ເຜີຍແຜ່ແຜນຍຸດທະສາດການທ່ອງທ່ຽວອາຊຽນ ປີ 2016-2025

- advert banner 728 90 728x90 - ເຜີຍແຜ່ແຜນຍຸດທະສາດການທ່ອງທ່ຽວອາຊຽນ ປີ 2016-2025

ກອງປະຊຸມເຜີຍແຜ່ແຜນຍຸດທະສາດການທ່ອງທ່ຽວອາຊຽນ ສຳລັບປີ 2016 – 2025 ໃຫ້ແກ່ຜູ້ບໍລິຫານ ແລະ ວິຊາການຂະແໜງການກ່ຽວຂ້ອງ, ໄດ້ຈັດຂຶ້ນໃນວັນທີ 20 ມີຖຸນານີ້, ໂດຍກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ຊຶ່ງມີຜູ້ຕາງໜ້າອົງການພັດທະນາ ລາວ-ເຢຍລະມັນ ແລະ ພາກສ່ວນກ່ຽວຂ້ອງເຂົ້າຮ່ວມ. ເຊິ່ງກອງປະຊຸມດັ່ງກ່າວ, ເປັນເວທີເພື່ອປຶກສາຫາລືແລກປ່ຽນບົດຮຽນເຊິ່ງກັນ ແລະ ກັນໃນການກຳນົດວຽກບູລິມະສິດ ຂອງ ສປປ ລາວ ໃນຕໍ່ໜ້າ.

ໃນໂອກາດດັ່ງກ່າວ ທ່ານຫົວໜ້າກົມໂຄສະນາການທ່ອງທ່ຽວລາວ ໄດ້ມີຄຳເຫັນວ່າ: ປັດຈຸບັນນີ້, ອຸດສາຫະກຳການທ່ອງທ່ຽວ ໄດ້ກາຍເປັນຂະແໜງເສດຖະກິດ ທີ່ມີການຂະຫຍາຍຕົວຢ່າງວ່ອງໄວ ຢູ່ໃນອັນດັບທີສອງຂອງໂລກ, ຫລາຍປະເທດໄດ້ເອົາໃຈໃສ່ເປັນພິເສດ ຕໍ່ການພັດທະນາ ແລະ ສົ່ງເສີມການທ່ອງທ່ຽວ, ຖືເປັນຂະແໜງເສດຖະກິດຕົ້ນຕໍ ເພື່ອພັດທະນາເສດຖະກິດ-ສັງຄົມຂອງປະເທດ, ເນື່ອງຈາກວ່າການທ່ອງທ່ຽວເປັນການສົ່ງອອກກັບທີ່, ເປັນອຸດສາຫະກຳທີ່ບໍ່ມີຄວັນ, ກະຈາຍລາຍຮັບໃຫ້ທົ່ວສັງຄົມ ແລະ ນຳເງິນຕາເຂົ້າມາປະເທດ. ຈາກການປະຕິບັດນະໂຍບາຍ ແລະ ການສົ່ງເສີມການທ່ອງທ່ຽວຂອງລັດຖະບານເຮົາ, ຊຶ່ງກ່ອນໜ້ານີ້ ກໍໄດ້ກຳນົດໃຫ້ເປັນຂະແໜງບູລິມະສິດ ແລະ ປັດຈຸບັນ ໄດ້ກຳນົດມາເປັນ ຂະແໜງການເສົາຄໍ້າຂອງເສດຖະກິດແຫ່ງຊາດ ແລະ ວຽກງານທ່ອງທ່ຽວ ໄດ້ມີການຂະຫຍາຍຕົວຢ່າງວ່ອງໄວຖ້າທຽບໃສ່ຂະແໜງການອື່ນ ຊຶ່ງເຫັນໄດ້ຈາກການເພີ່ມຂຶ້ນຂອງຈຳນວນນັກທ່ອງທ່ຽວ ແລະ ລາຍຮັບທີ່ກະຈາຍໃນທົ່ວປະເທດແຕ່ລະປີຄື: ປີ 2011 ມີນັກທ່ອງທ່ຽວເຂົ້າມາລາວຫລາຍກວ່າ 2,7 ລ້ານຄົນ, ປີ 2015, ເພີ່ມເປັນ 4,6 ລ້ານກວ່າຄົນ, ໂດຍສະເລ່ຍເພີ່ມຂຶ້ນ 14,52% ເຊິ່ງໃນປີ 2011 ສາມາດສ້າງລາຍຮັບໄດ້ 406 ລ້ານໂດລາສະຫະລັດ, ປີ 2015 ເພີ່ມເປັນ 725 ລ້ານກວ່າໂດລາລາສະຫະລັດ, ເພີ່ມຂຶ້ນຫລາຍກວ່າ 15,6% ເມື່ອທຽບໃສ່ 5 ປີ ຜ່ານມາ.

- Tiger Head 728x90 - ເຜີຍແຜ່ແຜນຍຸດທະສາດການທ່ອງທ່ຽວອາຊຽນ ປີ 2016-2025
- 1 1 - ເຜີຍແຜ່ແຜນຍຸດທະສາດການທ່ອງທ່ຽວອາຊຽນ ປີ 2016-2025

ທ່ານຫົວໜ້າກົມດັ່ງກ່າວ ໃຫ້ຮູ້ຕື່ມວ່າ: ແຕ່ຄຽງຄູ່ກັນຈຸດດີດັ່ງກ່າວ ພວກເຮົາກໍຍັງມີສິ່ງທີ່ໜ້າເປັນຫ່ວງຄື: ໃນປັດຈຸບັນນີ້ ແມ່ນຈຳນວນນັກທ່ອງທ່ຽວເຂົ້າມາລາວ ມີຈຳນວນຫລຸດລົງຫລາຍເຖິງ 10% ຈາກ 4,6 ລ້ານກວ່າຄົນ ໃນປີ 2015 ມາເປັນ 4,2 ກວ່າຄົນໃນປີ 2016, ເຊິ່ງນັກທ່ອງທ່ຽວທີ່ຫລຸດລົງ ສ່ວນຫລາຍແມ່ນນັກທ່ອງທ່ຽວໄທ ແລະ ຫວຽດນາມ ກວມເອົາເກືອບ 50% ຂອງນັກທ່ອງທ່ຽວທັງໝົດ ທີ່ເຂົ້າມາທ່ຽວຢູ່ລາວ, ສ່ວນນັກທ່ອງທ່ຽວປະເທດອື່ນໆ ແມ່ນຍັງສືບຕໍ່ເພີ່ມຂຶ້ນເຊັ່ນ: ອົດສະຕາລີ, ເຢຍລະມັນ, ລັດເຊຍ ແລະ ອີຕາລີ.

error: Content is protected !!