ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ

- AGL banner - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ

- 2102 1 300x199 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ     ເມື່ອໃດທີ່ຜູ້ຊາຍຕັດສິນໃຈຂໍຄົນຮັກແຕ່ງດອງແລ້ວ ນັ້ນໝາຍຄວາມວ່າເຂົາຕ້ອງກຽມໂຕພ້ອມແລ້ວສຳລັບທຸກຢ່າງໃນອະນາຄົດທີ່ກຳລັງຈະເກີດຂຶ້ນ ທັງຄວາມເປັນສ່ວນໂຕ ຫລື ຊີວິດສຸດມ່ວນຊື່ນທີ່ເຄີຍມີຈະຕ້ອງຫາຍໄປກ່ອນຈະແຕ່ງດອງ ແລະ ເພື່ອໃຫ້ຊີວິດຄູ່ດຳເນີນໄປຢ່່າງມີຄວາມສຸກ ຜູ້ຊາຍຄົງຕ້ອງຍອມຮັບກັນໃຫ້ໄດ້ສຳລັບສິ່ງທີ່ອາດຈະສູນເສຍໄປ ດັ່ງນີ້ :

– ອຳນາດ ແລະ ການຕັດສິນໃຈຢູ່ທີ່ແມ່ຍິງ : ຖືວ່າເປັນສິ່ງທີ່ຜູ້ຊາຍຢ້ານຫລາຍທີ່ສຸດ ສຳລັບການສູນເສຍອຳນາດ, ການຄວບ ຄຸມ ແລະ ການຕັດສິນໃຈເຮັດຫຍັງດ້ວຍຕົນເອງ ເພາະເມື່ອແຕ່ງດອງໄປແລ້ວ ຕອນນີ້ບໍ່ວ່າຄິດຈະເຮັດຫຍັງ, ວາງແຜນໄປພັກຜ່ອນຢູ່ໃສ, ຕັດຜົມຊົງໃດ ຫລື ແຕ່ງໂຕແນວໃດ ທັງໝົດນີ້ອາດຈະຕ້ອງຂຶ້ນຢູ່ກັບການຕັດສິນໃຈຂອງຄົນຮັກ ຝ່າຍຍິງທີ່ຈະເປັນຄົນຈັດການ ແລະ ທ່ານກໍຕ້ອງເຮັດຕາມການຕັດສິນໃຈຂອງນາງ ເພື່ອຈະໄດ້ບໍ່ມີບັນຫາເກີດຂຶ້ນ.

– ໝູ່ທີ່ເປັນແມ່ຍິງອາດຕ້ອງຕັດຖິ້ມໃຫ້ໝົດ : ເມື່ອແຕ່ງດອງແລ້ວ ແນ່ນອນວ່າຄວາມສຳພັນກັບໝູ່ຕ້ອງປ່ຽນໄປ ອາດຈະບໍ່ໄດ້ໄປຮ່ວມງານລ້ຽງສັງສັນກັບໝູ່ເລື້ອຍໆຄືຕອນກ່ອນແຕ່ງດອງແລ້ວ ເພາະຕອນນີ້ມີໜ້າທີ່ຕ້ອງຮັບຜິດຊອບຫລາຍກ່ວາເກົ່າ ໂດຍສະເພາະເລື່ອງໝູ່ແມ່ຍິງທີ່ອາດຈະເປັນບັນຫາລະຫ່ວາງຊີວິດຄູ່ຂອງທ່ານຫລາຍທີ່ສຸດ ເພາະບາງເທື່ອຢູ່ດີໆນາງກໍອາດຫຶງຫວງຂຶ້ນມາໂດຍບໍ່ຮູ້ສາເຫດກໍມີ ທາງທີ່ດີຢ່າອອກໄປທ່ຽວຫລິ້ນກັບໝູ່ແມ່ຍິງຫລາຍ ເຖິງວ່າຈະໄປກັນຫລາຍໆຄົນກໍຕາມ ຍິ່ງອອກໄປກັບໝູ່ແມ່ຍິງສອງຕໍ່ສອງ ເຖິງວ່າຈະບໍລິສຸດໃຈວ່າບໍ່ມີຫຍັງໃນກໍໄຜ່ກໍຕາມ, ແຕ່ເປັນໄປໄດ້ວ່າຄົນຮັກຂອງທ່ານອາດຈະບໍ່ພໍໃຈແຮງ ແລະ ຈົບລົງໂດຍການຜິດຖຽງກັນກໍເປັນໄດ້ ສະນັ້ນປ້ອງກັນໄວ້ດີກ່ວາ.

– ພື້ນທີ່ສ່ວນໂຕຖືກຍຶດໄປ : ໂດຍທົ່ວໄປຄວາມຮັບຜິດຊອບມັກມາຄູ່ກັບການຕ້ອງຈ່າຍເງິນທີ່ເພີ່ມຫລາຍຂຶ້ນ ນັ້ນເປັນເຫດທີ່ເຮັດໃຫ້ຄ່າໃຊ້ຈ່າຍສ່ວນໂຕຂອງທ່ານຖືກຫລຸດທອນລົງໄປຢ່າງຫລີກເວັ້ນບໍ່ໄດ້ ຍິ່ງເມື່ອແຕ່ງດອງແລ້ວ ຜູ້ຊາຍກໍຕ້ອງເປັນຝ່າຍຊື້ເຮືອນເພື່ອຈະຢູ່ນຳກັນ. ຫລັງຈາກນັ້ນ ກຽມບອກລາພື້ນທີ່ສ່ວນໂຕທັງຫລາຍໃນເຮືອນໄປໄດ້ເລີຍ ເປັນຕົ້ນແມ່ນໃນຫ້ອງນ້ຳຈະເຕັມໄປດ້ວຍເຄື່ອງໃຊ້ແມ່ຍິງ ເຊັ່ນ : ໄດເປົ່າຜົມ, ເຄື່ອງສຳອາງ ແລະ ສາລະພັດເຄື່ອງເສີມຄວາມງາມວາງເປັນກອງ ເຮັດໃຫ້ບາງເທື່ອຜູ້ຊາຍອາດຈະເພຍໄປແດ່ເວລາໃຊ້ຫ້ອງນ້ຳ.

– ເວລາສ່ວນໂຕເລີ່ມຫາຍໄປ : ກ່ອນແຕ່ງດອງທ່ານສາມາດເຮັດຫຍັງກໍໄດ້ຕາມໃຈ ຢາກໄປໃສກັບໝູ່ດົນເທົ່າໃດກໍໄດ້ ໂດຍທີ່ບໍ່ຕ້ອງຄຳນຶງເຖິງຄວາມຮູ້ສຶກຂອງແຟນຫລາຍປານໃດ, ແຕ່ເມື່ອແຕ່ງດອງແລ້ວ ທ່ານຕ້ອງຄຳນຶງເຖິງຄວາມຮູ້ສຶກຂອງຄົນຮັກຫລາຍກ່ວາເກົ່າຫລາຍເທົ່າ ເພາະນາງໄດ້ເຂົ້າມາເປັນສ່ວນໜຶ່ງໃນຊີວິດຂອງທ່ານແລ້ວ ຈາກທີ່ເຄີຍມີມື້ພັກທ້າຍອາທິດຢູ່ຕ່າງແຂວງສຸດມ່ວນ ຫລື ຫລິ້ນເກມມ່ວນໆກັບໝູ່ໃນມື້ພັກນັ້ນ ຕໍ່ໄປນີ້ກໍອາດເປັນໄດ້ພຽງແຕ່ຄວາມຝັນເທົ່ານັ້ນ.

- Wave100S AD to Website 2020 0 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ

– ເປັນບ່າວເຈົ້າສຳລານບໍ່ໄດ້ອີກແລ້ວ : ບໍ່ວ່າທ່ານຈະເປັນບ່າວເຈົ້າສຳລານ ຫລື ມັກຫລິ້ນຫລາຍປານໃດກໍຕາມ, ແຕ່ເມື່ອແຕ່ງດອງແລ້ວ ສິ່ງສຳຄັນທີ່ສຸດກໍແມ່ນການຮັກໃນຄູ່ຄອງຂອງທ່ານຄົນດຽວ ຫາກເຄີຍເປັນຄົນທີ່ມັກລົມ ຫລື ຢອກກັບຜູ້ສາວຫລວງຫລາຍ ຫລື ອອກຫລິ້ນກັບແມ່ຍິງຫລາຍຄົນບໍ່ເຄີຍຊ້ຳໜ້າ ຂໍບອກເລີຍວ່າຕ້ອງຕັດຄວາມເປັນບ່າວເຈົ້າສຳລານໄປໄດ້ເລີຍ ຖ້າຝ່າຍຍິງຈັບໄດ້ຂຶ້ນມາ ມີຫວັງຄວາມສຳພັນຂອງທ່ານທັງສອງຕ້ອງເສົ້າແນ່ນອນ.

ສຳລັບສິ່ງທີ່ເອົາມາຝາກໃນມື້ນີ້ ເຮົາບໍ່ໄດ້ຄິດຈະເຮັດໃຫ້ຜູ້ຊາຍທັງຫລາຍວິຕົກກັງວົນເຖິງຂັ້ນຢ້ານການແຕ່ງດອງ ເພາະຄົນທີ່ ຄິດຈະແຕ່ງດອງມີຄອບຄົວ ບໍ່ວ່າຈະຝ່າຍຊາຍ  ຫລື ຝ່າຍຍິງກໍຕາມ ຄົນທີ່ຮັກກັນຫລາຍພໍຈຶ່ງສາມາດຍອມສະຫລະຄວາມສຸກສ່ວນໂຕທີ່ເຄີຍມີອອກໄປໄດ້ທັງໝົດ ຊີວິດທີ່ເຄີຍຄິດເຖິງແຕ່ໂຕເອງກໍຕ້ອງຄິດເຖິງອີກຄົນແດ່ ເມື່ອຮູ້ແບບນີ້ແລ້ວກໍຄວນເບິ່ງໃຫ້ເປັນເລື່ອງປົກກະຕິ ແລະ ເຮັດທຸກຢ່າງໃຫ້ຄົນຮັກມີຄວາມສຸກໄດ້ຫລາຍເທົ່າທີ່ເຮັດໄດ້ຈະດີກ່ວາ ແລ້ວຄູ່ຂອງທ່ານຈະເປັນຄູ່ທີ່ໜ້າອິດສາທີ່ສຸດ.

- WhatsApp Image 2020 05 27 at 5 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ
- WhatsApp Image 2020 05 27 at 5 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ
- WhatsApp Image 2020 05 27 at 5 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ
- WhatsApp Image 2020 05 27 at 5 - ສິ່ງທີ່ຜູ້ຊາຍອາດສູນເສຍເມື່ອຕິດສິນໃຈແຕ່ງດອງ
error: Alert: Content is protected !!