ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022

ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - 57270 o - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022
ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - Untitled design - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022

ໃນ​ວັນ​ທີ 17 ມີນາ​ນີ້, ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ, ລັດຖະມົນຕີ​ກະຊວງ​ແຜນການ ແລະ ການ​ລົງທຶນ ​ພ້ອມ​ພະນັກ​ງານ​ວິຊາ​ການ ​ໄດ້ລົງ​ຕິດຕາມ​ໂຄງການ​ກໍ່ສ້າງ​ໂຮງ ໝໍ​ມະໂຫສົດ​​, ​ໂດຍ​ການ​​ຕ້ອນຮັບ​ຂອງ​ທ່ານ ບຸນ​ແຝງ ພູມ​ມະ​ໄລ​ສິດ ແລະ ທ່ານ ພູທອນ ເມືອງ​ປາກ ຮອງ​ລັດຖະມົນຕີ ກະຊວງ​ສາ​ທາ​ລະນະ​ສຸກ.

ທ່ານ ​ຫວັງ ຊິ​ກັງ (Wan Zhigang) ຫົວໜ້າ​ກຸ່ມ​ເຕັກນິກ ໂຄງການ​ກໍ່ສ້າງໂຮງໝໍ​ມະໂຫສົດ ໃຫ້ຮູ້​ວ່າ: ໂຄງການ​ນີ້​ແມ່ນ​ໂຄງການ​ຊ່ວຍເຫລືອ​ໂຮງໝໍ​ມະໂຫສົດ​ມີ​ເນື້ອ​ທີ 30.300 ຕາແມັດ ແລະ ເນື້ອທີ່​ປຸກ​ສ້າງ 54.792 ຕາແມັດ, ໂຄງການ​ນີ້​ເປັນ​ໂຄງການ​ທີ່​ມີ​ຄວາມ​ໝາຍ​ຄວາມ​ສຳຄັນ​ມິດຕະພາບ​ລະຫວ່າງ​ປະຊາຊົນ​ຈີນ ແລະ ປະຊາຊົນ​ລາວ ຊຶ່ງ​ເປັນ​ໂຄງການ​ທີ່​ປະທານ​ປະເທດຂອງ​ສອງ​ປະ​ເທດ ໄດ້​ຮ່ວມ​ວາງ​ສີ​ລາ​ລືກ ແລະ ເປັນ​ໂຮງໝໍ​ຂະໜາດ​ໃຫຍ່​ທີ່​ສຸດ, ຕຽງ​ນອນ​ຫລາຍ​ທີ່​ສຸດ ແລະ ລົງທຶນ​ຫລາຍ​ກວ່າ​ໝູ່​ໃນ​ປະຫວັດການ​ຊ່ວຍເຫລືອ​ຈາກ​ລັດຖະບານ​ຈີນ. ເມື່ອ​ສ້າງ​ສຳເລັດ​ແລ້ວ​ຈະ​ກາຍເປັນ​ໂຮງໝໍ​ທີ່​ໃຫຍ່​ທີ່​ສຸດ​ຂອງ​ ສປປ ລາວ, ມີ​ເຄື່ອງ​ຈັກ​-​ອຸປະກອນ​ຄົບ​ຊຸດ ແລະ ທັນ​ສະໄໝ ແລະ ມີພະແນກການ​ແພດ​ຄົບ​ຖ້ວນ ແລະ ໄດ້ມາດຕະຖານ​ສູງ​ສຸດ, ສາມາດ​ກຳນົດ​ເປັນ​ສູນຝຶກ​ອົບຮົມ ແລະ ຄົ້ນ​ຄ້​ວາ​ວິທະຍາ​ການ​ແພດ​ທີ່​ສຳຄັນ​ທີ່​ສຸດ. ຕາມ​ແຜນການ​ກໍ່ສ້າງ​ໄລຍະ​ທີ 1 ແມ່ນ​ສຳເລັດ​ໃນ​ເດືອນ 7 ປີ 2020, ເດືອນ 8 ມອບ​ໃຫ້​ໂຮງໝໍ​ແຕ່​ຍ້ອນ​ວ່າ​ຖືກ​ຜົນ​ກະທົບ​ຈາກ​ໂຄ​ວິດ-19 ແລະ ນັບ​ແຕ່ວັນ​ທີ 23 ເດືອນມັງ​ກອນ ປີ 2020 ວິຊາ​ການ, ວັດຖຸ​ດິບ ແລະ ວັດ​ສະ​ດຸ​ກໍ່ສ້າງ​ກໍ​ເຂົ້າ​ມາ​ບໍ່​ໄດ້ ເຮັດ​ໃຫ້​ວຽກ​ໃນ​ການ​ກໍ່ສ້າງ​ຂອງ​ໄລຍະ​ໜຶ່ງ​ຖືກເລື່ອນ​ເວລາ, ເຖິງ​ວ່າ​ວິ​ຊາ​ການເຕັກນິກ​ ​ໄດ້​ຊອກ​ວິທີ​ມາ​ແກ້​ໄຂ​ແຕ່​ວ່າ​ຍັງ​ຫລີກເວັ້ນ​ບໍ່​ໄດ້​ເຮັດ​ໃຫ້​ບໍ່​ທັນ​ເວລາ, ອີງ​ຕາມ​ສະພາບ​ການ ແລະ ເງື່ອນໄຂ​ຕົວ​ຈິງ​ການ​ຮ່ວມ​ມື​ປະຕິບັດ​ມາດ​ຕະການ​ບໍ່​ໃຫ້ການ​ແຜ່​ລະບາດ, ກຸ່ມເຕັກນິກ​ກໍ່ສ້າງ​ກຳລັງ​ຈັດ​ວິຊາ​ການ ແລະ ວັດຖຸ​ດິບ​ເຂົ້າ​ພາກ​ສະໜາມ ເພື່ອ​ຍາດ​ເວລາ​ໃຫ້​ໂຄງການ​ສຳເລັດ ແລະ ມອບ​ໃຫ້​ໂຮງໝໍ​ນຳ​ໃຊ້​ ຊຶ່ງ​ຄາດ​ຄະເນ​ໄລຍະ 1 ແມ່ນ​ເດືອນພຶດສະພາ ປີ 2021, ສ່ວ​ນ​ໄລຍະ 2 ຄາດ​ຄະເນ​ວ່າ​ເດືອນກໍລະກົດ ປີ 2022 ຈະ​ໃຫ້​ສຳເລັດ.

ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - 160 1 300x179 - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022

ໂອ​ກາດ​ນີ້, ​ທ່ານ ຮອງນາຍົກ ມີຄຳເຫັນວ່າ: ໂຮງໝໍ​ມະ​ໂຫ​ສົດ​ທັນ​ສະໄໝ​ເປັນ​ໂຮງ​​ໝໍ​ທີ່​ມີ​ຄວາມ​ສຳຄັນ ແລະ ເປັນ​ໂຮງໝໍ​ທີ່​ໃຫຍ່​ມີ​ປະສົບການ ແລະ ບົດຮຽນ​ໃນ​ການ​ບໍລິການ​ກວດ​ສຸຂະພາບ​ໃຫ້​​ປະຊາຊົນ​ ໂດຍ​ສະເພາະ​ຊາວ​ນະຄອນຫລວງ​ວຽງ​ຈັນ, ​ຕໍ່ໜ້າ​ນີ້​ຕ້ອງ​ຍົກ​ລະດັບ​ຄຸນ​ນະ​ພາບ​ມາດຕະຖານ​ໂຄງ​ລ່າງ​ໃຫ້​ແກ່​ການ​ເຂົ້າ​ເຖິງ​ດ້ານ​ສາ ທາລະນະ​ສຸກ​ ເປັນຕົ້ນ​ສູ້​ຊົນ​ວາລະ​ພັດທະນາ​ແບບ​ຍືນ​ຍົງ 2030 ແລະ ເພື່ອ​ເຮັດ​ແນວໃດ​ບໍ່​ໃຫ້​ຄົນ​ລາວ​ຫລັ່ງ​ໃຫລ​ອອກ​ໄປ​ຕ່າງປະເທດ ​ໂດຍ​ສະເພາະ​ປະເທດ​ເພື່ອນ​ບ້ານ​ໃກ້​​ຄຽງ​ຖ້າ​ຫາກ​ເຮົາ​ມີ​ໂຮງໝໍ​ທັນ​ສະໄໝ​ອັນ​ນີ້​ມັນ​ສະແດງ​ເຖິງ​ຄວາມ​ເອົາໃຈໃສ່​ຂອງ​ພັກ ແລະ ລັດ ເພື່ອ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ ແລະ ເພື່ອ​ເຮັດ​ໃຫ້​ປະຊາຊົນ​ຫລຸດ​ພົ້ນ​ຄວາມທຸກ​ຍາກ ແລະ ນອກຈາກ​ເຄື່ອງມື​ການ​ແພດ​ທັນ​ສະໄໝ​ແລ້ວ ຕ້ອງ​ສຶກສາ​ການເມືອງ​ແນວ​ຄິດ​ຕື່ມ​ເປັນຕົ້ນ​ຈັນ​ຍາ​ບັນ​ຈັນຍາທຳ​ຕ້ອງ​ໄດ້​ມີ​ການ​ປັບ​ປ່ຽນ.

ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - Wave100S AD to Website 2020 0 - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022

 

ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - WhatsApp Image 2020 05 27 at 5 - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022
ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022 - WhatsApp Image 2020 05 27 at 5 - ໂຮງໝໍມະໂຫສົດຫລັງໃໝ່​ຈະສ້າງ​ໃຫ້​ສຳເລັດໃນເດືອນກໍລະກົດ ປີ 2022
error: Alert: ເນື້ອຫາຂ່າວມີລິຂະສິດ !!