ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

- advert banner 728 90 728x90 - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

- 1i43kei2 - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

- new3 - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

ສານ​ສູງ​ສຸດ​ຂອງ​ຟີ​ລິບ​ປິນປະກາດ​ໃຫ້​ຄຳ​ສັ່ງ​ໃຊ້​ກົດ​ໄອ​ຍະ​ການ​ເສິກ​ຂອງ​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ມີ​ຜົນ​ຜູກ​ພັນຕາ​ມກົດໝາຍ, ຂະນະ​ທີ່​ລັດຖະບານ​ເຊື່ອ​ວ່າ: ຜູ້​ກໍ່​ການ​ຮ້າຍ​ຄົນ​ສຳຄັນ​ຍັງ​ລີ້​ຊ້ອນ​ຢູ່​ເມືອງ​ມາລາ​ວີ.

 

+ ກະບົດບັງຊາໂມໂຣຈັບຕົວປະກັນຢູ່ເກາະມິນດາເນົາ

+ ປະທານາທິບໍດີຟີລິບປິນເລັ່ງໃຊ້ກົດໄອຍະການເສິກແກ້ໄຂບັນຫາພາຍໃນປະເທດ

+ ຟີລິບປິນເລັ່ງໂຈມຕີກຸ່ມຕິດອາວຸດຢູ່ເມືອງທາງໃຕ້ ຫລັງຜ່ານມາເກືອບເດືອນແລ້ວ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 4 ກໍລະກົດ​ນີ້​ວ່າ: ສານ​ສູງ​ສຸດ​ຂອງ​ຟີ​ລິບ​ປິນມີ​ມະຕິ​ສຽງ​ສ່ວນ​ຫລາຍ 11 ສຽງ​ຕໍ່ 3 ສຽງ ​ແລະ ງົດ​ອອກສຽງ 1 ສຽງ ຮັບຮອງ​ໃຫ້​ຄຳ​ສັ່ງ​ການ​ໃຊ້​ກົດ​ໄອ​ຍະ​ການ​ເສິກ ທີ່​ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ປະກາດ​ບັງຄັບ​ໃຊ້​ຄວບ​ຄຸມ​ທັງ 22 ​ແຂວງ ຢູ່​ເກາະ​ມິນ​ດາ​ເນົາ ​ໃນ​ວັນ​ທີ 23 ພຶດສະພາ​ຜ່ານ​ມາ ​ໃຫ້​ມີ​ຜົນ​ຜູກ​ພັນຕາ​ມກົດໝາຍ ​ໂດຍ​ຖະ​ແຫລ​ງການ​ຂອງ​ສານ​ສູງ​ສຸດ​ບໍ່​ໄດ້​ລະບຸ​ເຫດຜົນ​ຂອງ​ການ​ຮັບຮອງ​ການ​ປະກາດ​ໃຊ້​ກົດ​ໄອ​ຍະ​ການ​ເສິກ​ຂອງ​ຜູ້ນຳ​ຟີ​ລິບ​ປິນ​ແຕ່​ຢ່າງ​ໃດ.

- lattana 1 - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

- t2sinh9r - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

ທັງ​ນີ້, ທ່ານ ດູ​ເຕີ​ເຕ ​ກ່າວ​ເນັ້ນມາ​ຕະຫລອດ​​ເຖິງ​ເຫດຜົນ​ຂອງ​ການ​ປະກາດ​ໃຊ້​ກົ​ດ​ໄອ​ຍະ​ການ​ເສິກ​ວ່າ: ​ເພື່ອ​ຂັດຂວາງ​ຄວາມ​ພະຍາຍາມ​ຂອງ​ກຸ່ມ IS ​ເຊິ່ງຕ້ອງການ​ຍ້າຍ​ຖານ​ທີ່​ໝັ້ນຈາກ​ຕາ​ເວັນ​ອອກ​ກາງ​ເຂົ້າມາ​ອາຊີ​ຕາ​ເວັນ​ອອກສຽງ​ໃຕ້ ​ແລະ ​ເລືອກ​ເມືອງ​ມາລາ​ວີ​ທີ່​ຕັ້ງຢູ່​ເກາະ​ມິນ​ດາ​ເນົາ​ເປັນ​ຈຸດໝາຍ​ທຳ​ອິດ, ອີກ​ທັງ​ເພື່ອ​ເປັນ​ການ​ມອບ​ອຳນາດ​ຢ່າງ​ເຕັມ​ສ່ວນ​ໃຫ້​ແກ່​ກອງທັບ​ໃນ​ການ​ປະຕິບັດ​ການ​ຮັກສາ​ຄວາມ​ສະຫງົບ.

- t14utbdv - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

ສຳລັບ​ກົດໝາຍ​ຂອງ​ຟີ​ລິບ​ປິ​ນອະນຸຍາດ​ໃຫ້ການ​ປະກາດ​ກົດ​ໄອ​ຍະ​ການ​ເສິກ​ມີ​ຜົນ​ເບື້ອງຕົ້ນ​ໃນ​ທັນທີ 60 ວັນ ນັບ​ແຕ່​ວັນ​ທີ່ປະທານາທິບໍດີ​ລົງ​ນາມ, ​ແຕ່​ການ​ຕໍ່​ເວລາ​ຈຳ​ເປັນ​ຕ້ອງ​ໄດ້​ຮັບ​ການ​ອະນຸມັດ​ຈາກ​ລັດຖະສະພາ ​ເຊິ່ງ​ແນ່ນອນ​ວ່າ ພັກ​ຝ່າຍ​ຄ້ານ​ອາດ​ບໍ່​ເຫັນ​ພ້ອມ​ຕໍ່​ການ​ໃຊ້​ກົດ​ໄອ​ຍະ​ການ​ເສິກ ​ເນື່ອງ​ຈາກ​ເປັນ​ຜູ້​ຍື່ນ​ຄຳ​ຮ້ອງ​ໃຫ້​ສານ​ສູງ​ສຸດ​ພິຈາລະນາ ​ໂດຍ​ປຽບທຽບ​ໃສ່​ສະຖານະ​ການ​​ໃນ​ຍຸກ​ຂອງ​ປະທານາທິບໍດີ ​ເຟີ​ດິນານ ມາກ​ອດ ​ເຊິ່ງ​ໃຊ້​ກົດ​ໄອ​ຍະ​ການ​ເສິກ​ເຖິງ 9 ປີ ລະຫວ່າງ​ປີ 1972-1999 ​ແລະ ທ່ານ ດູ​ເຕີ​ເຕ ກ່າວ​ອີກ​ວ່າ: ກົດ​ໄອ​ຍະ​ການ​ເສິກ​ໃນຍຸກ​ຂອງ​ທ່ານ​ຈະ​ຈິງ​ຈັງ​ກ່າວ​ຍຸກ​ຂອງ​ທ່ານ ມາກ​ອດ.

- hlqu6jbi - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

ຂະນະ​ທີ່​ສະຖານະ​ການ​ສູ້​ຮົບ​ຢູ່​ເມືອງ​ມາລາ​ວີ ລະຫວ່າງ​ກອງທັບ​ຟີ​ລິບ​ປິນກັບ​ກຸ່ມ​ກະບົດ​ເມົາ​ເຕ ​ເຊິ່ງ​ເປັນ​ແນວ​ຮ່ວມ​ຂອງ​ກຸ່ມ IS ນັ້ນຍັງ​ຍືດ​ເຍື້ອ ມີ​ຜູ້​ເສຍ​ຊີວິດ​ແລ້ວ​ຫລາຍ​ກວ່າ 460 ຄົນ ປະມານ 2 ​ໃນ 3 ​ເປັນ​ກຸ່ມ​ຄົນ​ຮ້າຍ ​ແລະ ປະຊາຊົນ​ບໍ່​ມີ​ບ່ອນຢູ່​ອາ​ໄສ​ອີກ​ຫລາຍ​ກວ່າ 400.000 ຄົນ, ສ່ວນ​ທ່ານ ​ເດ​ວຟິນ ລໍ​ເຣນຊາ​ນາ ລັດຖະມົນຕີ​ກະຊວງ​ປ້ອງ​ກັນ​ປະ​ເທດ​ຟີ​ລິບ​ປິນ ກ່າວ​ວ່າ: ທ່ານ ອິສນິລອນ ຮາ​ປິ​ລອນ ຜູ້​ບັນຊາ​ການ​ລະດັບ​ສູງ​ຂອງ​ກຸ່ມ​ອາ​ບາ​ໄຊ​ຍາບ ​ເປົ້າໝາຍ​ຂອງ​ປະຕິບັດ​ການ​ທາງ​ທະຫານ​ຂອງ​ເຈົ້າໜ້າ​ທີ່​ໃນ​ເທື່ອ​ນີ້ ທີ່​ຫລາຍ​ຝ່າຍ​ເຊື່ອ​ວ່າ​ຫລົບໜີ​ອອກ​ຈາກ​ເມືອງ​ໄປ​ແລ້ວ ຄວາມ​ຈິງ​ຍັງ​ລີ້​ຊ້ອນ​ຢູ່​ໃນ​ພື້ນທີ່.

- hkb2xkdg - ສານສູງສຸດຂອງຟີລິບປິນຮັບຮອງ ກົດໄອຍະການເສິກຂອງທ່ານ ດູເຕີເຕ

error: Content is protected !!