ຂໍໃຫ້ຂໍ້ກຳນົດການກວດກາຄວາມປອດໄພ ຂອງພືດ ແລະ ຜະລິດຕະພັນພືດເປັນຈິງ

- advert banner 728 90 728x90 - ຂໍໃຫ້ຂໍ້ກຳນົດການກວດກາຄວາມປອດໄພ ຂອງພືດ ແລະ ຜະລິດຕະພັນພືດເປັນຈິງ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຫລາຍ​ຄົນ​ກໍ​ອາດ​ຈະ​ດີ​ໃຈ ພາຍຫລັງ​ພະ​ແນ​ກກະສິກຳ ​ແລະ ປ່າ​ໄມ້ ນະຄອນຫລວງ​ວຽງ​ຈັນ ​ໄດ້​ນຳ​ສະ​ເໜີ​ຮ່າງ​ລະບຽບ​ການ ​ແລະ ມາດ​ຕະການ​ຕ່າງໆ ​ເພື່ອ​ການ​ກວດກາ ​ແລະ ຄຸ້ມ​ຄອງ​ຄວາມ​ປອດ​ໄພ​ຂອງ​ພືດ ​ແລະ ຜະລິດ​ຕະພັນ​ພືດ​ຈາກ​ຜູ້​ຜະລິດ ​ເພື່ອ​ຊ່ວຍ​ສັງຄົມ​ໄດ້​ບໍລິ​ໂພ​ກພືດ​ດັ່ງກ່າວ​ດ້ວຍ​ຄວາມ​ປອດ​ໄພ ຕໍ່​ກອງ​ປະຊຸມ​ສະພາ​ສະ​ໄໝ​ສາມັນ​ເທື່ອ​ທີ 3 ຂອງ​ນະຄອນຫລວງ​ວຽງ​ຈັນ ຮັບຮອງ​ເອົາ ​ເນື່ອງ​ຈາກ​ວ່າ​ໃນ​ໄລຍະ​ຜ່ານ​ມາ ​ເຮົາ​ຍັງ​ບໍ່​ທັນ​ມີ​ມາດ​ຕະການ​ກວດກາ ​ແລະ ຄຸ້ມ​ຄອງ​ເຖິງ​ຄວາມ​ປອດ​ໄພ​ທາງ​ດ້ານ​ໂພຊະ​ນາ​ການ​ທີ່​ດີ ຈຶ່ງ​ເຮັດ​ໃຫ້​ຜູ້​ຜະລິດ ​ແລະ ຜູ້​ຈຳໜ່າຍ​ຈຳນວນ​ໜຶ່ງ​ມີ​ການ​ນຳ​ໃຊ້​ຢາ​ຂ້າ​ຫຍ້າ, ຢາ​ປາບ​ສັດຕູ​ພືດ ​ແລະ ປຸ໋ຍ​ເລັ່ງຊະນິດ​ຕ່າງໆ​ເກີນ​ອັດຕາ​ກຳນົດ ​ແລະ ຮ້າຍ​ແຮງ​ໄປ​ກວ່າ​ນັ້ນ ​ແມ່ນ​ການ​ນ​ຳ​ໃຊ້​ສານ​ເຄມີ ​ເພື່ອ​ຮັກສາ​ຄວາມ​ສົດ​ຂອງ​ອາຫານ​ທີ່​ບໍ່​ຖືກຕ້ອງ​ຕາມ​ຫລັກ​ວິຊາ​ການ​ມີ​ແຜ່​ຫລາຍ ​ແລະ ຂາດ​ການ​ກວດກາ​ຄຸ້ມ​ຄອງ ຈຶ່ງ​ເຮັດ​ໃຫ້​ຜູ້​ບໍລິ​ໂພ​ກມີ​ຄວາມ​ສ່ຽງ​ຕໍ່​ຄວາມ​ປອດ​ໄພ​ຂອງ​ການ​ບໍລິ​ໂພ​ກ ​ແລະ ຜ່ານ​ມາ ​ເຖິງ​ວ່າ​ກົມ​ປູກຝັງ ກະຊວງ​ກະສິກຳ ​ແລະ ປ່າ​ໄມ້ ກໍ​ໄດ້​ອອກ​ຂໍ້​ກຳນົດ ​ແລະ ມາດຕະຖານ​ການ​ປູກ​ພືດ​ໃຫ້​ໃກ້​ຄຽງ​ກັບ​ສາກົນ ​ແລະ ພາກພື້ນ, ​ແຕ່​ເຫັນ​ວ່າ​ຍັງ​ບໍ່​ທັນ​ລະອຽດ ​ແລະ ບໍ່​ສາມາດ​ຈັດຕັ້ງປະຕິບັດ​ໃຫ້​ແທດ​ເໝາະ​ກັບ​ສະພາບ​ຄວາມ​ເປັນ​ຈິງ​ຂອງ​ແຕ່ລະ​ທ້ອງ​ຖິ່ນ​ໄດ້. ດັ່ງນັ້ນ ການ​ອອກ​ຂໍ້​ກຳນົດ​ນີ້​ຈະ​ຊ່ວຍ​ໃຫ້​ນະຄອນຫລວງ​ວຽງ​ຈັນ​ສາມາດ​ຄວບ​ຄຸມ ​ແລະ ດຳ​ເນີນ​ການ​ກວດກາ​ຄຸນ​ນະພາ​ບຂອງ​ພືດ ​ແລະ ຜະລິດ​ຕະພັນ​ພືດ​ດັ່ງກ່າວ​ມີ​ຄວາມ​ປອດ​ໄພ​ໄດ້. ພ້ອມ​ນັ້ນ ຍັງ​ເປັນ​ການ​ສົ່ງ​ເສີມ​ຜູ້​ຜະລິດ ​ແລະ ຈຳໜ່າຍ​ໃຫ້​ປະຕິບັດ​ຖືກຕ້ອງ​ຕາມ​ຫລັກ​ອະນາ​ໄມ. ດັ່ງນັ້ນ ຈຶ່ງ​ຂໍ​ຮຽກຮ້ອງ​ໃຫ້ການ​ຈັດຕັ້ງປະຕິບັດ​ຂໍ້​ຕົກລົງ​ນີ້​ປາກົດ​ຜົນ​ເປັນ​ຈິງ ​ເພື່ອ​ສຸຂະພາບ​ທີ່​ດີ​ຂອງ​ຜູ້​ບໍລິ​ໂພ​ກ, ສ້າງ​ໃຫ້​ນະຄອນຫລວງ​ວຽງ​ຈັນ​ມີ​ຄວາມ​ສີວິ​ໄລ.

ໂດຍ: ທ່ຽງ​ທຳ

- lattana 1 - ຂໍໃຫ້ຂໍ້ກຳນົດການກວດກາຄວາມປອດໄພ ຂອງພືດ ແລະ ຜະລິດຕະພັນພືດເປັນຈິງ
- 1 1 - ຂໍໃຫ້ຂໍ້ກຳນົດການກວດກາຄວາມປອດໄພ ຂອງພືດ ແລະ ຜະລິດຕະພັນພືດເປັນຈິງ
error: Content is protected !!