ລາຄາວັກຊີນຂອງ ໄຟເຊີ ຢູ່ທີ່ 19,5 ໂດລາສະຫະລັດ ແລະ ຂອງ ໂມເດິນນາ ຢູ່ທີ່ 25-37 ໂດລາ/ໂດສ, ໝາຍຄວາມວ່າ ມີລາຄາຢູ່ທີ່ 39 ດອນລາ ແລະ 50-74 ໂດລາ/ຄົນ
ບັນດານັກພັດທະນາ ວັກຊີນ ສະປຸດຍີກ V ຕ້ານໂຄວິດ-19 ຂອງລັດເຊຍປະກາດວ່າວັກຊີນຂອງພວກຕົນມີລາຄາຕໍ່າກວ່າຫຼາຍ ເມື່ອທຽບໃສ່ ວັກຊີນຈາກສອງບໍລິສັດຂອງສະຫະລັດອາເມລິກາຄື ໄຟເຊີ ແລະ ໂມເດິນນາ.
ຊຶ່ງລາຄາວັກຊີນຂອງ ໄຟເຊີ ຢູ່ທີ່ 19,5 ໂດລາສະຫະລັດ ແລະ ຂອງ ໂມເດິນນາ ຢູ່ທີ່ 25-37 ໂດລາ/ໂດສ, ໝາຍຄວາມວ່າ ມີລາຄາຢູ່ທີ່ 39 ດອນລາ ແລະ 50-74 ໂດລາ/ຄົນ. ນັບທັງວັກຊີນຂອງ ໄຟເຊີ, ໂມເດິນນາ ແລະ ສະປຸດຍິກ ລ້ວນແຕ່ໃຊ້ 2 ໂດສ/ຄົນ ແຕ່ລາຄາຂອງສະປຸດຍິກ ຈະຕໍ່າກວ່າ.
ປັດຈຸບັນ ວັກຊີນ ສະປຸດຍິກ ຖືກນຳສົ່ງໄປທີ່ອິນເດຍ, ຮົງກາຣີ, ອາເມເນຍ, ເບລາຣູດ ແລະ ຊາດອື່ນໆອີກຈຳນວນໜຶ່ງ ເພື່ອດຳເນີນການທົດລອງ. ໃນອາທິດກ່ອນໜ້ານີ້ ທ່ານປູຕີນ ປະທານາທິບໍດີຂອງລັດເຊຍ ປະກາດວ່າ ມີຫຼາຍປະເທດ ປະສົງຢາກຊື້ວັກຊີນສະປຸດຍິກຂອງລັດເຊຍ, ໃນນັ້ນ ມີວັກຊີນ EpiVacCorona ຊຶ່ງໄດ້ຈົດທະບຽນໃນເດືອນຕຸລາທີ່ຜ່ານມາ.
RDIF ແລະ ສະຖາບັນ Gamaleya ປະກາດວ່າ ປະສິດທິພາບວັກຊີນຂອງລັດເຊຍຢູ່ທີ່ 92%, ໃນຂະນະດຽວ ໂມເດິນນາ ກໍບອກວ່າ ວັກຊີນຂອງພວກເຂົາມີປະສິດທິພາບຢູ່ທີ່ 94,5% ແລະ ມີລາຄາຢູ່ທີ່ 25-37 ດອນລາ ທີ່ຈະຂາຍໃຫ້ກັບຕ່າງປະເທດ ແຕ່ກໍຂຶ້ນກັບປະລິມານທີ່ຈັບຈ່ອງ, ສ່ວນຜົນຂອງ ໄຟເຊີຢູ່ທີ່ 95% ແລະ ບໍ່ເກີດຜົນຂ້າງຄຽງທີ່ຮ້າຍແຮງຕໍ່ຜູ້ສູງອາຍຸ.
