ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ

ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - Lpn20 13 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ
ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - 174233 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ

ເມື່ອບໍ່ເທົ່າໃດປີມານີ້ ອາການຊຶມເສົ້າ ເລີ່ມເປັນທີ່ຮູ້ຈັກຫລາຍຂຶ້ນໃນທົ່ວໂລກ ຈາກຂ່າວການສູນເສຍບຸກຄົນມີຊື່ສຽງເນື່ອງດ້ວຍອາການນີ້, ແຕ່ກໍຍັງມີອີກຫລາຍຄົນທີ່ບໍ່ເຂົ້າໃຈເຖິງສາເຫດທີ່ແທ້ຈິງຂອງພະຍາດ ຄິດວ່າເປັນພະຍາດສະໄໝໃໝ່, ແຕ່ຄວາມຈິງແລ້ວພະຍາດນີ້ມີມາດົນນານແລ້ວ ພຽງແຕ່ເຮົາບໍ່ຮູ້ວິທີຮັບມມືກັບມັນ ພ້ອມນີ້ຄົນເຮົາຍັງມີຄວາມເຂົ້າໃຈຜິດຢູ່ຫລາຍວ່າຄົນທີ່ເປັນອາການຊຶມເສົ້ານັ້ນອ່ອນແອ, ເປັນຄົນບໍ່ສູ້ຊີວິດ ເຊິ່ງຄວາມຈິງແລ້ວມັນບໍ່ແມ່ນ. ສາເຫດທີ່ແທ້ຈິງມາຈາກສານສື່ປະສາດໃນສະໝອງ ເຮັດໃຫ້ຜູ້ປ່ວຍມີຄວາມຄິດ, ທັດສະນະຄະຕິ ແລະຄວາມຄິດຕ່າງຈາກທົ່ວໄປ ເຊິ່ງມື້ນີ້ພວກເຮົາຈະພາທ່ານໄປຮູ້ຈັກກັບວິທີ ຫລື ຄຳເວົ້າທີ່ຄວນໃຊ້ ຫາກພົບວ່າຄົນໃກ້ໂຕເປັນອາການຊຶມເສົ້າ ເຊິ່ງຂໍ້ເຫລົ່ານີ້ລ້ວນສົ່ງຜົນຕໍ່ຈິດໃຈເຂົາຫລາຍ.

ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - 080411 2020 300x200 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ

ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - Wave100S AD to Website 2020 0 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ
  • ຄຳເວົ້າຕ້ອງຫ້າມ : ເຊິ່ງຄຳເຫລົ່ານີ້ນອກຈາກຜູ້ປ່ວຍຈະບໍ່ໄດ້ຮັບກຳລັງໃຈເພີ່ມແລ້ວ ຍັງເຮັດໃຫ້ພວກເຂົາອາການໜັກກ່ວາເກົ່າໄດ້ນຳອີກ ເຊັ່ນ : ຮ້ອງໄຫ້ເຮັດຫຍັງ, ຈັກໜ້ອຍກໍດີຂຶ້ນເອງ, ຢ່າຄິດຫລາຍ, ເທົ່ານີ້ໜຶ່ງ ຫລື ຄຳເວົ້າດ້ານຕຳໜິ ເຊັ່ນ : ຈະເສົ້າໄປເຮັດຫຍັງ, ມົວແຕ່ເສົ້າ ບໍ່ເມື່ອຍແດ່ບໍ່ ເປັນຕົ້ນ ໂດຍໃນທາງຈິດຕະວິທະຍາເອີ້ນວ່າ Ignorance ຄື ເປັນການປ່ອຍໃຫ້ຜູ້ປ່ວຍຮູ້ສຶກວ່າພະເຊີນເລື່ອງຮ້າຍຢູ່ຄົນດຽວ.
  • ຄຳຕ້ອງເວົ້າ : ຈາກຄຳຕ້ອງຫ້າມຂ້າງເທິງ ຫລາຍຄົນອາດຈະຖາມວ່າ ແລ້ວຄວນເວົ້າແນວໃດດີ ? ເຊິ່ງຄຳເວົ້າທີ່ເຮົາຄວນໃຊ້ເປັນກຳລັງໃຈແກ່ຜູ້ປ່ວຍ ຊ່ວຍໃຫ້ເຂົາຮັບຮູ້ວ່າເຮົາຢູ່ຄຽງຂ້າງກັບເຂົາ ເຊັ່ນ : ຂ້ອນບໍ່ຮູ້ດອກວ່າເຈົ້າຮູ້ສຶກບໍ່ດີປານໃດ, ແຕ່ຂ້ອຍພ້ອມຈະເຂົ້າໃຈເຂົ້າຕະຫລອດ, ຂ້ອຍເຊື່ອວ່ອີກບໍ່ດົນເຈົ້າຈະດີຂຶ້ນ, ອົດທົນໄວ້ເດີ້ ຫລື ສຳລັບບາງຄົນອາດມີການຈັບມືກັນ ຫລື ໂອບກອດ ຖ່າຍທອດຄວາມຮູ້ສຶກດີໆໃຫ້ກັບເຂົາ, ຜູ້ປ່ວຍຈະເລີ່ມເຂົ້າໃຈວ່າມີຄົນຄອຍຢູ່ຄຽງຂ້າງເຂົາ ເຮັດໃຫ້ເຂົາມີຄວາມຫວັງຂຶ້ນ.
  • ປິດປາກ ແລະ ເປີດໃຈ : ສິ່ງທີ່ຜູ້ປ່ວຍຊຶມເສົ້າຕ້ອງການຫລາຍທີ່ສຸດແມ່ນໃຜຈັກຄົນທີ່ຢູ່ຄຽງຂ້າງຮັບຟັງບັນຫາຂອງພວກເຂົາ ເຊິ່ງຫາກໃຜທີ່ມີຄົນໃກ້ຊິດເປັນອາການຊຶມເສົ້າ ທ່ານຄວນຖາມ ຫລື ກະຕຸ້ນໃຫ້ເຂົາເລົ່າໃນສິ່ງທີ່ເຂົາບໍ່ສະບາຍໃຈ ໂດຍທີ່ທ່ານບໍ່ຈຳເປັນຕ້ອງສະແດງຄວາມເຫັນໃດໆ ຍົກເວັ້ນພຽງຟັງເຂົາຢ່າງຕັ້ງໃຈໃຫ້ໄດ້ຫລາຍທີ່ສຸດ.
ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - 060411 2020 300x169 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ
woman feel depression and sit on the chair
  • ຢ່າປ່ອຍໃຫ້ເກັບໂຕ : ອີກໜຶ່ງຫົນທາງທີ່ສາມາດເຮັດໃຫ້ຜູ້ປ່ວຍຮູ້ສຶກດີຂຶ້ນໄດ້ ກໍຄື ການພາເຂົາອອກໄປປ່ຽນບັນຍາກາດແດ່ ເຊິ່ງໂດຍປົກກະຕິຜູ້ປ່ວຍອາດຈະເກັບໂຕ, ຫລີກໂຕອອກຈາກສັງຄົມ ໂດຍເຮົາອາດພາເຂົາອອກມາຍ່າງຫລິ້ນ ຫລື ອອກໄປກິນເຂົ້າໃກ້ໆເຮືອນແດ່ດໍໄດ້ ຖ້າໃຫ້ດີກໍພາໄປທ່ຽວມ່ວນໆໄປເລີຍ ຖ້າເຮັດໄດ້ ມັນຊ່ວຍໄດ້ແທ້.
  • ນອກຈາກນີ້ແລ້ວ ການດູແລຜູ້ປ້ວຍຊຶມເສົ້ານັ້ນຄວນໃຊ້ຄວາມອົດທົນ ແລະ ເຂົ້າໃຈ, ຈິດໃຈຕ້ອງເຂັ້ມແຂງ ເພາະບໍ່ດັ່ງນັ້ນອາດຈະຈິດຕົກໄປນຳອີກຄົນກໍເປັນໄດ້ ແລະ ຄວນເຊົາໃຊ້ຄຳເວົ້າໃນດ້ານປຽບທຽບວ່າ “ເບິ່ງຜູ້ນັ້ນແມ້ເຂົາລຳບາກກ່ວາຫລາຍ ເຂົາຍັງບໍ່ເສົ້າເລີຍ” ເຊິ່ງມັນບໍ່ຊ່ວຍຫຍັງພວກເຂົາເລີຍ ແລະ ບໍ່ຄວນເລັ່ງລັດຮີບຮ້ອນທີ່ຈະໃຫ້ເຂົາເຊົາ ພຽງແຕ່ພະຍາຍາມໃຫ້ຄວາມຮັກ, ຄວາມເອົາໃຈໃສ່ ແລະ ເຂົ້າໃຈເຂົາກໍພຽງພໍແລ້ວ.

ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - 100411 2020 300x180 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ

ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ - WhatsApp Image 2020 05 27 at 5 - ຂໍ້ຄວນລະວັງເມື່ອຄົນໃກ້ໂຕປ່ວຍເປັນຊຶມເສົ້າ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!