ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%

ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94% - Moderna to seek FDA emergency authorization after COVID 19 vaccine shows - ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%
ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94% - Untitled design - ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%

ຜົນ​ການ​ວິ​ເຄາະ​ຂອງ​ນັກວິທະຍາສາດອົງການ​ອາຫານ ​ແລະ ຢາ​ຂອງ​ອາ​ເມ​ລິ​ກາ (FDA) ລະບຸ​ວ່າ: ວັກ​ຊີ​ນຂອງ Moderna ປອດ​ໄພ ​ແລະ ມີ​ປະສິດທິພາບ​ໃນ​ການ​ປ້ອງ​ກັນ​ໂຄ​ວິດ-19 ລະດັບ 94% ​ເຊິ່ງປູ​ທາງ​ສູ່​ການ​ອະນຸມັດ​ນຳ​ໃຊ້​ໃຫ້​ປະຊາຊົນ​​ໃນ​ອາ​ເມ​ລິ​ກາ​ເປັນ​ກໍລະນີ​ສຸກ​ເສີນ​​ໃນ​ມໍ່ໆ​ນີ້ ​ໂດຍ​ຖື​ເປັນ​ຊະນິດ​ທີ 2 ຕໍ່​ຈາກ​ວັກ​ຊີ​ນທີ່​ພັດທະນາ​ໂດຍ Pfizer ​ແລະ BioNTech.

ຂ່າວ​ດັ່ງກ່າວ​ມີ​ຂຶ້ນຫລັງ​ຈາກ​ອາ​ເມ​ລິ​ກາ​ເລີ່​ມ​ແຈກ​ຢາຍ​ວັກ​ຊີ​ນຂອງ Pfizer ​ໄປ​ລັດ​ຕ່າງໆທົ່ວ​ປະ​ເທດ. ຂະນະ​ທີ່​ຈຳນວນ​ຜູ້​ເສຍ​ຊີວິດ​ສະ​ສົມ​ທົ່ວ​ປະ​ເທດ​ສູງ​ເຖິງ 300.000 ຄົນ ຈາກ​ຂໍ້​ມູນ​ຫລ້າສຸດ (16 ທັນວາ) ຂອງ​ມະຫາວິທະຍາ​ໄລ​ຈອນ​ຮອບ​ກິນ.

ສ່ວນ​ໜຶ່ງ​ໃນ​ເອກະສານ​ຂອງ​ນັກວິທະຍາສາດ FDA ຈຳນວນ 54 ໜ້າ ລະບຸ​ວ່າ: ບໍ່​ມີ​ຄວາມ​ກັງວົນດ້ານ​ຄວາມ​ປອດ​ໄພ​​ເປັນ​ກໍລະນີ​ສະ​ເພາະ. ຂະນະ​ທີ່​ຜົນ​ຂ້າງຄຽງ​ອັນຕະລາຍ ຫລື ອາການ​ບໍ່​ເພິ່ງ​ປະສົງ​ຮຸນ​ແຮງ​ເກີດ​ຂຶ້ນ​ໄດ້​ຍາກ ​ໂດຍ​ພົບ​ວ່າ​ມີ​ປະສິດທິພາບ​ໃນ​ການ​ປ້ອງ​ກັນ​ໄວຣັສ​ໃນ​ອັດຕາ 94,1% ຈາກ​ການ​ທົດ​ລອງ​ໃນ​ອາສາ​ສະໝັກ​ຈຳນວນ 30.000 ຄົນ.

ສຳລັບ​ຜົນ​ຂ້າງຄຽງ​ທົ່ວ​ໄປ​ນັ້ນ ພົບ​ວ່າ​ຜູ້​ຮັບ​ວັກ​ຊີ​ນອາດ​ມີ​ອາການ​ໄຂ້, ​ເຈັບຫົວ ​ແລະ ປວດ​ເມື່ອຍ​ກ້າມ​ຊີ້​ນ.

​ໂດຍ​ພາຍ​ໃນ 2 ມື້ຕໍ່ໜ້າ ຄະນະ​ກຳມະການ FDA ມີ​ກຳນົດ​ຈະ​ປະຊຸມ ​ເພື່ອ​ພິຈາລະນາ​ອະນຸມັດ​ນຳ​ໃຊ້​ວັກ​ຊີ​ນ​ໃນ​ປະ​ເທດ​ເປັນ​ກໍລະນີ​ສຸກ​ເສີນ​ຕໍ່​ໄປ ​ໂດຍ​ຄາດ​ວ່າ​ຈະ​ສາມາດ​ເລີ່​ມຂົນ​ສົ່ງ​ວັກ​ຊີ​ນດັ່ງກ່າວ​ໄດ້​ພາຍ​ໃນ 24 ຊົ່ວ​ໂມງ ຖ້າ​ໄດ້​ຮັບ​ອະນຸມັດ​ຈາກ​ຄະນະ​ຜູ້​ຊ່ຽວຊານ​ຂອງ FDA ​ແລະ ໜ່ວຍ​ງານ​ທີ່​ກ່ຽວຂ້ອງ​ແລ້ວ.

ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94% - Wave100S AD to Website 2020 0 - ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%

ສຳລັບ​ວັກ​ຊີ​ນທັງ​ສອງ​ນີ້​ເປັນ​ຊະນິດ mRNA ຫລື ​ໃຊ້​ການ​ຕັດ​ຕໍ່​ສານ​ພັນທຸ​ກຳ​ຄື​ກັນ, ​ແຕ່​ມີ​ເງື່ອນ​ໄຂ​ການ​ຂົນ​ສົ່ງ​ທີ່​ຕ່າງ​ກັນ ​ໂດຍ​ວັກ​ຊີ​ນ Moderna ສາມາດ​ເກັບ​ໃນ​ຕູ້​​​ແຊ່ອຸນຫະພູມ​ປະມານ -20 ອົງສາ ຄື​ກັບ​ຕູ້​​ແຊ່​ແຂງ​ທົ່ວ​ໄປ ​ເຊິ່ງຖື​ວ່າ​ງ່າຍ​ກວ່າ​ຫລາຍ. ຂະນະ​ທີ່ Pfizer ຕ້ອງ​ເກັບ​ໃນ​ຕູ້​ແຊ່​ພິ​ເສດ​ອຸນຫະພູມ​ເກືອບ -75 ອົງສາ.

​ໂດຍ​ປະຊາຊົນ​ທີ່​ຈະ​ໄດ້​ຮັບ​ວັກ​ຊີ​ນ​ເປັນ​ກຸ່ມ​ທຳ​ອິດ​ຄື​ບຸກຄະລາ​ກອນ​ການ​ແພດ​ໃນ​ພື້ນທີ່​ແນວ​ໜ້າ ​ແລະ ປະຊາຊົນ​ຜູ້​ອາຍຸ​ສູງ ຫລື ມີ​ບັນຫາ​ສຸຂະພາບ ​ເຊິ່ງມີ​ຄວາມ​ສ່ຽງ​ຕໍ່​ໂຄ​ວິດ-19 ຫລາຍ​ກວ່າ​ກຸ່ມ​ອື່ນໆ.

ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94% - WhatsApp Image 2020 05 27 at 5 - ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%
ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94% - WhatsApp Image 2020 05 27 at 5 - ອາເມລິກາໃກ້ອະນຸມັດວັກຊີນຊະນິດທີ 2 ຫລັງວັກຊີນ MOderna ປອດໄພ ມີປະສິດທິພາບ 94%
error: Alert: ເນື້ອຫາຂ່າວມີລິຂະສິດ !!