ມຽນມາ ມອບ-ຮັບວັກຊີນຕ້ານໂຄວິດ-19 ຊຸດທຳອິດ 1,5 ລ້ານໂດສ

- aung san suu kyi myanmar covid 19 vaccine - ມຽນມາ ມອບ-ຮັບວັກຊີນຕ້ານໂຄວິດ-19 ຊຸດທຳອິດ 1,5 ລ້ານໂດສ
- Untitled design - ມຽນມາ ມອບ-ຮັບວັກຊີນຕ້ານໂຄວິດ-19 ຊຸດທຳອິດ 1,5 ລ້ານໂດສ

ວັນ​ທີ 22 ມັງກອນ 2021, ທ່ານ ນາງ ອອງຊານ ຊູ​ຈີ ທີ່​ປຶກສາ​ແຫ່ງ​ລັດ​ຂອງ​ມຽນມາ ລະບຸ​ວ່າ: ມຽນມາ​ຄາດ​ຄະ​ເນ​ວ່າ​ຈະ​ໄດ້​ຮັບ​ວັກ​ຊີ​ນປ້ອງ​ກັນ​ພະຍາດ​ຕິດ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່ (​ໂຄ​ວິດ-19) ຊຸດ​ທຳ​ອິດ​ໃນ​ມື້ນີ້.

ນາງ ອອງຊານ ຊູ​ຈີ ຜູ້​ດຳລົງ​ຕຳ​ແໜ່​ງປະທານ​ຄະນະ​ກຳມະການ​ກາງ​ດ້ານ​ການ​ປ້ອງ​ກັນ, ຄວບ​ຄຸມ ​ແລະ ປິ່ນປົວ​ພະຍາດ​ໂຄ​ວິດ-19 ຂອງ​ມຽນມາ ກ່າວ​ວ່າ: ວັກ​ຊີ​ນຈຳນວນ 1,5 ລ້ານ​ໂດ​ສ ຈະ​ສົ່ງ​ມອບ​ເຖິງ​ມຽນມາ ​ເຊິ່ງພຽງພໍ​ສຳລັບ​ປະຊາກອນ 750.000 ຄົນ.

​ເຈົ້າໜ້າ​ທີ່​ທາງ​ການ​ແພດ ​ແລະ ອາສາ​ສະໝັກ​ຈະ​ໄດ້​ຮັບ​ວັກ​ຊີ​ນ​ເປັນ​ກຸ່ມ​ທຳ​ອິດ. ຂະນະ​ທີ່​ສະມາຊິກ​ລັດຖະບານ, ຜູ້​ມີ​ບົດບາດ​ສຳຄັນ​ໃນ​ການ​ຊ່ວຍ​ປະ​ເທດ​ໃຫ້​ກັບ​ມາ​ດຳ​ເນີນ​ງານ ​ແລະ ສະມາຊິກ​ສະພາ​ແຫ່ງ​ສະຫະພາບ (Union Parliament) ຈະ​ໄດ້​ຮັບ​ວັກ​ຊີ​ນ​ເປັນ​ລຳດັບ​ຕໍ່​ໄປ, ຖັດມາ​ແມ່ນ​ກຸ່ມ​ຄົນ​ທີ່​ມີ​ຄວາມ​ສ່ຽງ​ຕິດ​ເຊື້ອສູງ ​ໄດ້​​ແກ່ ຜູ້​ອາຍຸ​ສູງ, ຜູ້​ທີ່​ມີ​ພະຍາດ​ປະຈຳ​ຕົວ ​ແລະ ຜູ້​ອາ​ໄສ​ຢູ່​ໃນ​ບ່ອນປະຊາກອນ​ແອ​ອັດ.

ນາງ ອອງຊານ ຊູ​ຈີ ກ່າວ​ວ່າ: ວັກ​ຊີ​ນ​ແບ່ງ​ອອກ​ເປັນ 2 ​ໂດ​ສ ​ໂດຍ​ຄາດ​ວ່າ​ປະຊາຊົນຈະ​ໄດ້​ຮັບ​ວັກ​ຊີ​ນ​ເຂັມ​ທຳ​ອິດ​ໃນ​ອາທິດ​ໜ້າ, ສ່ວນ​ເຂັມ​ທີ​ສອງ​ຈະ​ໄດ້​ຮັບ​ອີກ 28 ວັນ​ຫລັງ​ຈາກ​ສັກ​ເຂັມ​ທຳ​ອິດ.

- Wave100S AD to Website 2020 0 - ມຽນມາ ມອບ-ຮັບວັກຊີນຕ້ານໂຄວິດ-19 ຊຸດທຳອິດ 1,5 ລ້ານໂດສ

ທັງ​ນີ້, ກະຊວງ​ສາທາລະນະ​ສຸກ ​ແລະ ກິລາ​ຂອງ​ມຽນມາ ລາຍ​ງານ​ການກວດ​ພົບ​ຜູ້​ຕິດ​ເຊື້ອ​ເພີ່ມ 445 ຄົນ ​ແລະ ຜູ້​ເສຍ​ຊີວິດ​ໃໝ່ 16 ຄົນ​ໃນ​ໄລຍະ 24 ຊົ່ວ​ໂມງ​ຜ່ານ​ມາ ​ເຮັດ​ໃຫ້​ໃນ​ວັນ​ທີ 21 ມັງກອນ ມຽນມາ​ມີ​ຜູ້​ຕິດ​ເຊື້ອ ​ແລະ ຜູ້​ເສຍ​ຊີວິດ​ສະ​ສົມ 136.166 ຄົນ ​ແລະ 3.013 ຄົນຕາມ​ລຳດັບ. ສ່ວນ​ອັດຕາ​ຜົນ​ກວດ​ພະຍາດ​ເປັນ​ບວກ​ໃນ​ປະ​ເທດ​ມີ 2,3% ຕໍ່າ​ກວ່າ 5% ມາ​ດົນ​ກວ່າ 1 ​ເດືອນ ນັບ​ແຕ່​ວັນ​ທີ 18 ທັນວາ 2020.

ອີກ​ອັນ​ໜຶ່ງ ກະຊວງ​ສາທາລະນະ​ສຸກ ​ແລະ ກິລາ​ຂອງ​ມຽນມາ ທົດ​ສອບ​ຕົວຢ່າງ​ເພື່ອ​ກວດ​ພະຍາດ​ໂຄ​ວິດ-19 ​ແລ້ວ​ຫລາຍ​ກວ່າ 2,21 ລ້ານ​ລາຍການ ນັບ​ແຕ່​ມຽນມາກວດພົບ​ຜູ້​ຕິດ​ເຊື້ອຄົນ​ທຳ​ອິດ​ໃນ​ປະ​ເທດ​ເມື່ອ​ວັນ​ທີ 23 ມີ​ປີຜ່ານມາ.

- WhatsApp Image 2020 05 27 at 5 - ມຽນມາ ມອບ-ຮັບວັກຊີນຕ້ານໂຄວິດ-19 ຊຸດທຳອິດ 1,5 ລ້ານໂດສ
error: Alert: ເນື້ອຫາຂ່າວມີລິຂະສິດ !!