ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ

ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - 301 1 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - 174233 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ

ຕາມ​ຂໍ້​ມູນ​ຂອງ​ອົງການ​ແຮງ​ງານ​ສາກົນ​ປີ 2017 ​ໃຫ້​ຮູ້​ວ່າ: ​ໃນ​ປີ 2016 ທົ່ວ​ໂລກ​ມີ​ຜູ້​ຖືກ​ເຄາະ​ຮ້າຍ​ໃນ​ຮູບ​ແບບ​ຂ້າ​ທາດ​ສະ​ໄໝ​ໃໝ່​ປະມານ 40 ລ້ານ​ຄົນ, ​ໃນ​ນັ້ນ ຖືກ​ບັງຄັບ​ໃຫ້​ໃຊ້​ແຮງ​ງານ​ປະມານ 25 ລ້ານ​ຄົນ ​ແລະ ປະມານ 15 ລ້ານ​ຄົນ ຖືກ​ບັງຄັບ​ໃຫ້​ແຕ່ງດອງ. ສະ​ເພາະ ສປປ ລາວ ຍັງ​ເປັນ​ປະ​ເທດ​ທີ່​ມີ​ການ​ຄ້າ​ມະນຸດ​ຫລາຍ ​ເຊິ່ງສາ​ເຫດ​ແມ່ນ​ເກີດ​ມາ​ຈາກ​ຫລາຍ​ປັດ​ໄຈ ​ເປັນຕົ້ນບັນຫາ​ຄວາມທຸກ​ຍາກ, ລະດັບ​ການ​ສຶກສາ, ຄວາມ​ຮູ້​ວິຊາ​ຊີບ, ສີມື​ແຮງ​ງານ ​ແລະ ສະພາບ​ຄວາມ​ແຕກ​ໂຕນ​ດ້ານ​ການ​ພັດທະນາ​ໃນ​ອະນຸ​ພາກພື້ນ ບວກ​ກັບ​ການ​ຂະຫຍາຍຕົວ​ຢ່າງ​ໄວວາ​ຂອງ​ພື້ນຖານ​ໂຄງ​ລ່າງ ສິ່ງ​ອຳນວຍ​ຄວາມ​ສະດວກ​ສາທາລະນະ, ​ເຕັກ​ໂນ​ໂລ​ຊີ-ການ​ສື່ສານ​ທີ່​ບໍ່​ມີ​ເຂດ​ແດນ ​ແລະ ອື່ນໆ. ບັນຫາ​ດັ່ງກ່າວ​ໄດ້​ກາຍ​ເປັນ​ສິ່ງ​ກະຕຸກ​ຊຸກຍູ້, ​ເປັນ​ປັດ​ໄຈ​ດຶງ​ດູດ​ເຮັດ​ໃຫ້​ມີ​ການ​ເຄື່ອນ​ຍ້າຍ​ພົນລະ​ເມືອງ​ຈາກ​ຊົນນະ​ບົດ​ເຂົ້າສູ່​ຕົວ​ເມືອງ ​ແລະ ຈາກ ສປປ ລາວ ​ໄປ​ຫາ​ປະ​ເທດ​ອື່ນ ​ເພື່ອ​ສະ​ແຫວ​ງຫາ​ຊີວິດ​ການ​ເປັນ​ຢູ່​ທີ່​ດີກ​ວ່າ. ດັ່ງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ, ຮອງ​ປະທານ​ຜູ້​ປະຈຳການ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດ ​ໄດ້​ກ່າວ​ໃນ​ພິທີ​ໂຮມ​ຊຸມນຸມ ​ແລະ ຍ່າງ​ມິ​ນິມາລາ​ທອນ ລະນຶກ​ວັນ​ສາກົນ​ເພື່ອ​ຕ້ານ​ການ​ຄ້າ​ມະນຸດ​ເມື່ອ​ປີ 2019 ຜ່ານ​ມາ​ວ່າ: ປະ​ເພດ​ຂອງ​ການ​ຄ້າ​ມະນຸດ​ທີ່​ພົ້ນ​ເດັ່ນ​ກວ່າ​ໝູ່​ແມ່ນ​ການ​ຂູດ​ຮີດ​ທາງ​ເພດ, ການ​ຂູດ​ຮີດ​​ແຮງ​ງານ​ດ້ວຍ​ການ​ຕົວະ​ຍົວະ​ຫລອກ​ລວງ​ໃນ​ຮູບ​ການ​ໄປ​ທ່ອງ​ທ່ຽວ, ຄ້າຂາຍ, ອອກ​ແຮງ​ງານ, ​ແຕ່ງງານ​ກັບ​ຄົນ​ຕ່າງປະ​ເທດ ​ໂດຍ​ບໍ່​ຜ່ານ​ອົງການ​ທີ່​ກ່ຽວຂ້ອງ. ​ໄປ​ຄຽງ​ຄູ່​ກັນນັ້ນ ການ​ຄ້າ​ມະນຸດ​ຍັງ​ເປັນ​ອາດຊະຍາ​ກຳ​ຮ້າຍ​ແຮງ​ໜຶ່ງ​ທີ່​ເກີດ​ຂຶ້ນ​ໃນ​ສັງຄົມ ​ແລະ ມີ​ລັກສະນະ​ຂ້າມ​ຊາດ. ການ​ຄ້າ​ມະນຸດ​ໄດ້​ລະ​ເມີດ​ສິດທິ​ພື້ຖານຂອງ​ພົນລະ​ເມືອງ​ທີ່​ໄດ້​ກຳນົດ​ໄວ້​ໃນ​ລັດຖະທຳ​ມະນູນ, ກົດໝາຍ​ ກໍ​ຄື​ສົນທິສັນຍາ​ສາກົນ​ທີ່ ສປປ ລາວ ​ເປັນ​ພາຄີ ​ແລະ ​ໄດ້​ສົ່ງ​ຜົນ​ກະທົບ​ດ້ານ​ລົບ​ຕໍ່​ການ​ພັດທະນາ​ເສດຖະກິດ-ສັງຄົມ, ສະຖຽນ​ລະ​ພາບ ​ແລະ ຄວາມ​ໝັ້ນຄົງ​ພາຍ​ໃນ ກໍ​ຄື​ສາກົນ.

ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ຍັງ​ໄດ້​ຮຽກຮ້ອງ​ມາ​ຍັງ​ອົງການ​ຈັດຕັ້ງພັກ, ລັດ, ອົງການ​ຈັດຕັ້ງສາກົນ​ທີ່​ກ່ຽວຂ້ອງ ກໍ​ຄື​ປະຊາຊົນ​ລາວ​ບັນດາ​ເຜົ່າ​ຈົ່ງ​ໃຫ້​ຄວາມ​ຮ່ວມ​ມື, ພ້ອມ​ກັນ​ສະກັດ​ກັ້ນ ​ແລະ ​ໃຫ້​ເປັນຄວາມ​ຮັບຜິດຊອບ​ທົ່ວ​ສັງຄົມ ​ໂດຍ​ສຸມ​ໃສ່​ຖື​ເອົາ​ວຽກ​ງານ​ສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ​ເປັນ​ພັນທະ, ​ເປັນ​ໜ້າ​ທີ່​ຂອງ​ທຸກ​ພາກສ່ວນ ນັບ​ແຕ່​ສູນ​ກາງ​ລົງ​ຮອດ​ທ້ອງ​ຖິ່ນ, ​ເອົາ​ໃຈ​ໃສ່​ໂຄສະນາ ​ແລະ ສຶກສາ​ອົບຮົມ​ໃຫ້​ກວ້າງຂວາງ​ດ້ວຍ​ຫລາຍ​ຮູບ​ການ ​ເພື່ອ​ໃຫ້​ປະຊາຊົນ​ລາວ​ທຸກ​ຊັ້ນຄົນ ​ໂດຍ​ສະ​ເພາະ​ແມ່ຍິງ, ຊາວ​ໜຸ່ມ-​ເຍົາວະ​ຊົນ​ໄດ້​ຮັບ​ຮູ້ ​ແລະ ​ເຂົ້າ​ໃຈ ​ແລະ ມີ​ສ່ວນ​ຮ່ວມ​ໃນ​ວຽກ​ງານ​ຕ້ານ​ການ​ຄ້າ​ມະນຸດ, ​ເພີ່ມ​ທະວີ​ວຽກ​ງານ​ກວດກາ, ຕິດຕາມ, ຄຸ້ມ​ຄອງ​ການ​ເຂົ້າອອກ​ເມືອງ, ບັນດາ​ດ່ານ​ຊາຍ​ແດນ​ເຂດ​ຫລໍ່​ແຫລມ, ​ເກັບ​ກຳ​ບັນດາ​ເປົ້າໝາຍ ນັບ​ທັງ​ຄົນ​ລາວ ​ແລະ ຄົນ​ຕ່າງປະ​ເທດ​ທີ່​ເຂົ້າມາ​ດຳລົງ​ຊີວິດ, ດຳ​ເນີນ​ທຸລະ​ກິດ​ທີ່​ມີ​ການ​ເຄື່ອນ​ໄຫວ​ຄ້າ​ມະນຸດ, ພ້ອມ​ທັງ​ເອົາ​ໃຈ​ໃສ່​ຟື້ນຟູ​ຕໍ່​ຜູ້​ທີ່​ຖືກ​ເຄາະ​ຮ້າຍ, ສຸມ​ໃສ່​ສ້າງ​ຄວາມ​ເຂັ້ມ​ແຂງ​ກ່ຽວ​ກັບ​ວຽກ​ງານ​ຕ້ານ​ການ​ຄ້າ​ມະນຸດ​ໃຫ້​ຂະ​ແໜງ​ການ​ທີ່​ກ່ຽວຂ້ອງ ​ແລະ ​ເພີ່ມ​ທະວີ​ການ​ພົວພັນ​ຮ່ວມ​ມື​ກັບ​ສາກົນ ​ເພື່ອ​ຍາດ​ແຍ່ງ​ເອົາ​ການ​ສະໜັບສະໜູນ, ການ​ແບ່ງປັນ​ບົດຮຽນ​ຕ່າງໆ​ຈາກ​ພວກ​ເພິ່ນ​ໃຫ້​ຫລາຍ​ຂຶ້ນ ​ເພື່ອ​ສ້າງ​ໃຫ້​ຂະ​ບວນການ​ຕ້ານ​ການ​ຄ້າ​ມະນຸດ​ຂອງ​ລາວ​ນັບ​ມື້​ເຂັ້ມ​ແຂງ.

ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - Wave100S AD to Website 2020 0 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ - WhatsApp Image 2020 05 27 at 5 - ຈົ່ງຮ່ວມແຮງຮ່ວມໃຈກັນສຸມໃສ່ຕ້ານການຄ້າມະນຸດໃຫ້ແຂງແຮງກວ່າເກົ່າ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!