ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ

- 5fcede65615a4 - ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ
- Untitled design - ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ

CNN ລາຍ​ງານ​ອ້າງ​ແຫ​ລ່ງຂ່າວ​ວ່າ: ທ່ານ ​ໂຈ ​ໄບ​ເດນ ວ່າ​ທີ່​ປະທານາທິບໍດີຄົນທີ 46 ຂອງ​ອາ​ເມ​ລິ​ກາ ​ໄດ້​ຕັດສິນ​ໃຈ​ເລືອກ​ທ່ານ ລອຍ ອອສຕິນ ອະດີດ​ຜູ້​ບັນຊາ​ການ​ທະຫານ​ກອງ​ບັນຊາ​ການ​ກາງ​ກອງທັບ​ອາ​ເມ​ລິ​ກາ ​ເຊິ່ງ​ປັດຈຸບັນ​ບຳນານ​ແລ້ວ ຂຶ້ນດຳລົງ​ຕຳ​ແໜ່​ງລັດຖະມົນຕີ​ກະຊວງ​ປ້ອງ​ກັນ​ປະ​ເທດຄົນ​ໃໝ່ ​ໂດຍ​ຖ້າ​ວຸດ​ທິສະພາ​ລົງ​ຄະ​ແນນ​ຮັບຮອງຈະ​ເຮັດ​ໃຫ້​ທ່ານ​ເປັນ​ຄົນ​ຜິວ​ດຳ​ຄົນ​ທຳ​ອິດ​ໃນ​ປະຫວັດສາດ​ທີ່​ໄດ້​ຄຸມ​ເພນ​ຕາກ​ອນ.

ທ່ານ ອອສຕິນ ອາຍຸ 67 ປີ ອະດີດ​ນາຍ​ທະຫານ​ຍົດ​ພົນ​ເອກ 4 ດາວ ​ເຄີຍ​ດຳລົງ​ຕຳ​ແໜ່​ງຮອງ​ເສນາ​ທິການ​ກອງທັບ​ບົກ​ຂອງ​ອາ​ເມ​ລິ​ກາມາ​ກ່ອນ​ໜ້າ​ນີ້ ​ໂດຍ​ທ່ານ​ຈຳ​ເປັນ​ຕ້ອງ​ໄດ້​ຮັບ​ການ​ຫລຸດຜ່ອນ​ຈາກ​ສະພາ​ຄອງ​ເກຣດສຳລັບ​ຕຳ​ແໜ່​ງທີ່​ກຳນົດ​ໃຫ້​ສະ​ເພາະ​ພົນລະ​ເຮືອນ​ນີ້​ກ່ອນ ​ເນື່ອງ​ຈາກ​ທ່ານ ອອສຕິນ ຫາ​ກໍ​ເຂົ້າບຳນານ​ຈາກ​ໜ້າ​ທີ່​ໃນ​ກອງທັບ​ໄດ້​ພຽງ 4 ປີ. ຂະນະ​ທີ່​ກົດໝາຍ​ອາ​ເມ​ລິ​ກາ​ກຳນົດ​ຄຸນສົມບັດ​ຂອງ​ການ​ເປັນ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ວ່າ​ຕ້ອງ​ເຂົ້າບຳນານ ຫລື ລາ​ອອກ​ຈາກ​ກອງທັບ​ມາ​ແລ້ວ​ຢ່າງ​ໜ້ອຍ 7 ປີ.

ກ່ອນ​ໜ້າ​ນີ້, ທ່ານ ​ເຈ​ມ ​ແມດ​ທິສ ອະດີດ​ພົນ​ເອກ​ນາວິກະ​ໂຍທິນ ​ເຄີຍ​ໄດ້​ຮັບ​ການ​ຍົກ​ເວັ້ນຈາກ​ສະພາ​ຄອງ​ເກຣດ​ໃຫ້​ນັ່ງ​ຕັ່ງ​ນີ້​​ໄດ້​ເມື່ອ​ປີ 2017 ​ເຊິ່ງ​ໃນ​ເວລາ​ນັ້ນ ສະມາຊິກ​ເດ​ໂມ​ແຄຣດ​ໃນ​ລັດຖະສະພາ​ບາງ​ຄົນ​ໄດ້​ສະ​ແດງ​ຄວາມ​ກັງວົນ​ກ່ຽວ​ກັບ​ການ​ຮັກສາ​ຕຳ​ແໜ່​ງຜູ້ນຳ​ພົນລະ​ເຮືອນ​ໃນ​ກອງທັບ, ​ແຕ່​ທ້າຍ​ທີ່​ສຸດ​ກໍ​ຜ່ານ​ຄວາມ​ເຫັນ​ພ້ອມ​ຈາກ​ສອງ​ສະພາ. ​ເຖິງ​ຢ່າງ​ໃດ​ກໍ​ຕາມ, ທ່ານ ​ແມດ​ທິສ ນັ່ງ​ຕັ່ງ​ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຂອງ​ປະທານາທິບໍດີ ​ໂດ​ນັລ ທຣຳ ​ໄດ້​ບໍ່​ດົນ ກ່ອນ​ຈະ​ກ້າວ​ລົງ​ຈາກ​ຕຳ​ແໜ່​ງ​ໃນ​ເດືອນ​ທັນວາ 2018.

- Wave100S AD to Website 2020 0 - ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ

ທ່ານ ອອສຕິນ ຖື​ເປັນ 1 ​ໃນ 3 ຕົວ​ເລກ​ຂອງ​ທ່ານ ​ໄບ​ເດນ ກັບ​ຕຳ​ແໜ່​ງ​ເຈົ້າກະຊວງ​ເພນ​ຕາກ​ອນນີ້ ​ໂດຍ​ອີກ​ສອງ​ຄົນ​ທີ່ຢູ່​ໃນ​ການ​ພິຈາລະນາ​ກ່ອນ​ໜ້າ​ນີ້ ປະກອບ​ມີ: ທ່ານ ມິ​ເຊ​ລ ​ເຟີ​ນອຍ ອະດີດ​ຮອງ​ລັດຖະມົນຕີ​ຝ່າຍ​ນະ​ໂຍບ​າຍຂອງ​ກະຊວງ​ປ້ອງ​ກັນ​ປະ​ເທດ​ໃນ​ຍຸກ​ຂອງ​ປະທານາທິບໍດີ ບາຣັກ ​ໂອ​ບາ​ມາ ​ແລະ ທ່ານ ​ເຈ ຈອນ​ສັນ ອະດີດ​ລັດຖະມົນຕີ​ກະຊວງ​ຄວາມ​ໝັ້ນຄົງ​ແຫ່ງ​ມາຕຸພູມ.

- WhatsApp Image 2020 05 27 at 5 - ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ
- WhatsApp Image 2020 05 27 at 5 - ໄບເດນ ສະເໜີ ລອຍ ອອສຕັນ ອະດີດພົນເອກ 4 ດາວ ນັ່ງຕັ່ງລັດຖະມົນຕີກະຊວງປ້ອງກັນປະເທດ
error: Alert: ເນື້ອຫາຂ່າວມີລິຂະສິດ !!