ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ

ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ - Time fo an Adventure 2020 08 14T123556 - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ
ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ - AGL banner - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ

ການຈາກໄປຂອງ ສະຫາຍ ເລຂາ ຟຽວ ເປັນການສູນເສຍຜູ້ນໍາປະຕິວັດ ທີ່ອົງອາດກ້າແກ່ນຂອງພັກ, ລັດຖະບານ ແລະ ປະຊາຊົນຫວຽດນາມ ອ້າຍນ້ອງ. ຕະຫລອດຊີວິດແຫ່ງການ ເຄື່ອນໄຫວປະຕິວັດຂອງຕົນ, ສະຫາຍ ໄດ້ອຸທິດຊີວິດ, ເຫື່ອແຮງ ແລະ ສະຕິປັນຍາເຂົ້າ ໃນພາລະກິດປົດປ່ອຍຊາດ, ທ້ອນໂຮມປະເທດຊາດ ເປັນເອກະພາບ ແລະ ໃນພາລະກິດການປ່ຽນແປງໃໝ່ ຂອງພັກກອມມູນິດ ຫວຽດນາມ ເຊິ່ງເຮັດໃຫ້ປະເທດຊາດຫວຽດນາມ ມີການພັດທະນາຢ່າງບໍ່ຢຸດຢັ້ງ.

ຫວ່າງ​ແລ້ວນີ້, ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ, ສະພາແຫ່ງຊາດ ແຫ່ງ ສປປ ລາວ, ປະທານປະເທດ ແຫ່ງ ສປປ ລາວ, ລັດຖະບານ ແຫ່ງ ສປປ ລາວ, ຄະນະກໍາມະການສູນກາງ ແນວລາວສ້າງຊາດ ໄດ້ສົ່ງໂທລະເລກເສົ້າສະຫລົດໃຈ ເຖິງ ຄະນະບໍລິຫານງານສູນກາງພັກກອມມູນິດ ຫວຽດນາມ, ສະພາແຫ່ງຊາດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ລັດຖະບານ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ແລະ ຄະນະກໍາມະການສູນກາງ ແນວໂຮມປະເທດຊາດ ຫວຽດນາມ ຕໍ່ການເຖິງແກ່ຂອງ ສະຫາຍ ເລ ຂາ ຟຽວ ອະດີດເລຂາທິການໃຫຍ່ ຄະນະບໍລິຫານງານ ສູນກາງພັກກອມມູນິດ ຫວຽດນາມ ເຊິ່ງລວມອາຍຸໄດ້ 89 ປີ (27/12/1937-7/8/2020) ເນື້ອໃນຂອງໂທລະເລກມີດັ່ງນີ້:

ຄະນະບໍລິຫານງານ ສູນກາງພັກປະຊາຊົນ ປະຕິວັດລາວ, ສະພາແຫ່ງຊາດ ແຫ່ງ ສປປ ລາວ, ປະທານປະເທດ ແຫ່ງ ສປປ ລາວ, ລັດຖະບານ ແຫ່ງ ສປປ ລາວ, ຄະນະກໍາມະການສູນກາງແນວລາວສ້າງຊາດ ຂໍສະແດງຄວາມເສົ້າສະຫລົດໃຈ ແລະ ອາໄລອາວອນຢ່າງສຸດຊຶ້ງ ເມື່ອໄດ້ຮັບຂ່າວວ່າ ສະຫາຍ ເລ ຂາ ຟຽວ ອະດີດເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດ ຫວຽດນາມ ໄດ້ເຖິງແກ່ມໍລະນະກໍາໃນວັນທີ 7 ສິງຫາ 2020.

ການຈາກໄປຂອງ ສະຫາຍ ເລ ຂາ ຟຽວ ເປັນການສູນເສຍຜູ້ນໍາປະຕິວັດ ທີ່ອົງອາດກ້າແກ່ນຂອງພັກ, ລັດຖະບານ ແລະ ປະຊາຊົນຫວຽດນາມ ອ້າຍນ້ອງ. ຕະຫລອດຊີວິດແຫ່ງການ ເຄື່ອນໄຫວປະຕິວັດຂອງຕົນ, ສະຫາຍ ໄດ້ອຸທິດຊີວິດ, ເຫື່ອແຮງ ແລະ ສະຕິປັນຍາເຂົ້າ ໃນພາລະກິດປົດປ່ອຍຊາດ, ທ້ອນໂຮມປະເທດຊາດ ເປັນເອກະພາບ ແລະ ໃນພາລະກິດການປ່ຽນແປງໃໝ່ ຂອງພັກກອມມູນິດ ຫວຽດນາມ ເຊິ່ງເຮັດໃຫ້ປະເທດຊາດຫວຽດນາມ ມີການພັດທະນາຢ່າງບໍ່ຢຸດຢັ້ງ.

ສໍາລັບ ພັກ, ລັດ ແລະ ປະຊາຊົນລາວ ແລ້ວ, ການຈາກໄປຂອງສະຫາຍ ເລ ຂາ ຟຽວ ເປັນການສູນເສຍສະຫາຍຮ່ວມຂຸມຄອງດຽວກັນ, ເພື່ອນມິດຜູ້ໃກ້ຊິດສະໜິດສະໜົມທີ່ສຸດຂອງພັກ, ລັດ ແລະ ປະຊາຊົນລາວບັນດາເຜົ່າ ຂອງພວກຂ້າພະເຈົ້າ. ສະຫາຍ ໄດ້ມີການປະກອບສ່ວນອັນໃຫຍ່ຫລວງເຂົ້າໃນພາລະກິດ ປະຕິວັດປົດປ່ອຍຊາດຂອງປະຊາຊົນລາວ, ຄຽງບ່າຄຽງໄຫລ່ກັບ ກອງທັບປະຊາຊົນລາວ ໃນບັ້ນຮົບສໍາຄັນຕ່າງໆ ເພື່ອພ້ອມກັນຍາດເອົາ ໄຊຊະນະສຸດທ້າຍໃນປີ 1975; ສະຫາຍ ຍັງໄດ້ເປັນຜູ້ປະກອບສ່ວນອັນໃຫຍ່ຫລວງ ເຂົ້າໃນການເພີ່ມພູນຄູນສ້າງ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ມາໂດຍຕະຫລອດ.

ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ - Wave100S AD to Website 2020 0 - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ

ໃນເວລາອັນເສົ້າໂສກເສຍດາຍນີ້, ພວກຂ້າພະເຈົ້າຂໍຝາກຄວາມ ເສົ້າສະຫລົດໃຈອັນສຸດຊຶ້ງ ແລະ ແບ່ງປັນຄວາມທຸກໂສກມາຍັງ ຄະນະບໍລິຫານງານ ສູນກາງພັກກອມມູນິດ ຫວຽດນາມ, ສະພາແຫ່ງຊາດ ແຫ່ງ ສສ ຫວຽດນາມ, ປະທານປະເທດ ແຫ່ງ ສສ ຫວຽດນາມ, ລັດຖະບານ ແຫ່ງ ສສ ຫວຽດນາມ, ຄະນະກໍາມະການສູນກາງແນວໂຮມປະເທດຊາດ ຫວຽດນາມ, ປະຊາຊົນຫວຽດນາມ ແລະ ຄອບຄົວ ສະຫາຍ ເລ ຂາ ຟຽວ ມານະໂອກາດນີ້ດ້ວຍ.

ພວກຂ້າພະເຈົ້າເຊື່ອໝັ້ນວ່າ ບັນດາສະຫາຍ ຈະຫັນເອົາຄວາມທຸກໂສກນີ້ ໃຫ້ກາຍເປັນເຫງົ້າພະລັງແຫ່ງຄວາມສາມັກຄີ ຂອງປະຊາຊົນທັງຊາດ ເພື່ອສືບຕໍ່ກ້າວຂຶ້ນຢ່າງໜັກແໜ້ນ.

ໃນໂອກາດດຽວກັນນັ້ນ, ຄະນະພົວພັນຕ່າງປະເທດສູນກາງພັກປະຊາຊົນ ປະຕິວັດລາວ ກໍໄດ້ສົ່ງໂທລະເລກເສົ້າສະຫລົດໃຈ ເຖິງ ຄະນະພົວພັນຕ່າງປະເທດ ສູນກາງພັກກອມມູນິດ ຫວຽດນາມ ເຊັ່ນດຽວກັນ.

ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ - lattana banner 1 - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ
ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ -    AD conten website - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ
ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ - lattana banner - ທລະເລກເສົ້າສະຫລົດໃຈການຈາກໄປຂອງ ສະຫາຍ ເລຂາ ຟຽວ
error: Alert: ເນື້ອຫາຂ່າວມີລິຂະສິດ !!