ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ

ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ -                                                                                         - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ
ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - Untitled design - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ

​ພິທີມອບ-ຮັບ ແລະ ເປີດນຳໃຊ້ໂຄງການພັດທະນາພື້ນຖານໂຄງລ່າງ ລວມທັງສິ່ງອຳນວຍຄວາມສະດວກເພື່ອສົ່ງເສີມການທ່ອງທ່ຽວຢູ່ສອງເມືອງຂອງແຂວງຫລວງພະບາງຄື: ເມືອງ​ຈອມ​ເພັດ ແລະ ​ເມືອງ​ປາກ​ອູ ​ໄດ້​ຈັດ​ຂຶ້ນ​ໃນ​ວັນ​ທີ 8 ກັນຍາ​ຜ່ານ​ມາ​ນີ້ ໂດຍມອບໃຫ້ອົງການປົກຄອງແຂວງເປັນຜູ້ຮັບຜິດຊອບຄຸ້ມຄອງ ແລະ ນຳໃຊ້ໃຫ້ເກີດຜົນປະໂຫຍດສູງສຸດ ແລະ ມີຄວາມຍືນຍົງ.

ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - 004 300x200 - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ

ທ່ານ ສູນ ມະນີວົງສ໌ ຫົວໜ້າໂຄງການພັດທະນາໂຄງລ່າງພື້ນຖານດັ່ງ​ກ່າວ ​ໃຫ້​ຮູ້​ວ່າ: ການປະຕິບັດ​ໄລຍະ​ທຳ​ອິດ​ຂອງໂຄງການນີ້ແມ່ນໄດ້ຮັບທຶນກູ້ຢືມຈາກທະນາຄານພັດທະນາອາຊີ ລວມມູນຄ່າທັງ​ໝົດ 43 ລ້ານໂດລາສະຫະລັດ, ໃນນັ້ນ ມີທຶນສົມທົບຂອງລັດຖະບານ 3 ລ້ານໂດລາສະຫະລັດ ​ເຊິ່ງ​ໄດ້ເລີ່ມຈັດ​ຕັ້ງ​ປະຕິບັດມາແຕ່ປີ 2015 ຢູ່ແຂວງອຸດົມໄຊ ​ໄດ້ກໍ່ສ້າງເສັ້ນທາງໄປຫາຖ້ຳຈອມອອງ​ ຄວາມຍາວ 54 ກມ ລວມທັງສິ່ງອຳນວຍຄວາມສະດວກບໍລິເວນໜ້າຖ້ຳ ແລະ ພາຍໃນຖ້ຳ, ວຽກ​ງານພັດທະນາບຸກຄະລາກອນໃນຂະແໜງການທ່ອງທ່ຽວທັງພາກລັດ ແລະ ພາກທຸລະກິດ; ສ່ວນແຂວງຄຳມ່ວນ ກໍ​ໄດ້ສ້າງເສັ້ນທາງໄປຖ້ຳຊ້າງ ຄວາມຍາວ 4,5 ກມ, ກໍ່ສ້າງສິ່ງອຳນວຍຄວາມສະດວກບໍລິເວນໜ້າຖ້ຳ, ກໍ່ສ້າງເສັ້ນທາງ ແລະ ສິ່ງອຳນວຍຄວາມສະດວກບໍລິເວນເດີ່ນພະທາດສີໂຄດຕະບອງ ແລະ ພັດທະນາບຸກຄະລາກອນໃນຂະແໜງການທ່ອງທ່ຽວ ທັງພາກລັດ ແລະ ພາກທຸລະກິດ​ເຊັ່ນ​ດຽວ​ກັນ.

ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - 005 1 300x200 - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ

ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - Wave100S AD to Website 2020 0 - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ

ສະເພາະຢູ່ແຂວງຫລວງພະບາງ ໂຄງການພັດທະນາໂຄງລ່າງພື້ນຖານ ເພື່ອສົ່ງເສີມການທ່ອງທ່ຽວ​ໄດ້ເລີ່ມລົງມືມາ​ແຕ່​ເດືອນມັງກອນ 2018, ​ຈັດ​ຕັ້ງ​ປະຕິບັດຢູ່​ເມືອງ​ປາກ​ອູ ​ແລະ ​ເມືອງ​ຈອມ​ເພັດ, ​ໃນ​ນັ້ນ ເມືອງປາກອູ​ໄດ້​ສ້າງເສັ້ນທາງ ອາ1 ແຕ່ທາງ 13 ເໜືອຫາປາກອູ ມີຄວາມຍາວ 8,4 ກິໂລແມັດ, ສ້າງທາງພາຍໃນບ້ານຊ່າງໄຫ ​ແລະ ບ້ານປາກອູ ຍາວທັງໝົດ 1,2 ກິໂລແມັດ, ພ້ອມທັງ ສ້າງຂັ້ນໄດຂຶ້ນລົງທ່ານ້ຳ ຢູ່​ບ້ານ​ຊ່າງ​ໄຫ 2 ​ແຫ່ງ, ຢູ່​ບ້ານ​ປາກ​ອູ 1 ​ແຫ່ງ ​ແລະ ສ້າງຫ້ອງນ້ຳສາທາລະນະ, ບ່ອນຈອດລົດ ​ແລະ ສ້າງສູນຂໍ້ມູນຂ່າວສານ ບ້ານ​ລະ 1 ​ແຫ່ງ, ພ້ອມຕິດ​ຕັ້ງ​ໄຟ​ເຍືອງ​ທາງ. ພ້ອມ​ນັ້ນ, ຍັງ​ໄດ້ສ້ອມແປງຂັ້ນໄດຂຶ້ນລົງຖ້ຳຕິ່ງ, ສ້າງຫ້ອງນ້ຳສາທາລະນະ, ບ່ອນທຽບເຮືອ 30 ແມັດ ​ແລະ ປະກອບໄຟແສງສີພາຍໃນຖ້ຳ. ສ່ວນ​ຢູ່ເມືອງຈອມເພັດ ​ໄດ້ຈັດ​ຕັ້ງ​ປະຕິບັ​ດຢູ່ 2 ບ້ານຄື: ບ້ານຈ່ານເໜືອ ​​ໂດຍໄດ້​ສ້າງ​ເສັ້ນທາງພາຍໃນບ້ານ ຍາວ 240 ແມັດ, ສ້າງສູນສາທິດ 1 ຫລັງ, ສູນຂໍ້ມູນຂ່າວສານທ່ອງທ່ຽວ 2 ແຫ່ງ, ສູນສະແດງສິນຄ້າ 1 ຫລັງ, ຫ້ອງນ້ຳສາທາລະນະ 1 ແຫ່ງ, ບ່ອນຈອດລົດ 1 ແຫ່ງ, ຂັ້ນໄດຂຶ້ນລົງທ່ານ້ຳ 1 ແຫ່ງ. ສ່ວນບ້ານຊຽງແມນ ​ໄດ້​ສ້າງ​ເສັ້ນທາງ ອາ2 ຍາວ 400 ແມັດ, ທາງ ອາ3 ຍາວ 540 ແມັດ, ທາງ ອາ4 ຍາວ 210 ແມັດ, ທາງ ອາ5 ສ້າງທາງຍ່າງ 1.362 ແມັດ, ກວ້າງ 2 ແມັດ, ປູດ້ວຍເບຕົງຫີນຂັດໜ້າ ພ້ອມໄຟ​ເຍືອງ​ທາງ, ພ້ອມ​ທັງສ້າງຕະຫລາດ 1 ຫລັງ, ຫ້ອງນ້ຳສາທາລະນະ 1 ແຫ່ງ, ສູນຂໍ້ມູນຂ່າວສານທ່ອງທ່ຽວ 1 ຫລັງ ​ແລະ ຂັ້ນໄດຂຶ້ນລົງທ່ານ້ຳ 1 ແຫ່ງ.

ນອກ​ນັ້ນ, ຍັງ​ໄດ້​ສ້າງຕ້ານເຈື່ອນດ້ວຍກະຕ່າຫີນ, ດ້ວຍເບຕົງເສີມເຫລັກຢູ່​ເມືອງ​ປາກອູ ​ແລະ ສ້າງຂົວຮ່ອງເຟືອງ, ສ້າງຂົວອູ່ບ້ານຈ່ານເໜືອຫາບ້ານຈ່ານໃຕ້ ຍາວ 149 ແມັດ ​ແລະ ສ້າງທາງໄປຕາດກວາງຊີ, ສ້ອມແປງ ແລະ ປັບປຸງໜ້າຂົວເບເລ 5 ແຫ່ງ, ສ້ອມແປງໜ້າທາງ ແຕ່ບ້ານຄອຍຫາຕາດກວາງຊີ ລວມທັງຮ່ອງລະບາຍນ້ຳ ຍາວ 26 ກິໂລແມັດ ລວມມູນຄ່າການ​ກໍ່ສ້າງທັງໝົດ 6 ລ້ານກວ່າໂດລາສະຫະລັດ.

ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - WhatsApp Image 2020 05 27 at 5 - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ
ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ - WhatsApp Image 2020 05 27 at 5 - ລາວເລັ່ງພັດທະນາໂຄງລ່າງພື້ນຖານສົ່ງເສີມການທ່ອງທ່ຽວ
error: Alert: ເນື້ອຫາຂ່າວມີລິຂະສິດ !!