ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

- advert banner 728 90 728x90 - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

- ICBM engine test April 2016 Rodong Sinmun 675x368 640x349 - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

- new3 - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

ການ​ທົດ​ລອງ​ລະບົບ​ປ້ອງ​ກັນ​ລູກ​ສອນ​ໄຟ​ວິທີ​ໂຄ້ງ​ໄລຍະ​ກາງຂອງ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ​ທີ່​ມີ​ຂຶ້ນນອກ​ຝັ່ງ​ຂອງ​ເກາະ​ຮາ​ວາຍ ບໍ່​ປະສົບ​ຜົນສຳ​ເລັດ, ຂະນະ​ທີ່​ມີ​ລາຍ​ງານ​ວ່າ: ສປປ ​ເກົາຫລີ ທົດ​ລອງ​ເຄື່ອງ​ຈັກ​ຈະ​ຫລວດມໍລະນະ​ສູງ​ເທື່ອ​ໃໝ່.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ເຊ​ອຸນ ປະ​ເທດ ສ.​ເກົາຫລີ ​ໃນ​ວັນ​ທີ 23 ມິຖຸນາ ​ໂດຍ​ອ້າງ​ຂໍ້​ມູນ​ຈາກ​ແຫ​ລ່ງຂ່າວ​ລະດັບ​ສູງ​ຂອງ​ລັດຖະບານ​ວໍ​ຊິງ​ຕັນ​ວ່າ: ສປປ ​ເກົາຫລີ ​ໄດ້​ມີ​ການ​ທົດ​ລອງ​ເຄື່ອງ​ຈັກ​ຈະ​ຫລວດ​ມໍລະນະ​ສູງ​ເທື່ອ​ໃໝ່ “ພາຍ​ໃນ​ໄລຍ​ະ​ເວລາ 24 ຊົ່ວ​ໂມງ​ຜ່ານ​ມາ”, ​ເຖິງ​ວ່າ​ບໍ່​ມີ​ການ​ເປີດ​ເຜີຍ​ຂໍ້​ມູນ​ເພີ​່ມຕື່ມ ​ແຕ່​ຝ່າຍ​ອາ​ເມ​ລິ​ກາ​ເຊື່ອ​ວ່າການ​ທົດ​ລອງ​ທີ່​ເກີດ​ຂຶ້ນຄື​ຄວາມ​ພະຍາຍາມ​ເທື່ອ​ຫລ້າ​ສຸດ​ຂອງ​ລັດຖະບານ​ພຽງ​ຢາງ​ໃນ​ການ​ພັດທະນາ​ໂຄງການ​ຜະລິດ​ລູກ​ສອນ​ໄຟ​ຂ້າມ​ທະ​ວີ​ບ (ICBM) ​ໃຫ້​ສາມາດ​ໂຈມ​ຕີ​ໄດ້​ໄກ​ເຖິງ​ອາ​ເມ​ລິ​ກາ.

- 170319120939 04 north koreas rocket engine test grab 0319 super tease - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

- lattana 1 - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

ທັງ​ນີ້, ປະທານາທິບໍດີ ​ໂດ​ນັນ ທຣຳ ປະກາດ​ວ່າ: ການ​ຢຸດ​ຕ​ິ​ໂຄງການ​ນິວ​ເຄຼຍຂອງ ສປປ ​ເກົາຫລີ ຄື​ໜຶ່ງ​ໃນ​ວາລະ​ສຳຄັນ​ທີ່​ສຸດ​ໃນ​ດ້ານ​ນະ​ໂຍບາຍ​ຕ່າງປະ​ເທດ​ຂອງ​ລັດຖະບານ​ອາ​ເມ​ລິ​ກາ​ຊຸດ​ປັດຈຸບັນ, ສ່ວນ​ທ່ານ ​ເຣັກ ທິວ​ເລີ​ສັນ ລັດຖະມົນຕີ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ ກ່າວ​ລະຫວ່າງ​ການ​ພົບ​ປະ​ຫາລື​ກັບ​ເຈົ້າໜ້າ​ທີ່​ລະດັບ​ສູງ​ຂອງ​ລັດຖະບານ​ປັກ​ກິ່ງ ຢູ່​ນະຄອນຫລວງ​ວໍ​ຊິງ​ຕັນ ​ໃນ​ວັນ​ທີ 21 ມິຖຸນາ​ວ່າ: ຈີນ “ມີ​ພາລະກິດ​ທາງ​ການ​ທູດ” ​ໃນ​ການ​ເພີ່ມ​ແຮງ​ກກົດ​ດັນ ທັງ​ທາ​ງການ​ເມືອງ ​ແລະ ​ເສດຖະກິດ​ຕໍ່ ສປປ ​ເກົາຫລີ ​ເພື່ອ​ປ້ອງ​ກັນ​ບໍ່​ໃຫ້​ເກີດ​ເຫດການ​ຮຸນ​ແຮງ​ຢູ່​​ແຫລມ​ເກົາຫລີ.

- pukguksong launch ballistic scene range missile intermediate 84303bc4 57c9 11e7 9dcc cc63e7fed987 - ອາເມລິກາຫລົ້ມເຫລວທົດລອງ ລະບົບສະກັດກັ້ນລູກສອນໄຟຢູ່ຮາວາຍ

ຂະນະ​ດຽວ​ກັນ, ສຳນັກງານ​ປ້ອງ​ກັນ​ລູກ​ສອນ​ໄຟ (MDA) ຂອງ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາ ລາຍ​ງານ​ໃນ​ວັນ​ທີ 22 ມິຖຸນາວ່າ: ​ກຳ​ປັ່ນ​ອາລີ-​ເບິ​ກ ຢູ​ເອສ​ເອສ ຈອນ ພອລ ​ໂຈນ ປະສົບ​ຄວາມ​ຫລົ້ມ​ເຫ​ລວ​ໃນ​ການ​ທົດ​ລອງ​ປະສິດທິພາບ​ຂອງ​ລະບົບ​ປ້ອງ​ກັນ​ລູກ​ສອນ​ໄຟ ​ໂດຍ​ລູກ​ສອນ​ໄຟ Standard Missiles-3 (SM-3) ທີ່​ເດີນທາງ​ອອກ​ຈາກ​ກຳ​ປັ່ນ ພາ​ດ​ເປົ້າໝາຍ​ຄື​ການ​ທຳລາຍ​ລູກ​ສອນ​ໄຟ​ວິທີ​ໂຄ້ງ​ໄລຍະ​ກາງ (MRBM) ທີ່​ມີ​ການ​ຍິງ​ອອກ​ຈາກ​ຖານ​ຢູ່​ເກາະ​ກາ​ວາຍ​ອິ ​ເຊິ່ງ​ເປັນ​ເກາະ​ຂະໜາດ​ໃຫຍ່​ທີ່​ສຸດ​ຂອງ​ເກາະ​ຮາ​ວາຍ​ໄດ້. ​ເຖິງ​ຢ່າງ​ໃດ​ກໍ​ຕາມ ກະຊວງ​ປ້ອງ​ກັນ​ປະ​ເທດ​ຢືນຢັນ​ວ່າ: ການ​ທົດ​ລອງ​ໃນ​ເດືອນ​ກຸມພາ​ຜ່ານ​ມາ​ປະສົບ​ຜົນສຳ​ເລັດ.

error: Content is protected !!