ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ

ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ -                                                           - ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ
ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ - Untitled design - ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ

ທ່ານ ​ໂຣດຣິ​ໂກ ດູ​ເຕີ​ເຕ ປະທານາທິບໍດີ​ຟີ​ລິບ​ປິນ ສັ່ງ​ຕັ້ງໜ່ວຍ​ງານ​ລະຫວ່າງ​ກະຊວງ ​ເພື່ອ​ສຶກສາ ​ແລະ ຮວບ​ຮວມຄວາມ​ເຫັນ​ເຖິງ​ການ​ຜະລິດ​ໄຟຟ້າ​ດ້ວຍ​ພະລັງງານ​ນິວ​ເຄຼຍ ​ໂດຍ​ຈະ​ຕ້ອງ​ອອກ​ລາຍ​ງານ​ສະບັບ​ທຳ​ອິດ​ໃນ​ເດືອນ​ມັງກອນ​ປີໜ້າ ຫລັງ​ມີ​ຂໍ້​ສະ​ເໜີ​ຈາກ​ລັດຖະມົນຕີພະລັງງານ​ຂອງ​ຟີ​ລິບ​ປິນທີ່​ເຫັນ​ວ່າ: ພະລັງງານ​ໄຟຟ້າ​ຈາກ​ນິວ​ເຄຼຍອາດ​ຊ່ວຍ​ແກ້​ໄຂ​ບັນຫາ​ໄຟຟ້າ​ໃນ​ປະ​ເທດ​ທີ່​ບໍ່​ພຽງພໍ​ໄດ້.

ທ່ານ ອັລຟອນ​ໂຊ ຄູ​ຊີ ລັດຖະມົນຕີ​ພະລັງງານ​ຟີ​ລິບ​ປິນ ​ເຊິ່ງ​ເປັນ​ຜູ້​ສະ​ເໜີ​ໃຫ້​ຟີ​ລິບ​ປິນພິຈາລະນາ​ການ​ຜະລິດ​ໄຟຟ້າ​ຈາກ​ພະລັງງານ​ນິວ​ເຄຼຍມາ​ແຕ່​ຕົ້ນປີຜ່ານມາ​ຢືນຢັນ​ວ່າ: ຍັງ​ມີ​ເວລາ​ທີ່​ປະຊາຊົນ​ຈະ​ຖຽງ​ກັນ​ເຖິງ​ຄວາມ​ເໝາະ​ສົມ​ໃນ​ການ​ໃຊ້​ພະລັງງານ​ຊະນິດ​ນີ້. ຂະນະ​ດຽວ​ກັນ ຖ້າ​ລັດຖະບານ​ອະນຸມັດ​ການ​ໃຊ້​ພະລັງງານ​ນິວ​ເຄຼຍ​ແທ້ ທາງການ​ຈະ​ຕ້ອງ​ດຳ​ເນີນ​ການ​ສຶກສາ ​ແລະ ຂໍ​ຄຳ​ປຶກສາ​ຈາກ​ຜູ້​ຊ່ຽວຊານ​ຢ່າງຮອບດ້ານ​ອີກ.

​ໃນ​ຄວາມ​ເປັນ​ຈິງ​ແລ້ວ ລັດຖະບານ​ຟີ​ລິບ​ປິນ​ເຄີຍ​ສ້າງ​ໂຮງ​ໄຟຟ້າ​ພະລັງງານ​ນິວ​ເຄຼຍ ​ໂດຍ​ສ້າງ​ສຳ​ເລັດ​ມາ​ແຕ່​ປີ 1985 ຕັ້ງຢູ່​ແຂວງ​ບາ​ຕາ​ອັນ ທາງ​ຕາ​ເວັນ​ຕົກ​ຂອງ​ນະຄອນຫລວງ​ມະນິລາ ​ເມືອງ​ຫລວງ​ຂອງ​ປະ​ເທດ ​ໂດຍ​ໃນ​ຕອນ​ນັ້ນລັດຖະບານ​ຂອງ​ອະດີດ​ປະທານາທິບໍດີ ​ເຟີ​ດິມານ ມາກ​ອດ ​ໄດ້​ຮັບ​ການ​ສະໜັບສະໜູນ​ໃນ​ການ​ກໍ່ສ້າງ​ໂຮງ​ໄຟຟ້າ​ນິວ​ເຄຼຍ​ແຫ່ງ​ນີ້​ຈາກ​ລັດຖະບານ​ອາ​ເມ​ລິ​ກາ.

​ເຖິງ​ຢ່າງ​ໃດ​ກໍ​ຕາມ, ​ເມື່ອ​ສ້າງ​ສຳ​ເລັດ​ເກີດ​ການ​ລຸກ​ຮື້​ໂຄ່ນ​ລົ້ມລັດຖະບານ​ມາກ​ອດຂອງ​ຊາວ​ຟີ​ລິບ​ປິນ​ໃນ​ປີ​ຕໍ່​ມາ ບວກ​ກັບ​ເກີດ​​ເຫດ​ຫາ​ຍະ​ນະ​ນິວ​ເຄຼຍຢູ່​ໂຮງ​ໄຟຟ້າ​ເຊີ​ໂນ​ບິ​ລ ​ເຮັດ​ໃຫ້​ແຜນການຜະລິດ​ໄຟຟ້າຈາກ​ພະລັງງານ​ນິວ​ເຄຼຍຈາກ​ໂຮງ​ໄຟຟ້າ​ແຫ່ງ​ນີ້​ຕ້ອງ​ຍົກ​ເລີກ ​ເຊິ່ງຕຶກ​ອາຄານ ​ແລະ ລະບົບ​ຕ່າງໆ​ຍັງ​ມີ​ຢູ່ ​ແຕ່​ລ້າ​ສະ​ໄໝ​ໄປ​ຕາມ​ການ​ເວລາ ​ໂດຍ​ປັດຈຸບັນ​ມີ​ຜູ້​ເບິ່ງ​ແຍງ​ເປີດ​ໃຫ້​ຜູ້​ສົນ​ໃຈ​ເຂົ້າ​ໄປ​ຊົມ​ພາຍ​ໃນ​ອາຄານ​ໄດ້.

ຂໍ້​ມູນ​ລະບຸ​ວ່າ: ບໍລິສັດ​ເວສຕິ້ງ​ເຮົາ ບໍລິສັດ​ສັນຊາດ​ອາ​ເມ​ລິ​ກາ​ທີ່​ເຂົ້າ​ໄປ​ສ້າງ​ເຕົາ​ປະຕິ​ກອນ​ໃຫ້​ໂຮງ​ໄຟຟ້າ​ບາ​ຕາ​ອັນ​ລົ້ມລະລາຍ​ໄປ​ແລ້ວ​ເມື່ອ 3 ປີ​ກ່ອນ. ​ເຖິງ​ຢ່າງ​ໃດ​ກໍ​ຕາມ, ຫລັກການ​ຂອງ​ໂຮງ​ໄຟຟ້າ​ນິວ​ເຄຼຍ​ແຫ່ງ​ນີ້​ຍັງ​ເປັນ​ລະບົບ​ທີ່​ມີ​ການ​ໃຊ້​ງານ​ໃນ​ໂຮງ​ໄຟຟ້າ​ນິວ​ເຄຼຍຫລາຍ​ແຫ່ງ​ໃນ​ຍີ່ປຸ່ນ.

ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ - Wave100S AD to Website 2020 0 - ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ

​ເຖິງ​ວ່າ​ບໍ່​ເຄີຍ​ຜ່ານ​ການ​ໃຊ້​ງານ, ​ແຕ່​ອາດ​ເອີ້ນ​ໄດ້​ວ່າ ​ໂຮງ​ໄຟຟ້າ​ນິວ​ເຄຼຍບາ​ຕາ​ອັນ​ເປັນ​ໂຮງ​ໄຟຟ້າ​ນິວ​ເຄຼຍ​ແຫ່ງ​ດຽວ​ໃນ​ພາກພື້ນອາ​ຊຽນ ​ໂດຍ​ມີ​ກຳລັງ​ຜະລິດ​ໄຟຟ້າ​ທຽບ​ເທົ່າ​ກັບ​ໂຮງ​​ໄຟຟ້າ​ນິວ​ເຄຼຍຂະໜາດ​ນ້ອຍ ​ເຊິ່ງນັບ​ແຕ່​ປີຜ່ານມາ ລັດຖະບານ​ຟີ​ລິບ​ປິນ​ເດີນ​ໜ້າ​ປຶກສາ​ຜູ້​ຊ່ຽວຊານ​ຈາກ ສ.​ເກົາຫລີ ​ແລະ ຣັດ​ເຊຍ ​ເຖິງ​ຄວາມ​ເປັນ​ໄປ​ໄດ້​ຂອງ​ການ​ຜະລິດ​ໄຟຟ້າ​ດ້ວຍ​ພະລັງງານ​ນິວ​ເຄຼຍ​ໃນ​ປະ​ເທດ. ຂະນະ​ດຽວ​ກັນ ລັດຖະບານ​ຟີ​ລິບ​ປິນຍັງ​ເຄີຍ​ສົ່ງ​ລາຍ​ງານ​ດ້ານ​ນະ​ໂຍບາຍ​ນິວ​ເຄຼຍ​ໄປ​ອົງການ​ພະລັງງານ​ປະລະມານູ​ສາກົນ (IAEA) ​ໂດຍ​ເວົ້າ​ເຖິງ​ແຜນ​ດຳ​ເນີນ​ງານ​ຕາມ​ກົດໝາຍ, ການ​ສ້າງ​ຄວາມ​ເຂົ້າ​ໃຈ​ຕໍ່​ປະຊາຊົນ ​ໄປ​ຈົນ​ເຖິງ​ແຜນ​ຟື້ນຟູ​ສາທາລະ​ນູປະ​ໂພ​ກທີ່​ກ່ຽວຂ້ອງ ​ເຊິ່ງອາດ​ຈະ​ໝາຍ​ເຖິງ​​ໂຮງ​ໄຟຟ້າ​ນິວ​ເຄຼຍບາ​ຕາ​ອັນ​ທີ່​ມີ​ຢູ່​ແລ້ວ.

ຜ່ານ​ມາ​ລັດຖະບານ​ຟີ​ລິບ​ປິນພະຍາຍາມ​ແກ້​ໄຂ​ບັນຫາ​ໄຟຟ້າ​ບໍ່​ພຽງພໍ​ໃນ​ປະ​ເທດ ​ໂດຍ​ເລີ່​ມ​ເປີດ​ໃຫ້​ເອກະ​ຊົນ​ເຂົ້າ​ໄປ​ລົງທຶນ​ດ້ານ​ການ​ຜະລິດ​ໄຟຟ້າ ​ແຕ່​ຕ້ອງ​ປະສົບ​ບັນຫາ ​ເນື່ອງ​ຈາກ​ການ​ລົງທຶນ​ຜະລິດ​ໄຟຟ້າ​ໃຊ້​ເງິນ​ລົງທຶນ​ສູງ ​ເຮັດ​ໃຫ້​ເອກະ​ຊົນ​ບໍ່​ສົນ​ໃຈ​ເທົ່າ​ທີ່​ຄວນ. ຂະນະ​ທີ່​ແນວທາງ​ການ​ຜະລິດ​ໄຟຟ້າ​ພະລັງງານ​ນິວ​ເຄຼຍຍັງ​ຖືກ​ບາງ​ກຸ່ມ​ຄັດຄ້ານ​ເຊັ່ນ: ສະມາຊິກ​ວຸດ​ທິສະພາຣິຊາ ຮອນ​ຕິ​ເວຣອສ ​ເບິ່ງ​ວ່າ​ພະລັງງານ​ນິວ​ເຄຼຍບໍ່​ແມ່ນ​ເຕັກ​ໂນ​ໂລ​ຊີ​ແຫ່ງ​ອະນາຄົດ ​ແຕ່​ເປັນ​ເຕັກ​ໂນ​ໂລ​ຊີ​ໃນ​ອະດີດ. ພ້ອມ​ເນັ້ນວ່າ: ຟີ​ລິບ​ປິນມີ​ຊັບພະຍາກອນ​ໃນ​ປະ​ເທດ​ພຽງພໍ​ຈະ​ນຳ​ມາ​ໃຊ້​ຜະລິດ​ພະລັງງານ ​ແລະ ລັດຖະບານ​ຄວນ​ໃຫ້​ຄວາມ​ສຳຄັນ​ຕໍ່​ການ​ໃຊ້​ພະລັງງານ​ທົດ​ແທນ​ຫລາຍ​ກວ່າ.

ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ - WhatsApp Image 2020 05 27 at 5 - ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ
ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ - WhatsApp Image 2020 05 27 at 5 - ຟີລິບປິນຕັ້ງໜ່ວຍງານພິຈາລະນາໂຮງໄຟຟ້າພະລັງງານນິວເຄຼຍ ຫລັງໄຟຟ້າໃນປະເທດບໍ່ພຽງພໍ
error: Alert: ເນື້ອຫາຂ່າວມີລິຂະສິດ !!