ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ

ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ - 555 10 - ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ
ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ - Untitled design - ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ

ເຈົ້າໜ້າທີ່ແຂວງສະຫວັນນະເຂດໃຫ້ຮູ້ວ່າ: ໃນວັນທີ 14 ກໍລະກົດຜ່ານມາ ມີເຫດຊີງຊັບເຈົ້າຂອງຮ້ານຂາຍເຄື່ອງຢູ່ນະຄອນໄກສອນພົມວິຫານ ແຂວງສະຫວັນນະເຂດ, ແຕ່ຜູ້ເສຍຫາຍຈື່ຜູ້ກໍເຫດໄດ້ດີ ເພາະເປັນລູກຄ້າປະຈໍາ, ເຊິ່ງນໍາໄປສູ່ການຈັບຕົວຄົນຮ້າຍ ໄດ້ໃນວັນຖັດມາ ເຊິ່ງຜູ້ກໍ່ເຫດຊື່ ທ້າວ ວິຊຸນ ຫຼື ຕຸກ ອາຍຸ 34 ປີ ຢູ່ບ້ານໂນນສະ ຫວາດ.

ທ້າວ ຕຸກ ສາລະພາບວ່າ: ໃນວັນທີ 14 ກໍລະກົດ 2020, ໄດ້ຮ່ວມກັບ ທ້າວ ພອນສະຫວັນ ຫຼື ອ້າຍ ( ທີ່ກໍາລັງຫຼົບໜີ ) ກໍ່ເຫດແທ້, ກ່ອນກໍ່ເຫດທ້າວອ້າຍ ໄດ້ຂັບຂີ່ລົດຈັກບໍ່ມີຫມາຍເລກທະບຽນໄປຫາຢູ່ເຮືອນ. ເວລານັ້ນ, ບໍ່ມີເງິນເຕີມເຊີ ເພື່ອຫຼິ້ນເກມ ຈຶ່ງໄດ້ຊວນກັນໄປເລາະລັກຊັບ, ຊີງຊັບຕາມຮ້ານຕ່າງໆ ໂດຍໄດ້ໄປຊ່ອງເບິ່ງຮ້ານຂາຍເຄື່ອງ ດັ່ງກ່າວເຫັນຜູ້ຍິງຢູ່ຜູ້ດຽວ ແລ້ວທໍາທ່າຮ້ອງບອກວ່າ ເງິນບໍ່ພໍຈັກຫນ່ອຍຊິກັບມາຊື້ໃຫມ່ ຈາກນັ້ນ, ກໍຂັບຂີ່ລົດຈັກເອົາມືຖືໄປຈຶ່ງຢູ່ຮ້ານແຫ່ງຫນຶ່ງໃນລາຄາ 100.000 ກີບ ແລ້ວພາກັນໄປຊື້ບັດເຕີມເຊີຢູ່ຮ້ານເກົ່າ; ໂດຍຈອດລົດຈັກແລ້ວຍ່າງເຂົ້າໄປໃນຮ້ານ ພ້ອມກັນ ແລະ ສັ່ງຊີ້ເຊີ 80 ບາດ ຈ່າຍດ້ວຍເງິນໃບ 50.000 ກີບ. ຈາກນັ້ນ, ຜູ້ຂາຍເຄື່ອງຍ່າງໄປເອົາເງິນທອນຢູ່ໃນຫ້ອງ, ຕົນໄດ້ລັກເອົາໂທລະສັບທີ່ສາກໄວ້ແລ້ວຢ່າງອອກມາ, ທ້າວ ອ້າຍ ໄດ້ຍ່າງນໍາຜູ້ຍິງເຂົ້າໄປ ໃນຫ້ອງສວຍໂອກາດດຶງເອົາກະເປົາເງິນ ແລ້ວພາກັນຫຼົບຫມີ, ພາຍຫຼັງກັບມາຮອດເຮືອນກວດເບິ່ງກະເປົ້າ ມີ ເງິນ 1.200.000 ກີບ ແບ່ງກັນຄົນລະເຄິ່ງ ສ່ວນໂທລະສັບຜູ້ກ່ຽວແມ່ນເອົາໄປປົດລ໋ອກຢູ່ຮ້ານ.

ນອກນັ້ນ, ໃນຄັ້ງວັນທີ 7 ກໍລະກົດ 2020, ໄດ້ຊັກຊວນກັນໄປຊອກຊີງຊັບ, ລັກຊັບຢູ່ຕາມບັນດາ ຮ້ານອາຫານ, ອື່ນອີກດ້ວຍການຍ່າງເຂົ້າໄປຈັບເອົາກະເປົາ ແລ້ວແລ່ນອອກໄປຂີ່ລົດຜູ້ກ່ຽວຫຼົບໜີ. ຈາກນັ້ນ, ເອົາກະເປົາມາເປີດເບິ່ງມີເງິນຢູ່ 1.500 ບາດ, 300.000 ກີບ ແລ້ວມາເເບ່ງກັນ.

ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ - Wave100S AD to Website 2020 0 - ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ

ປັດຈຸບັນຄົນຮ້າຍໄດ້ຖືກເຈົ້າໜ້າທີ່ຈັບໄປດຳເນີນຄະດີຕາມລະບຽບກົດໝາຍແລ້ວ

ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ - WhatsApp Image 2020 05 27 at 5 - ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ
ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ - WhatsApp Image 2020 05 27 at 5 - ກໍ່ເຫດຊີງຊັບຍ້ອນຕິດເກມ ສຸດທ້າຍຊີວິດຕ້ອງຈົບເກມ
error: Alert: ເນື້ອຫາຂ່າວມີລິຂະສິດ !!