ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື

ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື - 555 29 - ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື
ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື - Untitled design - ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື

ຂ່າວຈາກໜັງສືພິມ thoidai ຂອງຫວຽດນາມ, ວັນທີ 6 ກັນຍາລາຍງານວ່າ: ທ່ານພົນຕີ ຫວູຈ້ຽນຖັງ ຫົວໜ້າກົມການຕ່າງປະເທດ, ກະຊວງປ້ອງກັນປະເທດ ຫວຽດນາມ ເປັນປະທານການໂອ້ລົມທາງໂທລະສັບກັບ ຜູ້ຕາງໜ້າຈາກ ກະຊວງປ້ອງກັນປະເທດລາວ ແລະ ກະຊວງປ້ອງກັນປະເທດກໍາປູເຈຍ.
ການໂອ້ລົມທາງໂທລະສັບກັບທ່ານພົນຈັດຕະວາ ແກ່ນຈັນ ນັນທະລັງສີ ຫົວໜ້າກົມການຕ່າງປະເທດ, ກະຊວງປ້ອງກັນປະເທດລາວ, ສອງຝ່າຍໄດ້ຕີລາຄາສູງບັນດາໝາກຜົນການຮ່ວມມືທີ່ບັນລຸໄດ້ໃນສະພາບຜົນກະທົບຈາກພະຍາດໂຄວິດ-19 ກໍາລັງຜັນແປຢ່າງສັບສົນ. ສອງຝ່າຍໄດ້ມີການປັບປຸງການຮ່ວມມືທີ່ສອດຄ່ອງກ່ວາ, ສືບຕໍ່ໃຫ້ການຊ່ວຍຊຶ່ງກັນ ແລະ ກັນໃນການເຄື່ອນໄຫວຮ່ວມມືຂອງສອງຝ່າຍ. ທ່ານພົນຈັດຕະວາ ແກ່ນຈັນ ນັນທະລັງສີ ໄດ້ສະແດງຄວາມຂອບອົກຂອບໃຈຢ່າງຈິງໃຈ ແລະ ຫວັງວ່າຫວຽດນາມຍັງຈະສືບຕໍ່ໃຫ້ການຊ່ວຍເຫຼືອລາວໃນການສະກັດກັ້ນ ແລະຄວບຄຸມພະຍາດໂຄວິດ-19, ໃຫ້ຄໍາໝັ້ນສັນຍາວ່າຈະສືບຕໍ່ສະໜັບສະໜູນຕໍ່ທຸກການເຄື່ອນໄຫວຂອງຫວຽດນາມ ໃນປີຫວຽດນາມເປັນປະທານອາຊຽນ 2020.
ການໂອ້ລົມທາງໂທລະສັບກັບ ທ່ານພົນເອກ Phat Vibolsopheak ຮອງຫົວໜ້າກົມໃຫຍ່ນະໂຍບາຍ ແລະການຕ່າງປະເທດທັງເປັນຫົວໜ້າກົມ ຮ່ວມມືສາກົນ, ກະຊວງປ້ອງກັນປະເທດກໍາປູເຈຍນັ້ນ, ທ່ານພົນຕີ ຫວູຈ້ຽນຖັວ ໄດ້ສະແດງຄວາມຂອບອົກຂອບໃຈເຖິງກະຊວງປ້ອງກັນປະເທດກໍາປູເຈຍ ຍາມໃດກໍ່ສະໜັບສະໜູນ ແລະເຂົ້າຮ່ວມບັນດາຂໍ້ລິເລີ່ມກໍ່ຄືກອງປະຊຸມທາງໄກໂດຍຫວຽດນາມ ເປັນປະທານໃນປີຫວຽດນາມ ເປັນປະທານອາຊຽນ 2020 ຢ່າງຄົບຖ້ວນ. ສ່ວນທ່ານພົນເອກ Phat Vibolsopheak ກໍ່ໄດ້ຕີລາຄາສູງຈິດໃຈເປັນເຈົ້າການ ໃນການປ້ອງກັນ ແລະ ສະກັດກັ້ນພະຍາດໂຄວິດ-19 ຂອງຫວຽດນາມ; ພ້ອມທັງສະແດງຄວາມຂອບອົກຂອບໃຈກະຊວງປ້ອງກັນປະເທດຫວຽດນາມ ທີ່ໄດ້ມອບວັດຖຸອຸປະກອນການແພດໃຫ້ແກ່ກໍາປູເຈຍ.
ຂ່າວ: ລູກເມືອງພວນ(ແຫຼ່ງຂ່າວ baothoidai)

ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື - Wave100S AD to Website 2020 0 - ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື
ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື - WhatsApp Image 2020 05 27 at 5 - ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື
ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື - WhatsApp Image 2020 05 27 at 5 - ກອງທັບ ຫວຽດນາມ, ລາວ ແລະ ກຳປູເຈຍຊຸກຍູ້ການຮ່ວມມື
error: Alert: ເນື້ອຫາຂ່າວມີລິຂະສິດ !!