ໄທປິດດ່ານຊາຍແດນກັບ ມຽນມາຊົ່ວຄາວ ເພື່ອປ້ອງກັນໂຄວິດ-19

- 174233 - ໄທປິດດ່ານຊາຍແດນກັບ ມຽນມາຊົ່ວຄາວ ເພື່ອປ້ອງກັນໂຄວິດ-19

ແຫຼ່ງຂ່າວຈາກ ຊິນຫົວ ຂອງຈີນ, ວັນທີ 17 ກັນຍານີ້ ລາຍງານວ່າ: ຮອງນາຍົກລັດຖະມົນຕີໄທ, ທ່ານ Prawit Wongsuwan, ເມື່ອວັນທີ 16 ກັນຍານີ້ໃຫ້ຮູ້ວ່າ: ບັນດາດ່ານຊາຍແດນລະຫວ່າງໄທກັບມຽນມາຈະປິດປະຕູຊົ່ວຄາວ ເພື່ອສະກັດກັ້ນການແຜ່ລະບາດຂອງພະຍາດໂຄວິດ-19 ແລະ ສະກັດກັ້ນພວກຄ້າຂາຍຢາເສບຕິດ.

ທ່ານ Prawit ໃຫ້ຮູ້ວ່າ: ໃນສະຖານະການທີ່ຂົງເຂດພາກພື້ນກຳລັງປະເຊີນກັບຄວາມເສຍຫາຍທາງດ້ານເສດຖະກິດຢ່າງໜັກໜ່ວງ ອັນເນື່ອງມາຈາກການລະບາດຂອງພະຍາດໂຄວິດ-19 ສ້າງຂຶ້ນ. ພ້ອມດຽວກັນນັ້ນ ພວກຄ້າຂາຍຢາເສບຕິດກໍເຄື່ອນໄຫວຢ່າງແຂງແຮງຢູ່ໃນໄທ ເພື່ອຈະຂົນຍ້າຍໄປປະເທດທີສາມ.

ໂຄສົກກະຊວງປ້ອງກັນປະເທດໄທ ທ່ານ Kongcheep Tantrawanit ກ່າວວ່າ: “ເດືອນກ່ອນໜ້ານີ້, ເຈົ້າໜ້າທີ່ໄທ ຢຶດໄດ້ ຢາບ້າ 28 ລ້ານເມັດ ແລະ 428 ກິໂລກະລາມຢາບ້າແທ່ງ. ຢາບ້າຈຳນວນດັ່ງກ່າວ ຖືກຂົນຍ້າຍເຂົ້າມາຈາກບັນດາແຂວງທາງພາກເໜືອ ແລະ ພາກກາງຂອງໄທ”.

ໂຄສົກຄົນດັ່ງກ່າວຍັງໃຫ້ຮູ້ວ່າ: ນັບແຕ່ວັນທີ 1 ມັງກອນ ຫາວັນທີ 31 ສິງຫາ ເຈົ້າໜ້າທີ່ໄທ ສາມາດຈັບກຸມເປົ້າໝາຍຄ້າຂາຍຢາບ້າໄດ້ 179.050 ຄົນ ພ້ອມກັບຢາບ້າ 143 ລ້ານເມັດ ແລະ 5,4 ຢາບ້າແທ່ງ.

- Wave100S AD to Website 2020 0 - ໄທປິດດ່ານຊາຍແດນກັບ ມຽນມາຊົ່ວຄາວ ເພື່ອປ້ອງກັນໂຄວິດ-19

ຕໍ່ກັບບັນຫາພະຍາດລະບາດໂຄວິດ-19 ທ່ານຮອງນາຍົກລັດຖະມົນຕີຂອງໄທກ່າວວ່າ: ບັນດານັກທຸລະກິດຍັງສາມາດແລກປ່ຽນສິນຄ້າຢູ່ຕາມຊາຍແດນໄດ້.

ຂ່າວ: ລູກເມືອງພວນ.

- WhatsApp Image 2020 05 27 at 5 - ໄທປິດດ່ານຊາຍແດນກັບ ມຽນມາຊົ່ວຄາວ ເພື່ອປ້ອງກັນໂຄວິດ-19
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!