ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ

ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ -                                                                                                                               - ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ
ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ - Untitled design - ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ

ວັນ​ທີ 29 ກັນຍາ​ນີ້, BBC ລາຍ​ງານ​ວ່າ: ສານ​ເມືອງ​ຈຽວ​ຊົວ ມົນທົນ​ເຫີ​ໜານ ທາງ​ຕອນ​ກາງຂອງ ສປ ຈີນ ພິພາກສາ​ປະຫານ​ຊີວິດ ນາງ ຫວັງ ຫຍຸນ ອະດີດ​ຄູປະຈຳ​ໂຮງຮຽນ​ອະນຸບານ ​ໃນ​ເມືອງ​ຈຽວ​ຊົວ ຕາມ​ຄວາມ​ຜິດ​ຂໍ້​ຫາ ວາງຢາ ​ເດັກນ້ອຍ​ນັກຮຽນ 25 ຄົນ ​ແລະ ​ເປັນ​ເຫດ​ໃຫ້​ເດັກນ້ອຍ 1 ຄົນ​ເສຍ​ຊີວິດ ​ເມື່ອ​ເດືອນ​ມີນາ​ປີ​ກ່ອນ.

ລາຍ​ງານ​ລະບຸ​ວ່າ: ຄະດີ​ສະ​ເທືອ​ນຂວັນ​ດັ່ງກ່າວ​ເກີດ​ຂຶ້ນ​ເມື່ອ​ວັນ​ທີ 27 ມີນາ 2019 ​ເມື່ອ​ນັກຮຽນ​ທົ່ວ​ຫ້ອງ​ມີ​ອາການປຸ້ນທ້ອງ, ຮາກ ​ແລະ ​ເປັນ​ລົມ​ໝົດ​ສະຕິ​ ຫລັງ​ກິນ​ເຂົ້າ​ຕົ້ມຕອນ​ເຊົ້າ, ຄູ​ ​ແລະ ​ເຈົ້າໜ້າ​ທີ່​ໂຮງຮຽນ​ເລີຍ​ຟ້າວ​ພາ​ເດັກນ້ອຍ​ໄປ​ສົ່ງ​ໂຮງໝໍ ​ເຖິງ​ວ່າ​ນັກຮຽນ​ສ່ວນ​ຫລາຍ​ຈະ​ໂຊກ​ດີ ​ເພາະ​ປິ່ນປົວ​ໄດ້​ບໍ່​ດົນ​ກໍ​ໄດ້​ຮັບ​ອະນຸຍາດ​ໃຫ້​ກັບ​ເຮືອນ​ໄດ້​, ​ແຕ່​ມີ​ເດັກ​ເຄາະ​ຮ້າຍ​ເຖິງ​ຂັ້ນ​ເສຍ​ຊີວິດ 1 ຄົນ.

ສົ່ງ​ຜົນ​ໃຫ້​ຕຳຫລວດ​ເປີດ​ການ​ສອບ​ສວນ​ພົບ​ວ່າ: ​ເຂົ້າຕົ້ມທີ່​ເດັກນ້ອຍ​ຮັບ​ປະທານ​ໃນ​ມື້​ເກີດ​ເຫດ ປົນ​ເປື້ອນ “ສານ​ໂຊດຽມ​ໄນ​​ໄຕຣ” ວັດຖຸ​​ເຈືອ​ປົນ​ອາຫານ​ທີ່​ຊ່ວຍ​ປ້ອງ​ກັນ ​ແລະ ຢັບຢັ້ງການ​ບູດ​ເໜົ່າ ລວມທັງ​ເປັນ​ສ່ວນ​ປະສົມ​ຂອງ​ຢາ​ຂ້າ​ແມງ​ໄມ້ ​ໃນ​ປະລິມານຫລາຍ.

ພ້ອມ​ຕັ້ງຂໍ້​ສົງ​ໄສ​ວ່າ: ນາງ ຫວັງ ຄູປະຈຳຫ້ອງ​ຮຽນ​ອີກ​ຫ້ອງ​ໜຶ່ງ ​ເປັນ​ຜູ້​ຢູ່​ເບື້ອງຫລັງ ຄາດ​ວ່າ​ມີ​ແຮງ​ຈູງ​ໃຈ​ມາ​ຈາກ​ຄວາມ​ຕ້ອງການ​ແກ້​ແຄ້ນ​ຄູ​ເພື່ອນ​ຮ່ວມ​ງານ​ທີ່​ມີ​ປາກ​ສຽງ​ເລື່ອງ​ການ​ຈັດການ​ບໍລິຫານ​ນັກຮຽນ ​ເລີຍ​ຕັດສິນ​ໃຈ​ວາງຢາ​ພິດ​​ເດັກ​ນັກຮຽນ​ໃນ​ຫ້ອງ​ຮຽນ​ຂອງຄູ​ຄູ່​ກໍລະນີ.

ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ - Wave100S AD to Website 2020 0 - ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ

​ໂກລບອນ​ທາມ​ເປີດ​ເຜີຍ​ຄຳ​ພິພາກສາ​ຂອງ​ສານ​ເມືອງ​ຈຽວ​ຊົວວ່າ: ນາງ ຫວັງ ບໍ່​ໄດ້​ກໍ່​ເຫດ​ວາງຢາ​ພິດ​ເປັນ​ເທື່ອ​ທຳ​ອິດ ​ເນື່ອງ​ຈາກ​ກ່ອນ​ໜ້າ​ນີ້​ເຄີຍ​ສັ່ງ​ຊື້​ໂຊດຽມ​ໄນ​​ໄຕຣຈາກ​ຮ້ານ​ຄ້າ​ອອນ​ລາຍ ​ເພື່ອ​ວາງຢາ​ຜົວ ​ເຊິ່ງ​ໄດ້​ຮັບ​ອັນຕະລາຍ​ພຽງ​ເລັກ​ໜ້ອຍ.

ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ - WhatsApp Image 2020 05 27 at 5 - ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ
ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ - WhatsApp Image 2020 05 27 at 5 - ຈີນສັ່ງປະຫານ “ຄູອະນຸບານ” ວາງຢາເດັກນ້ອຍໝົດຫ້ອງ ເຮັດໃຫ້ມີເດັກນ້ອຍເສຍຊີວິດ 1 ຄົນ ແຄ້ນເພື່ອນຮ່ວມງານ
error: Alert: ເນື້ອຫາຂ່າວມີລິຂະສິດ !!