ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ

ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - 131728865 2762920670634935 3204102780637774402 n - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ
ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - Untitled design - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ

ພິທີອະໄພຍະໂທດປະຈຳປີ 2020 ໄດ້ຈັດຂຶ້ນຢູ່ທີ່ຄ້າຍຄຸມຂັງດັດສ້າງ ແຂວງວຽງຈັນ, ໂດຍການເປັນກຽດເຂົ້າຮ່ວມຂອງທ່ານ ທອງສະຫວັນ ວົງສຳພັນ ຮອງເລຂາພັກແຂວງ, ປະທານແນວລາສ້າງຊາດ ແຂວງວຽງຈັນ, ມີທ່ານ ບຸນຄ້ຳ ທຳມະວົງ ປະທານອົງການໄອຍະການປະຊາຊົນແຂວງ, ມີຕາງຫນ້າຈາກອົງການນິຕິບັນຍັດ, ທະຫານ, ຕຳຫລວດ ແລະ ນັກໂທດທີ່ໄດ້ຮັບການອະໄພຍະໂທດ ແລະ ປ່ອຍຕົວເຂົ້າຮ່ວມ.

ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - 132040604 2762920693968266 366095335432960361 n 300x200 - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ

ທ່ານ ທອງໃບ ສຸທໍາມະວົງ ຮອງຫົວຫນ້າອົງການໄອຍະການປະຊາຊົນແຂວງວຽງຈັນ ໄດ້ຂຶ້ນຜ່ານການຈັດຕັ້ງປະຕິບັດວຽກງານອະໄພຍະໂທດປະຈຳປີ 2020 ແລະ ແຜນການຈັດຕັ້ງປະຕິບັດວຽກງານອະໄພຍະໂທດປະຈຳປີ 2021, ຄະນະກຳມະການອະໄພຍະໂທດແຂວງວຽງຈັນ ໄດ້ສະຫຼຸບຕີລາຄາຜົນການຈັດຕັ້ງປະຕິບັດວຽກງານອະໄພຍະໂທດປະຈຳປີ 2020 ຄະນະກໍາມະການອະໄພຍະໂທດແຂວງວຽງຈັນໄດ້ເອົາໃຈໃສ່ປະຕິບັດໜ້າທີ່ຂອງຕົນໄປຕາມຂັ້ນຕອນ, ລະບຽບການ ແລະ ເຮັດເປັນໝູ່ຄະນະ, ມີຄວາມຮັບປະກັນ, ຖືກຕ້ອງ, ໂປ່ງໃສ ແລະ ໄວກວ່າປີຜ່ານມາ.

ຮອດວັນທີ 30 ພຶດສະພາ 2020 ທົ່ວແຂວງວຽງຈັນ ມີນັກໂທດທັງໝົດ 818 ຄົນ, ຍິງ 105 ຄົນ,ຕ່າງປະເທດ 1 ຄົນ, ຍິງ 2ຄົນ (ສັນຊາດໄທ), ນັກໂທດຂໍ້ຫາຢາເສບຕິດມີຈຳນວນ 595 ຄົນ, ຍິງ101ຄົນ, ຕ່າງປະເທດ 1 ຄົນ, ນັກໂທດຕະຫລອດຊີວິດມີ 1 ຄົນ, ນັກໂທດຂໍ້ຫາທົ່ວໄປ 223 ຄົນ, ຍິງ 4ຄົນ, ນັກໂທດທີ່ໄດ້ສະເໜີໃຫ້ອະໄພຍະໂທດຕາມລັດຖະດໍາລັດຂອງປະທານປະເທດປະຈຳປີ 2020 ມີທັງໝົດ 169 ຄົນ, ຍິງ 28 ຄົນ, ໃນນີ້ມີ 2 ປະເພດຄື: ນັກໂທດທີ່ໄດ້ຮັບການສະເໜີໃຫ້ອະໄພຍະໂທດຫຼຸດຜ່ອນໂທດມີຈຳນວນ 132 ຄົນ, ຍິງ 21 ຄົນ ໂຕນໜີຈາກຄ້າຍຄຸມຂັງ 1 ຄົນ ແລະ ຍ້າຍຊື່ໄປຢູ່ບັນຊີໃຫ້ອະໄພຍະໂທດປ່ອຍຕົວ 1 ຄົນ, ປັດຈຸບັນໄດ້ຮັບອະໄພຍະໂທດຫຼຸດຜ່ອນໂທດຕົວຈິງມີ 130 ຄົນ, ຍິງ 21 ຄົນ.

ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - Wave100S AD to Website 2020 0 - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ

ນັກໂທດຂໍ້ຫາຢາເສບຕິດມີຈຳນວນ 129 ຄົນ, ຍິງ 21 ຄົນ, ນັກໂທດຂໍ້ຫາທົ່ວໄປຈໍານວນ 1 ຄົນ, ນັກໂທດທີ່ໄດ້ສະເໜີໃຫ້ອະໄພຍະໂທດປ່ອຍຕົວໃນຈຳນວນ 37 ຄົນ, ຍິງ 7 ຄົນ ແມ່ນໄດ້ຮັບຈັດຕັ້ງປະຕິບັດພິທີປະກາດໃຫ້ອະໄພຍະໂທດປ່ອຍຕົວ ໃນວັນທີ 8 ທັນວາ 2020 ແລ້ວຊຶ່ງເປັນການແກ້ໄຂຊ່ວງໄລຍະປ້ອງກັນສະກັດກັ້ນ ແລະ ຄວບຄຸມການແຜ່ລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃໝ່ໂກວິດ-19 ຕາມລັດຖະດໍາລັດຂອງປະທານປະເທດສະບັບເລກທີ 201/ປປທ, ລົງວັນທີ 11 ພະຈິກ 2020 ແລະ ແຈ້ງການຂອງກົມຕໍາຫຼວດຄ້າຍຄຸມຂັງ-ດັດສ້າງ ສະບັບເລກທີ 3991/ກດສ, ລົງວັນທີ 20 ພະຈິກ 2020.

ທັງນີ້ກໍເພື່ອເປັນການປະຕິບັດຕາມລັກຖະດໍາລັດຂອງປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ວ່າດ້ວຍການໃຫ້ອະໄພຍະໂທດແກ່ນັກໂທດທີ່ມີຄວາມກ້າວໜ້າໃນຂອບເຂດທົ່ວປະເທດ ເນື່ອງໃນໂອກາດວັນຊາດທີ 2 ທັນວາ 2020 ຄົບຮອບ 45 ປີ.

ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - WhatsApp Image 2020 05 27 at 5 - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ
ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ - WhatsApp Image 2020 05 27 at 5 - ແຂວງວຽງຈັນອະໄພຍະໂທດໃຫ້ນັກໂທດທີ່ສ້າງຕົນເອງດີ
error: Alert: ເນື້ອຫາຂ່າວມີລິຂະສິດ !!