປະທານສະໜອງນໍ້າໃຫ້ແກ່ເນື້ອທີ່ທຳການຜະລິດກະສິກຳທີ່ສາມາດຜະລິດໄດ້ທັງສອງລະດູສາມາດເພີ່ມຜົນຜະລິດຂອງກະສິກອນໃຫ້ໄດ້ຫລາຍກວ່າເກົ່າ.

ສຳລັບໜ້າວຽກຕົ້ນຕໍຂອງໂຄງການແມ່ນກໍ່ສ້າງລະບົບຫົວງານເຂື່ອນດິນທີ່ມີລວງຍາວ 1.250 ແມັດ, ກວ້າງ 8 ແມັດເຄິ່ງ ແລະ ກໍ່ສ້າງລະບົບຄອງເໝືອງ ໃນນັ້ນມີຄອງເໝືອງແມ່ ສອງຄອງ ເບື້ອງຊ້າຍ ມີຄວາມຍາວ 9 ກິໂລແມັດ, ເບື້ອງຂວາ ມີຄວາມຍາວ 11 ກິໂລແມັດ ແລະ ຄອງຊອຍ 45 ຄອງ ລວມມູນຄ່າໃນການກໍ່ສ້າງ ທັງ ໝົດ 191 ຕື້ກີບ. ມາຮອດປັດຈຸບັນ ການກໍ່ສ້າງມີຄວາມຄືບໜ້າ 32,36% ແລະ ຄາດວ່າໂຄງການດັ່ງກ່າວ ຈະສຳເລັດ 100% ໃນປີ 2024 ຕາມແຜນການ ຈາກນັ້ນຈະໄດ້ສືບຕໍ່ໃສ່ໂຄງການຊົນລະກະເສດ ເຊິ່ງເປັນໄລຍະທີ 3 ຂອງໂຄງການ.

ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30% - Wave100S AD to Website 2020 0 - ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%

ປະທານບໍລິສັດເພັດຖາວອນ ກໍ່ສ້າງເຄຫາຂົວ-ທາງ ແລະ ຊົນລະປະທານ ໄດ້ລາຍງານຕື່ມອີກວ່າ ພາຍຫລັງທີ່ສຳເລັດໂຄງການນີ້ແລ້ວຈະສາມາດກັກເກັບນ້ຳໄດ້ຫລາຍເຖິງ 24 ລ້ານແມັດກ້ອນ ແລະ ສາມາດສະໜອງນໍ້າໃຫ້ເນື້ອທີ່ນາປີໄດ້ 1.700 ເຮັກຕາ, ນາແຊງ 1.100 ເຮັກຕາ ແລະ ມີປະຊາຊົນຈຳນວນ 9 ບ້ານ ທີ່ໄດ້ຊົມໃຊ້ ແລະ ໄດ້ຮັບຜົນປະໂຫຍດຄື: ບ້ານນາຄຳ, ໜອງແປນ, ດົງໃນ, ດົງຂວາງ, ດົງທ່າ, ໂນນປ່າໄລ່, ປ່າໜາມ, ນາໂພ ແລະ ບ້ານນາເກັງ ເມືອງອຸທຸມພອນ.

ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30% - WhatsApp Image 2020 05 27 at 5 - ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%
ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30% - WhatsApp Image 2020 05 27 at 5 - ການກໍ່ສ້າງຊົນລະປະທານຫ້ວຍທ່າຮາວ ໄລຍະທີ 2 ສໍາເລັດແລ້ວກວ່າ 30%
error: Alert: ເນື້ອຫາຂ່າວມີລິຂະສິດ !!