ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

- AGL banner - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

- jjftlkzc - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

ທາງ​ການ​ຍີ່ປຸ່ນ​ລະດົມ​ກຳລັງ​ເຈົ້າໜ້າ​ທີ່​ລົງພື້ນທີ່​ໃນ​ພາກພື້ນ​ເກາະ​ຄິວ​ຊູ ທີ່ຢູ່​ທາງ​ຕອນ​ໃຕ້​ຂອງ​ປະ​ເທດ ​ເພື່ອ​ຊ່ວຍ​ເຫລືອ​ປະຊາຊົນ​ທີ່​ກຳລັງ​ເດືອດຮ້ອນ​ຢ່າງ​ໜັກຈາກ​ອິດ​ທິພົນ​ຂອງ​ໄຕ້​ຝຸ່ນ​ນັນ​ມາດ​ອນ ທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 2 ຄົນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຟຸກຸ​ໂອ​ກະ ປະ​ເທດ​ຍີ່ປຸ່ນ ​ໃນ​ວັນ​ທີ 6 ກໍລະກົດ​ນີ້​ວ່າ: ທ່ານ ​ໂຢຊິ​ຮິ​ເດະ ຊີ​ກະ ​ເລຂາທິການ​ຄະນະ​ລັດຖະບານ​ຍີ່ປຸ່ນ ຖະ​ແຫລ​ງ​ໃນ​ວັນ​ທີ 6 ກໍລະກົດ​ວ່າ: ລັດຖະບານ​ມີ​ຄຳ​ສັ່ງ​ລະດົມ​ກຳລັງ​ເຈົ້າໜ້າ​ທີ່​ທັງທະຫານ, ຕຳຫລວດ ​ແລະ ອາສາ​ສະໝັກ​ພົນລະ​ເຮືອນ ຫລາຍ​ກວ່າ 7.500 ຄົນ ລົງພື້ນທີ່​ໃນ​ພາກພື້ນ​ເກາະ​ຄິວ​ຊູ ທີ່ຢູ່​ທາງ​ຕອນ​ໃຕ້​ຂອງ​ປະ​ເທດ ​ເພື່ອ​ໃຫ້ການ​ຊ່ວຍ​ເຫລືອ​ປະຊາຊົນ​ໃນ​ພື້ນທີ່ ​ເຊິ່ງ​ໄດ້​ຮັບ​ຄວາມ​ເດືອດຮ້ອນ​ຢ່າງ​ໜັກ​ຈາກ​ອິດ​ທິພົນ​ຂອງ​ໄຕ້​ຝຸ່ນ​ນັນ​ມາດ​ອນ ທີ່​ຂຶ້ນຝັ່ງ​ບໍລິ​ເວນ​ແຂວງ​ຟຸກຸ​ໂອ​ກະ ທີ່ຢູ່​ທາງ​ຕາ​ເວັນ​ອອກສຽງ​ໃຕ້​ ​ໃນ​ວັນ​ທີ 5 ກໍລະກົດ.

- 0kan7yk4 1 - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

- Wave100S AD to Website 2020 0 - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

ທັງ​ນີ້, ອິດ​ທິພົນ​ຂອງ​ພາຍຸ​ສົ່ງ​ຜົນ​ໃຫ້​ເກີດຝົນ​ຟ້າ​ຄະນອງ​ຮຸນ​ແຮງ ທີ່​ມີ​ປະລິມານ​ນ້ຳຝົນ​ສູງ​ເຖິງ 774 ມິນ​ລີ​ແມັດ ພາຍ​ໃນ​ໄລຍະ​ເວລາ​ພຽງ 9 ຊົ່ວ​ໂມງ ຫລາຍ​ກວ່າ​ປະລິມານ​ນ້ຳຝົນ​ສະ​ເລ່ຍ​ໃນ​ເດືອນ​ກໍລະກົດ​ຂອງ​ຍີ່ປຸ່ນ​ເຖິງ 2,2 ​ເທົ່າ. ມີ​ລາຍ​ງານ​ຜູ້​ເສຍ​ຊີວິດ​ຢ່າງ​ໜ້ອຍ 2 ຄົນ, ຍັງ​ສູນຫາຍ​ຫລາຍ​ກວ່າ 10 ຄົນ ​ແລະ ອີກ​ຫລາຍ​ກວ່າ 400.000 ຄົນ​ຕ້ອງ​ອົບ​ພະຍົບອອກ​ຈາກ​ບ່ອນຢູ່​ອາ​ໄສ.

ສ່ວນສຳນັກງານ​ອຸຕຸ​ນິຍົມ​ວິທະຍາ​ຍີ່ປຸ່ນ (JMA) ອອກ​ປະກາດ​ເຕືອນ​ໄພ​ການ​ເກີດ​ດິນ​ເຈື່ອນ ​ແລະ ນ້ຳຖ້ວມ​ກະທັນຫັນ​ໃນ​ພື້ນທີ່​ແຂວງ​ຟຸກຸ​​ໂອ​ກະ ​ແລະ ​ແຂວງ​ໂອ​ອິຕະ ພ້ອມ​ທັງ​ພະຍາກອນ​ວ່າ​ຝົນ​ຈະ​ຍັງ​ຕົກລົງ​ມາ​ຢ່າງ​ໜັກ​ຢູ່​ເກາະ​ຄິວ​ຊູ ​ແລະ ​ເກາະ​ຂະໜາດ​ນ້ອຍ​ທີ່ຢູ່​ໃກ້​ຄຽງ​ຈົນ​ຮອດ​ວັນ​ທີ 7 ກໍລະກົດ​ນີ້.

- 3okrfpoy - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ

- lattana 1 - ໄຕ້ຝຸ່ນນັນມາດອນ ຖະຫລົ່ມພາກໃຕ້ຍີ່ປຸ່ນ
error: Alert: Content is protected !!