ປກສ ໄຊທານີຈັບຜູ້ສໍ້ໂກງຊັບພົນລະເມືອງມາດໍາເນີນຄະດີ

- advert banner 728 90 728x90 - ປກສ ໄຊທານີຈັບຜູ້ສໍ້ໂກງຊັບພົນລະເມືອງມາດໍາເນີນຄະດີ

ທ້າວ ສຸກກະເສີມ ອາຍຸ 44 ປີຢູ່ບ້ານດອນໜູນ, ເມືອງໄຊທານີ, ນະຄອນຫລວງວຽງຈັນ, ຖືກເຈົ້າໜ້າທີ່ ປກສ ເມືອງໄຊທານີຈັບຕົວມາດໍາເນີນຄະດີຕາມລະບຽບກົດໝາຍເມື່ອບໍ່ດົນມານີ້ໃນຂໍ້ຫາສໍ້ໂກງຊັບພົນລະເມືອງ, ພາຍຫລັງຮ່ວມກັບໝູ່ເຄື່ອນໄຫວສໍ້ໂກງເອົາເງິນປະຊາຊົນດ້ວຍການນຳໃຊ້ເອກະສານປອມແປງ ອ້າງວ່າສາມາດແລ່ນເອົາຄົນເຂົ້າເປັນຕຳຫລວດ, ເຊິ່ງມີຜູ້ຕົກເປັນເຫຍື່ອຫລາຍລາຍ ແລະ ມີມູນຄ່າເສຍຫາຍຫລາຍຮ້ອຍລ້ານກີບ.

- new3 - ປກສ ໄຊທານີຈັບຜູ້ສໍ້ໂກງຊັບພົນລະເມືອງມາດໍາເນີນຄະດີ

ຄະດີມີຢູ່ວ່າ: ໃນປີ 2016 ທ້າວ ສຸກກະເສີມ ໄດ້ເຄື່ອນໄຫວຕົວະຍົວະໂດຍການໂຄສະນາວ່າສາມາດແລ່ນເອົາຄົນເຂົ້າເປັນຕໍາຫລວດໄດ້ ແລະ ມີຫລາຍຄົນຫລົງເຊື່ອຈຶ່ງປະກອບເອກະສານຕາມທີ່ຜູ້ກ່ຽວບອກ ແລະ ໄດ້ຈ່າຍເງິນຕາມຜູ້ກ່ຽວຮຽກຮ້ອງລວມມີມູນຄ່າຫລາຍກວ່າ 290 ລ້ານກີບ ແລະ ພາຍຫລັງຮູ້ວ່າລູກຫລານຂອງຕົນບໍ່ໄດ້ເຂົ້າເປັນຕຳຫລວດ, ຈຶ່ງໄດ້ຮ້ອງຟ້ອງຕໍ່ເຈົ້າໜ້າທີ່ເພື່ອ ດຳເນີນຄະດີຕາມລະບຽບກົດໝາຍ.

- lattana 1 - ປກສ ໄຊທານີຈັບຜູ້ສໍ້ໂກງຊັບພົນລະເມືອງມາດໍາເນີນຄະດີ

ຜ່ານການສືບສວນ-ສອບສວນ ຜູ້ກ່ຽວຮັບສາລະພາບວ່າ: ໃນປີ 2012 ໄດ້ຮູ້ຈັກກັບທ້າວ ຄຳປານ ອາຍຸ 34 ປີຢູ່ບ້ານໜອງພະຍາ, ເມືອງໄຊທານີ, ນະຄອນຫລວງວຽງຈັນ ແລະ ໄດ້ບອກຕົນຊອກຄົນເຂົ້າຕຳຫລວດໃຫ້ແດ່ເພາະສາມາດແລ່ນເຂົ້າເປັນຕຳຫລວດ ຫລື ໂຮງຮຽນຕຳຫລວດໄດ້. ຈາກນັ້ນຕົນໄດ້ໂທຫາໝູ່ຢູ່ແຂວງສະຫວັນນະເຂດເພື່ອໃຫ້ຊອກຄົນຢາກເຂົ້າເປັນຕຳຫລວດ, ຊຶ່ງມີທັງໝົດ 8 ຄົນ, ໂດຍໄດ້ເສຍເງິນແຕ່ 20-250 ພັນບາດ (ສະກຸນເງິນໄທ) ໂດຍເງິນທີ່ໄດ້ມາແມ່ນແບ່ງປັນກັນກັບທ້າວ ຄໍາປານ. ຕົກມາຮອດເດືອນມັງກອນ 2017 ຈຶ່ງຮູ້ວ່າທ້າວຄໍາປານ ຖືກເຈົ້າໜ້າທີ່ຈັບໄປດຳເນີນຄະດີຢູ່ຄ້າຍຄຸມຂັງໜອງເຂັງ ແລະ ມາຮອດຕົ້ນເດືອນເມສາ 2017 ຕົນກໍຖືກເຈົ້າໜ້າທີ່ຈັບຕົວມາດໍາເນີນຄະດີເຊັ່ນກັນ.

error: Content is protected !!