ເຕືອນໄພແຫ້ງແລ້ງຍາມຝົນ

ເຕືອນໄພແຫ້ງແລ້ງຍາມຝົນ - 555 23 - ເຕືອນໄພແຫ້ງແລ້ງຍາມຝົນ
ເຕືອນໄພແຫ້ງແລ້ງຍາມຝົນ - 174233 - ເຕືອນໄພແຫ້ງແລ້ງຍາມຝົນ

ໂດຍ: ມຶກບໍ່ແຫ້ງ

 

ການປ່ຽນແປງຂອງດິນຟ້າອາກາດນັບມື້ເຫັນໄດ້ຈະແຈ້ງເມື່ອກຳມາທິ ການແມ່ນໍ້າຂອງໄດ້ແຈ້ງເຕືອນໄພແຫ້ງແລ້ງໃນຍາມຝົນ.

ເມື່ອບໍ່ດົນຜ່ານກຳມາທິການແມ່ນໍ້າຂອງໄດ້ອອກມາແຈ້ງເຕືອນວ່າສປປລາວ, ກຳປູເຈຍແລະຫວຽດນາມຈະພົບພໍ້ກັບໄພແຫ້ງແລ້ງຢ່າງໜັກ ຂຶ້ນກວ່າເກົ່າໂດຍໄດ້ລາຍງານວ່າປະລິມານນໍ້າຝົນຂອງເດືອນພຶດສະພາ ແລະມິຖຸນາ 2020 ແມ່ນມີໜ້ອຍກວ່າເວລາດຽວກັນຂອງປີຜ່ານມາເຖິງ 70% ເຊິ່ງສະແດງໃຫ້ ເຫັນຂີດອັນຕະລາຍແລ້ວ.

ຊ່ຽວຊານທາງດ້ານການປ່ຽນແປງດິນຟ້າອາກາດເວົ້າວ່າຄວາມຮ້າຍ ແຮງຂອງອາກາດອັນ ໜຶ່ງນັ້ນສະແດງອອກຢູ່ບ່ອນວ່າຍາມແລ້ງຈະແກ່ຍາວຂຶ້ນແລະຍາມຝົນຕົກຈະສັ້ນເຂົ້າແຕ່ຕົກປະລິ ມານຫຼາຍແລ້ວເຮັດໃຫ້ນໍ້າຖ້ວມກະທັນຫັນ ຈົນພວກເຮົາຮັບມືບໍ່ທັນເຊິ່ງເກີດຂຶ້ນແລ້ວຫຼາຍເທື່ອໃນ ຊຸມປີຜ່ານມາ.

ເມື່ອສອງອາທິດກ່ອນຜູ້ຂຽນໄດ້ເດີນທາງໄປເຮັດວຽກຢູ່ແຂວງສະຫວັນ ນະເຂດພາກໃຕ້ຂອງ ລາວນັ້ນໄດ້ຍິນພະນັກງານອາວຸໂສຂອງຂະແໜງຊັບ ພະ ຍາກອນແລະສິ່ງແວດລ້ອມຂອງແຂວງ ເວົ້າວ່າຜ່ານມາພວກເຮົາ ສຸມໃສ່ແຕ່ ເລື່ອງໄພນໍ້າຖ້ວມແຕ່ໄພແຫ້ງແລ້ງກຳລັງເປັນຫາຍະນະ ທີ່ຈະນຳເອົາຄວາມມືດມົນມາສູ່ພວກເຮົາ ໂດຍສະເພາະຢູ່ແຂວງສະຫວັນ ນະເຂດທີ່ເນື້ອທີ່ດິນສ່ວນໃຫຍ່ ເປັນດິນໂຄກຢູ່ແລ້ວຕົກຍາມແລ້ງມາປີໃດ ປະຊາຊົນອຶດນຳໃຊ້ ນໍາກິນໂລດ.

ເພາະສະນັ້ນພວກເຮົາກໍພໍນຶກພາບວ່າຖ້າໄພປຫ້ງແລ້ງຫາກຮ້າຍແຮງຂຶ້ນຕື່ມກໍຈະເຮັດໃຫ້ ຄວາມທຸກຍາກລຳບາກຂອງປະຊາຊົນຫຍຸ້ງຍາກຂຶ້ນ, ເຂົ້າກໍອຶດ, ນໍ້າກໍບໍ່ມີໃຊ້ ບໍ່ມີກິນອັນນີ້ ຍິ່ງອາດຮ້າຍແຮງກວ່າພະຍາດ ລະບາດກໍເປັນໄດ້.

ເຕືອນໄພແຫ້ງແລ້ງຍາມຝົນ - Wave100S AD to Website 2020 0 - ເຕືອນໄພແຫ້ງແລ້ງຍາມຝົນ

ອີງຕາມຂໍ້ມູນຂອງກຳມາທິການແມ່ນໍ້າຂອງນັ້ນສະແດງໃຫ້ເຫັນວ່າມີເຂື່ອນໄຟຟ້າ 400​ ແຫ່ງທີ່ຈະສ້າງຕາມລຳແມ່ນໍ້າຂອງແລະສາຂາຂອງ ມັນແລະແນ່ນອນຢູ່ ສປລາວເຮົາທີ່ແມ່ນໍ້າຫຼາຍສາຍທີ່ເປັນສາຂາຂອງແມ່ນໍ້າ ຂອງນັ້ນແມ່ນໄດ້ສ້າງແລະມີແຜນຈະສ້າງເຂື່ອນໄຟຟ້າຫຼາຍແຫ່ງທົ່ວປະເທດອີງໃສ່ທິດທາງການພັດທະນາເສດຖະກິດ-ສັງຄົມຂອງປະເທດ.

ຫຼາຍເອກະສານທີ່ໄດ້ຮັບການຄົ້ນຄວ້າທາງດ້ານສິທະຍາສາດກໍຢັ້ງຢືນ ວ່າການສ້າງເຂື່ອນ ບວກໃສ່ກັບປ່ຽນແປງດິນຟ້າອາກາດນັ້ນຍິ່ງມີຜົນ ຕໍ່ປະລິມານການໄຫຼຂອງນໍ້າໃນສາຂາຕ່າງໆ ອັນນີ້ກໍມີຜົນສະທ້ອນຕໍ່ການ ຄໍ້າປະກັນສະບຽງອາຫານແລະໂພຊະນການໂດຍກົງເພາະພວກເຮົາຮູ້ວ່ານໍ້າແມ່ນອົງປະກອບທີ່ຂາດບໍ່ໄດ້ ໃນການຜະລິດສະບຽງອາຫານ.

ບໍ່ວ່າພວກເຮົາຈະມີລະບົບເຕືອນໄພຫຼືມີລະບົບໃນການເກັບຂໍ້ມູນທາງດ້ານອາກາດດີປານໃດກໍຕາມແຕ່ກໍບໍ່ສາມາດທີ່ຈະຈັດການກັບໄພແຫ້ງແລ້ງຫຼືນໍ້າຖ້ວມໄດ້ດີເທົ່າກັບການສ້າງຄວາມອຸດົມ ສົມບູນທາງດ້ານລະບົບນິເວດ ແລະທຳມະຊາດ.

ການປ່ຽນແປງຕ່າງໆ ທາງດ້ານທຳມະຊາດທີ່ວ່ານັ້ນກໍແມ່ນຍ້ອນຄວາມ ພະຍາຍາມຂອງ ມວນມະນຸດໃນການປ່ຽນແປງແລະຄອບຄອງທຳມະຊາດ ນັ້ນເອງ, ສະນັ້ນຖ້າພວກ ເຮົາບໍ່ປາຖະໜາທີ່ຈະພົບພໍ້ ກັບຄວາມຮ້າຍແຮງ ຂອງອາກາດບໍ່ວ່າຈະເປັນໄພແຫ້ງ ແລ້ງຫຼືນໍ້າຖ້ວມກວ່ານີ້ນັ້ນການປົກປັກ ຮັກຄວາມອຸດົມສົມບູນທາງທຳມະຊາດອາດຊ່ວຍຫຼຸດຜ່ອນຄວາມຮ້າຍແຮງນີ້ໄດ້.

ເຕືອນໄພແຫ້ງແລ້ງຍາມຝົນ - WhatsApp Image 2020 05 27 at 5 - ເຕືອນໄພແຫ້ງແລ້ງຍາມຝົນ
ເຕືອນໄພແຫ້ງແລ້ງຍາມຝົນ - WhatsApp Image 2020 05 27 at 5 - ເຕືອນໄພແຫ້ງແລ້ງຍາມຝົນ
ເຕືອນໄພແຫ້ງແລ້ງຍາມຝົນ - WhatsApp Image 2020 05 27 at 5 - ເຕືອນໄພແຫ້ງແລ້ງຍາມຝົນ
ເຕືອນໄພແຫ້ງແລ້ງຍາມຝົນ - WhatsApp Image 2020 05 27 at 5 - ເຕືອນໄພແຫ້ງແລ້ງຍາມຝົນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!