5 ຂໍ້ເສຍທີ່ເກີດຈາກການມັກໝົກໝຸ້ນຢູ່ກັບອະດີດ

ມາເບິ່ງກັນວ່າ ການໝົກໝຸ້ນຢູ່ກັບອະດີດ ນຶກເຖິງຄວາມເຈັບປວດ ຫລື ຄວາມຜິດພາດໃນອະດີດຂອງໂຕເອງເປັນປະຈຳນັ້ນ ສົ່ງຜົນເສຍຕໍ່ໂຕເຮົາແນວໃດແດ່ ?

• ຄິດແຕ່ເລື່ອງທາງລົບຂອງໂຕເອງຈົນລືມຄິດເຖິງທາງແກ້ໄຂ : ເຮົາຄວນຮຽນຮູ້ຈາກຄວາມຜິດພາດໃນອະດີດ ແລ້ວແກ້ໄຂບັນຫາ, ຫາທາງປ້ອງກັນບໍ່ໃຫ້ເກີດຂຶ້ນອີກ, ບໍ່ແມ່ນນຶກໂທດໂຕເອງຢ່າງດຽວ.
• ອາການຊຶມເສົ້າ ແລະ ວິຕົກກັງວົນຮຸນແຮງຂຶ້ນ : ເຖິງວ່າໃນຄົນປົກກະຕິ ເມື່ອທົດລອງໃຫ້ຄິດໃນສິ່ງບໍ່ດີຊຳ້ໄປຊຳ້ມາ ກໍເກີດອາການຊຶມເສົ້າຂຶ້ນມາໄດ້ຄືກັນ.
• ສະໝອງບໍ່ໄດ້ຮັບການພັກຜ່ອນ : ເມື່ອຄິດເຖິງເລື່ອງບໍ່ດີຊຳ້ໄປຊຳ້ມາ ຮ່າງກາຍຈະຫລັ່ງ່ສານສື່ປະສາດທີ່ບໍ່ດີອອກມາຫລາຍ ເຮັດໃຫ້ເຄັ່ງຄຽດຫລາຍຂຶ້ນ.
• ບັ່ນທອນສຸຂະພາບ : ຄວາມເຄັ່ງຄຽດຈະເຮັດໃຫ້ເຮົາໂສກເສົ້າຫລາຍຂຶ້ນ ວິຕົກກັງວົນຫລາຍຂຶ້ນ.
• ຄວາມຈື່ຈຳຫລຸດປະສິດທິພາບລົງ : ມີຂໍ້ສັນນິຖານວ່າຄົນທີ່ເມົາແຕ່ຄິດເຖິງຕົນເອງໃນທາງລົບຫລາຍເກີນໄປ ອາດສົ່ງຜົນຕໍ່ຄວາມຈື່ຈຳ ເຮັດໃຫ້ບໍ່ສາມາດຈະລະນຶກເຖິງສິ່ງທີ່ສະເພາະເຈາະຈົງໄດ້.