ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020

ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020 - Time fo an Adventure 2020 07 22T131632 - ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020
  1. ຄະນະ​ກຳມາ​ທິການ​ລັດຖະສະພາ​ແຫ່ງ​ອັງກິດ ​ໄດ້​ເປີດ​ເຜີຍ​ລາຍ​ງານ​ທີ່​ລໍຄອຍ​ມາ​ຢ່າງ​ຍາວ​ນານ ​ເຊິ່ງມີ​ຂໍ້​ສະຫລຸບ​ວ່າ ອັງກິດ​ລົ້ມ​ເຫ​ລວ​ໃນ​ການ​ກຽມ​ຄວາມ​ພ້ອມ ​ແລະ ດຳ​ເນີນ​ງານ​ເພື່ອ​ປະ​ເມີນ​ຄວາມ​ເໝາະ​ສົມ​ໃນ​ການ​ແຊກ​ແຊງ​ຂອງຣັດ​ເຊຍ​ສຳລັບ​ກອງ​ປະຊຸມ​ເລື່ອງ Brexit ​ໃນ​ປີ 2016.

ລາຍ​ງານ​ຍັງ​ກ່າວ​ອີກ​ວ່າ ການ​ແຊກ​ແຊງ​ຂອງຣັດ​ເຊຍ​ຈະ​ກາຍ​ເປັນ New Normal ສຳລັບ​ຊີວິດ​ຂອງ​ຊາວ​ອັງກິດ ​ເຊິ່ງຄວາມ​ຈິງ​ແລ້ວ ​ເອກະສານ​ສະບັບ​ນີ້​ໄດ້​ສຳ​ເລັດ​ສົມບູນ​ນັບ​ແຕ່ 18 ​ເດືອນ​ກ່ອນ, ​ແຕ່​ລັດຖະບານ​ອັງກິດ​ປະຕິ​ເສດ​ຈະ​ເຜີຍ​ແຜ່​ອອກ​ມາຈົນ​ຮອດ​ປີ​ສຸດ​ທ້າຍ​ທີ່ການ​ເລືອກ​ຕັ້ງຄັ້ງ​ໃໝ່​ກຳລັງ​ຈະ​ເກີດ​ຂຶ້ນ.

  1. ມື​ປືນ​ໄດ້​ຈັບ​ຕົວ​ປະກັນ ​ເຊິ່ງ​ເຈົ້າໜ້າ​ທີ່​ຄາດ​ວ່າ​ມີ​ປະມານ 10 ຄົນ​ໄວ້​ໃນ​ລົດ​ເມ​ຢູ່​ເມືອງ Lutsk ປະ​ເທດ​ອູ​ແກຣນ ​ເຊິ່ງ​ເຮັດ​ໃຫ້​ເກີດ​ການ​ຜະ​ເຊີນ​ໜ້າ​ກັບ​ເຈົ້າໜ້າ​ທີ່ ​ແລະ ຄົນ​ຮ້າຍ.

​ໂດຍ​ຫລ້າ​ສຸດ​ມື​ປືນ​ໄດ້​​ຍິງ​ໃສ່​ເຈົ້າໜ້າ​ທີ່ ​ເຖິງ​ວ່າຈະ​ຍັງ​ບໍ່​ມີ​ລາຍ​ງານ​ຜູ້​ເສຍ​ຊີວິດ ​ເຊິ່ງ Anton Herashchenko ຮອງ​ລັດຖະມົນຕີ​ປ້ອງ​ກັນ​ປະ​ເທດ​ຂອງ​ອູ​ແກຣນ ກ່າວ​ວ່າ: ຜູ້​ຊາຍ​ຄົນ​ດັ່ງກ່າວ​ອ້າງ​ກັບ​ເຈົ້າໜ້າ​ທີ່​ວ່າ​ລາວ​ມີ​ລະ​ເບີດ ​ແລະ ການ​ເຈລະຈາ​ຍັງ​ດຳ​ເນີນ​ໄປ​ຢ່າງ​ຕໍ່​ເນື່ອງ.

  1. Linkedln ກ່າວ​ວ່າ ພວກ​ເຂົາ​ຈະ​ຫລຸດ​ຈຳນວນ​ພະນັກງານ​ລົງ 960 ຄົນ ຄິດ​ເປັນ 6% ຂອງ​ຈຳນວນ​ແຮງ​ງານ​ທັງ​ໝົດ​ຂອງ​ພວກ​ເຂົາ ​ໂດຍ​ຜູ້​ໃຫ້​ບໍລິການ Platform ​ເຄືອ​ຂ່າຍ​ອິນ​ເຕີ​ເນັດ​ລະດັບ​ມື​ອາຊີບ​ນີ້ ມີ​ການ​ສ້າງ​ລາຍ​ໄດ້​ຈາກ​ການ​ໂຄສະນາ ​ແລະ ການ​ເກັບ​ຄ່າ​ທຳນຽມ​ສະໝັກ.

​ແຕ່​ປັດ​ໄຈ​ຂັບ​ເຄື່ອນ​ທັງ 2 ຢ່າງ​ຂອງ​ທຸລະ​ກິດ​ກຳລັງ​ຫລຸດ​ລົງ ​ແລະ ບໍລິສັດທີ່​ຕ້ອງການ​ຈ້າງ​ໂຄສະນາກໍ​ມີ​ໜ້ອຍ​ລົງ ​ເນື່ອງ​ຈາກ​ລູກ​ຄ້າ​ເຫລົ່າ​ນີ້​ຕ່າງ​ກຳລັງ​ປັບ​ໂຄງ​ສ້າງ ​ເພື່ອ​ຫລຸດ​ຕົ້ນທຶນ​ໃຫ້​ໄດ້​ຫລາຍ​ທີ່​ສຸດ ລວມທັງ​ການ​ປົດ​ພະນັກງານ​ທີ່​ບໍ່​ຈຳ​ເປັນ​ອອກ​ຫລັງ​ຈາກ​ມາດ​ຕະການ​ຊ່ວຍ​ເຫລືອ​ຂອງ​ລັດຖະບານ​ສິ້ນສຸດ​ລົງ.

ສະຫລຸບ​ຄື Linkedln ຈະ​ຫລຸດ​ຕຳ​ແໜ່​ງດ້ານ​ການ​ຂາຍ ​ແລະ ການ​ຈ້າງ​ງານ​ລົງ​ທົ່ວ​ໂລກ.

  1. ​ໂດ​ນັລ ທຣຳ ​ໄດ້​ລົງ​ນາມ​ໃນ​ບັນທຶກ​ຂໍ້​ຕົກລົງ​ທີ່​ອາດ​ປ້ອງ​ກັນ​ບໍ່​ໃຫ້​ຄະ​ແນນ​ສຽງ​ຂອງ​ຜູ້​ທີ່​ອົບ​ພະຍົບຜິດ​ກົດໝາຍ​ພາຍ​ໃນ​ປະ​ເທດ ຖືກ​ນັບ​ເມື່ອ​ຮອດ​ວັນ​ເລືອ​ກຕັ້ງພາກ​ທ້ອງ​ຖິ່ນທີ່​ສະພາ​ຄອງ​ເກຣດກຳນົດ.

​ເຖິງ​ຢ່າງ​ໃດ​ກໍ​ຕາມ, ​ແຜນການ​ດັ່ງກ່າວ​ມີ​ທ່າ​ອ່ຽງຈະ​ຈົບ​ລົງ​ຢູ່​ສານ ​ເນື່ອງ​ຈາກ​ຂັດ​ຕໍ່​ລັດຖະທຳ​ມະນູນ​ຂອງ​ອາ​ເມ​ລິ​ກາ ​ເຊິ່ງລະບຸ​ເອົາ​ໄວ້​ວ່າ ການ​ນັບ​ຈຳນວນ​ປະຊາກອນ​ພາຍ​ໃນ​ເຂດ​ຕ່າງໆ​ຈະ​ຕ້ອງ​ນັບ​ລວມຜູ້​ທີ່​ອາ​ໄສ​ຢູ່​ພາຍ​ໃນ​ເຂດ​ນັ້ນໆ​ທັງ​ໝົດ.

ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020
  1. ການ​ພິຈາລະນາ​ຄະດີ​ຂອງ​ຊາຍ​ຄົນ​ໜຶ່ງ ​ເຊິ່ງສາລະພາບ​ວ່າ​ລາວ​ໄດ້​ສັງຫານ​ຄົນ 2 ຄົນ ຫລັງ​ຈາກ​ການ​ໂຈມ​ຕີ​ໂບດ​ຢູ່​ເມືອງ Halle ປະ​ເທດ​ເຢຍລະ​ມັນ ​ໄດ້​ເລີ່​ມຕົ້ນຂຶ້ນ​ແລ້ວ ​ໂດຍ​ຫລັງ​ຈາກ​ທີ່​ລາວ​ບໍ່​ສາມາດ​ເປີດ​ປະຕູ​ເຂົ້າ​ໄປ​ໃນ​ໂບດ​ໄດ້ ​ເຮັດ​ໃຫ້​ປ່ຽນ​ໃຈ​ຫັນ​ມາ​ໄລ່​ຍິງ​ຜູ້​ຄົນ​ທີ່​ສັນຈອນ​ໄປມາ​ຢູ່​ບໍລິ​ເວນ​ນັ້ນ​ແທນ ຕໍ່​ຈາກ​ນັ້ນຈຶ່ງ​ຂັບ​ລົດ​ໜີ​ໄປ ​ແລະ ​ໄດ້​ໃຊ້​ປືນ​ຍິງ​ໃສ່​ຜູ້​ເຄາະ​ຮ້າຍ​ໃກ້​ກັບ​ຮ້ານ​ຂາຍ​ເຄບັບ.

​ເຊັ່ນ​ດຽວ​ກັນ​ການ​ໂຈມ​ຕີ​ໂດຍ​ພວກ​ຫົວ​ຮຸນ​ແຮງ​ຄົນ​ອື່ນໆ ພຶດຕິ​ກຳ​ຂອງ​ຊາຍ​ຄົນ​ນີ້​ມີ​ການ​ປະກາດ​ຜ່ານ​ສື່​ອອນ​ລາຍ ​ແລະ ຍັງ​ໄດ້​ຖ່າຍ​ທອດ​ສົດ​ການ​ກະທຳ​ຂອງ​ລາວ.

  1. ຂໍ້​ມູນ​ໃໝ່​ຫລ້າ​ສຸດ​ນີ້​ໄດ້​ສະ​ແດງ​ໃຫ້​ເຫັນ​ຢ່າງ​ຊັດ​ເຈນ​ພຶດຕິ​ກຳ​ການ Shopping ພາຍ​ໃນ​ອັງກິດ ​ໂດຍ​ລະຫວ່າງ​ໄລຍະ​ທີ່​ມີ​ການລະບາດ​ເກີດ​ຂຶ້ນນີ້ ຍອດ​ຂາຍ​ສຸດທິ​ຂອງ​ຮ້ານ​ຂາຍ​ເຄື່ອງ​ເພີ່ມ​ຂຶ້ນ​ເຖິງ 16,9% ສູ່​ລະດັບ​ສູງ​ສຸດ​ຕະຫລອດ​ການ​ 40.000 ລ້ານ​ໂດ​ລາ ພາຍ​ໃນ 12 ອາທິດ​ຜ່ານ​ມາ ຈົນ​ຮອດ​ວັນ​ທີ 21 ກໍລະກົດ 2020.

ຍອດຂາຍນ້ຳຊາ ແລະ ກາເຟໃນເດືອນຜ່ານມາເພີ່ມຂຶ້ນ 30 ລ້ານໂດລາ ແລະ ຍອດຂາຍສິນຄ້າຈຳນວນເຂົ້າໜົມປັງເພີ່ມຂຶ້ນ 24 ລ້ານໂດລາ ເມື່ອທຽບໃສ່ໄລຍະເວລາດຽວກັນຂອງປີ ກ່ອນ.

ທັງ​ໝົດ​ນີ້​ອ້າງ​ອີງ​ຈາກ​ຂໍ້​ມູນ​ຂອງ Kantar ​ເຊິ່ງ​ເປັນ​ບໍລິສັດ​ຊັ້ນນຳ​ດ້ານ​ການ​ວິ​ໄຈ​ທາງ​ການ​ຕະຫລາດ​ໂລກ.

ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020
ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 22 ກໍລະກົດ 2020
error: Alert: ເນື້ອຫາຂ່າວມີລິຂະສິດ !!