7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ

7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - 031112 2020 - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ
7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - Untitled design - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ

ແມ່ລູກອ່ອນ ຫລື ພໍ່ລູກອ່ອນທຸກຄົນລ້ວນແຕ່ຕ້ອງພະເຊີນກັບບັນຫາການອົດນອນ ເຊິ່ງຮ່າງກາຍທີ່ຕ້ອງອົດນອນເປັນເວລາຫລາຍມື້ຕິດຕໍ່ກັນ ມັນສົ່ງຜົນໃຫ້ຮ່າງກາຍຂອງທ່ານອິດເມື່ອຍອ່ອນເພຍ ແລະ ມີອາລົມທີ່ຫງຸດຫງິດ ຫລື ປັ່ນປ່ວນໄດ້ງ່າຍ. ດັ່ງນັ້ນ, ມື້ນີ້ພວກເຮົາຈຶ່ງມີວິທີຮັບມືເມື່ອຕ້ອງອົດຫລັບອົດນອນເປັນປະຈຳມາແນະນຳບັນດາທ່ານດັ່ງນີ້ :

7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - 011112 2020 300x180 - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ

7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - Wave100S AD to Website 2020 0 - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ
  1. ເຊືອບຫລັບພັກເອົາແຮງພ້ອມກັບລູກ : ໃນໄລຍະທີ່ລູກຫລັບໄປແລ້ວ ແນະນຳໃຫ້ພໍ່ແມ່ເຊືອບຫລັບໄປພ້ອມໆກັບລູກ ຢ່າງໜ້ອຍກໍຊ່ວຍໃຫ້ທ່ານສາມາດພັກເອົາແຮງໄດ້ແດ່ ເຊິ່ງໄລຍະເວລາການເຊືອບຫລັບທີ່ດີສຸດ ແລະ ບໍ່ເຮັດໃຫ້ມີອາການອ່ອນເພຍກໍຄື ປະມານ 30 – 60 ນາທີ ບໍ່ຄວນຫລັບດົນກ່ວານີ້ ເພາະຈະເຮັດໃຫ້ຮ່າງກາຍເຂົ້າສູ່ໄລຍະຫລັບເລິກ ເຊິ່ງຈະສົ່ງຜົນໃຫ້ຮ່າງກາຍຮູ້ສຶກອ່ອນເພຍເມື່ອຕື່ນຂຶ້ນມາ.
  2. ຜ່ອນຄາຍຮ່າງກາຍຂະນະເອົາລູກກິນນົມ : ໃນເວລາທີ່ເອົາລູກກິນນົມ ຫລື ລຸກມາຊົງນົມໃຫ້ລູກ ໂດຍສະເພາະໃນຕອນກາງຄືນ ແນະນຳໃຫ້ແມ່ຜ່ອນຄາຍຮ່າງກາຍນຳສະເໝີ ເຊັ່ນ : ຫາຍໃຈເຂົ້າ-ອອກເລິກໆ, ເລືອກທ່າໃຫ້ນົມທີ່ເໝາະສົມ ແລະ ສາມາດຜ່ອນຄາຍຮ່າງກາຍໄດ້. ສຳຄັນທີ່ສຸດໃນໄລຍະເວລາທີ່ກຳລັງເອົາລູກກິນນົມ ຫລື ຊົງນົມຝຸ່ນໃຫ້ລູກກິນ ກໍຄື ແມ່ຫ້າມເຊືອບຫລັບ ຫລື ເຜີຫລັບເດັດຂາດ.
  3. ຝຶກລູກໃຫ້ຫລັບເປັນເວລາ : ແນ່ນອນວ່າວິທີນີ້ອາດໃຊ້ໄດ້ເມື່ອລູກມີອາຍຸປະມານ 2 ເດືອນຂຶ້ນໄປ ເພາະໃນໄລຍະເວລາ 1 – 2 ເດືອນ ລູກຍັງຄົງບໍ່ສາມາດໄຈ້ແຍກກາງເວັນ ແລະ ກາງຄືນໄດ້, ການຝຶກລູກໃຫ້ຫລັບເປັນເວລາຈະຊ່ວຍໃຫ້ແມ່ມີເວລາພັກຜ່ອນໄປນຳ ຢ່າງໜ້ອຍກໍໄດ້ມີເວລານອນຫລັບເປັນເວລາໄປພ້ອມໆກັບລູກ.
  4. ເລືອກກິນອາຫານແຊບໆ : ເມື່ອຮ່າງກາຍພະເຊີນກັບການຕ້ອງອົດຫລັບອົດນອນ ແມ່ຈຶ່ງຄວນຫາວິທີທີ່ຈະຊ່ວຍທົດແທນສິ່ງທີ່ຮ່າງກາຍຂາດໄປດ້ວຍການກິນອາຫານແຊບໆ ແລະ ໃຫ້ປະໂຫຍດຕໍ່ຮ່າງກາຍ ຢ່າງໜ້ອຍກໍຊ່ວຍໃຫ້ຮ່າງກາຍໄດ້ຮັບສານອາຫານທີ່ດີ ທັງຍັງຊ່ວຍໃຫ້ອາລົມຂອງແມ່ບໍ່ຫງຸດຫງິດຈາກການທີ່ຕ້ອງອົດນອນນຳອີກ ແລະ ຍັງຊ່ວຍໃຫ້ມີແຮງເຝົ້າລູກນອນໄດ້ອີກຫລາຍຊົ່ວໂມງ.
  5. ຢຸດພັກເລື່ອງວຽກເຮືອນ : ເຊື່ອວ່າແມ່ຫລາຍຄົນມັກເອົາຫລາກຫລາຍເລື່ອງມາກັງວົນ ໂດຍສະເພາະເລື່ອງວຽກເຮືອນ ເຊິ່ງເມື່ອຮ່າງກາຍຕ້ອງອົດນອນທຸກມື້ ເລື່ອງວຽກເຮືອນຈຶ່ງຄວນເປັນອີກເລື່ອງໜຶ່ງທີ່ແມ່ຄວນຢຸດພັກ ບໍ່ຄວນຝືນຮ່າງກາຍຮັບຜິດຊອບທຸກຢ່າງ ເພາະອາດເຮັດໃຫ້ເກີດຜົນເສຍຕໍ່ສຸຂະພາບຂອງແມ່ໄດ້.
  6. ງົດອອກໄປຂ້າງນອກ : ຫາກມີເວລາໃຫ້ພໍໄດ້ພັກແດ່ ແນະນຳໃຫ້ແມ່ຕັດການອອກໄປຂ້າງນອກ ແລ້ວປ່ຽນມາເປັນການນອນພັກຜ່ອນເພື່ອເກັບແຮງຈະດີກ່ວາ ທັງນີ້ຮ່າງກາຍທີ່ຜ່ານການອົດນອນເປັນເວລາຫລາຍມື້ ອາດເຮັດໃຫ້ແມ່ເສຍຄວາມໝັ້ນໃຈ ເພາະສະພາບຮ່າງກາຍທີ່ຊຸດໂຊມຫລາຍກໍເປັນໄດ້.
  7. ຫາຜູ້ຊ່ວຍສຳລັບລ້ຽງລູກ : ໃນກໍລະນີທີ່ແມ່ຢາກພັກຜ່ອນເພື່ອເອົາແຮງແທ້ໆ ແນະນຳໃຫ້ຫາຜູ້ຊ່ວຍລ້ຽງລູກ ເຊິ່ງຄວນຈະເປັນຄົນທີ່ແມ່ໄວ້ວາງໃຈຫລາຍທີ່ສຸດ ເຊັ່ນ : ພໍ່, ພໍ່ຕູ້ – ແມ່ຕູ້, ອ້າຍເອື້ອຍນ້ອງ ອາດຂໍໃຫ້ພວກເຂົາເບິ່ງລູກໃຫ້ໃນເວລາທີ່ແມ່ພັກຜ່ອນປະມານ 2 – 3 ຊົ່ວໂມງ ກໍຖືວ່າເປັນວິທີທີ່ດີທີ່ສຸດສຳລັບໂຕຂອງແມ່ເອງ.
7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - WhatsApp Image 2020 05 27 at 5 - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ
7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ - WhatsApp Image 2020 05 27 at 5 - 7 ວິທີຊ່ວຍແກ້ບັນຫາການອົດນອນສຳລັບແມ່ລູກອ່ອນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!