ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ

ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ - unnamed - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ
ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ - AGL banner - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ

ວັນທີ 11 ສິງຫານີ້, ທ່ານ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ ໄດ້ສົ່ງຈົດໝາຍຂອບໃຈ ເຖິງທ່ານ ສີຈິ້ນຜິງ, ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດແຫ່ງ ສປ ຈີນດັ່ງນີ້:

ຕາງໜ້າໃຫ້ປະຊາຊົນລາວບັນດາເຜົ່າ ແລະ ໃນນາມສ່ວນຕົວ, ຂ້າພະເຈົ້າຂໍສະແດງຄວາມຂອບໃຈຢ່າງຈິງໃຈ ມາຍັງ ສະຫາຍ ແລະ ຜ່ານສະຫາຍໄປຍັງ ປະຊາຊົນຈີນອ້າຍນ້ອງທີ່ຍາມໃດກໍໄດ້ເອົາໃຈໃສ່ໃຫ້ການສະໜັບສະໜູນ ແລະ ຊ່ວຍເຫລືອ ແກ່ພວກຂ້າພະເຈົ້າ ຢ່າງຮອບດ້ານ ແລະ ສະເໝີຕົ້ນສະເໝີປາຍຕະຫລອດມາ, ເຊິ່ງການສະໜັບສະໜູນຊ່ວຍເຫລືອດັ່ງກ່າວ ໄດ້ປະກອບສ່ວນສໍາຄັນເຂົ້າ ໃນການພັດທະນາເສດຖະກິດ-ສັງຄົມແຫ່ງຊາດ ກໍຄື ການຫລຸດຜ່ອນຄວາມທຸກຍາກຂອງປະຊາຊົນລາວບັນດາເຜົ່າ ລວມທັງການຊ່ວຍເຫລືອໃນການສະກັດກັ້ນການແຜ່ລະບາດພະຍາດ ໂຄວິດ-19 ຢູ່ ສປປ ລາວ, ເຊິ່ງນັບແຕ່ມີການລະບາດຮອບໃຫມ່ ໃນກາງເດືອນເມສາ 2021 ເຖິງປັດຈຸບັນນີ້, ສະຫາຍຈີນ ກໍໄດ້ສືບຕໍ່ໃຫ້ການຊ່ວຍເຫລືອເປັນພິເສດ ຕະຫລອດມາໂດຍໄດ້ສົ່ງທີມແພດຊ່ຽວຊານເຂົ້າໄປເຮັດວຽກຮ່ວມກັບທີມແພດລາວ,ພ້ອມອຸປະກອນການແພດ, ຢາປິ່ນປົວ ແລະ ຢາວັກຊີນ ເປັນຈໍານວນຫລາຍລ້ານໂດສ.

ຂ້າພະເຈົ້າ ມີຄວາມຮູ້ສຶກຕື້ນຕັນໃຈ ແລະ ຮູ້ບຸນຄຸນເປັນຢ່າງສູງມາຍັງພັກ, ລັດຖະບານ ແລະ ປະຊາຊົນຈີນ ອ້າຍນ້ອງຕໍ່ການຊ່ວຍເຫລືອອັນລ້ຳຄ່າທີ່ຜ່ານມາ, ໄດ້ເຮັດໃຫ້ ສປປ ລາວ ສາມາດສະກັດກັ້ນການແຜ່ລະບາດໃນຊຸມຊົນລົງໄດ້. ໃນປັດຈຸບັນ, ເຖິງແມ່ນວ່າການລະບາດໃນຊຸມຊົນ ມີ ອັດຕາທີ່ຕໍ່າ ແລະ ຄວບຄຸມໄດ້ໂດຍພື້ນຖານ, ແຕ່ການຕິດເຊື້ອຂອງແຮງງານລາວທີ່ກັບມາຈາກປະ ເທດໃກ້ຄຽງຍັງມີອັດຕາສູງໃນທຸກໆມື້, ອັນໄດ້ສືບຕໍ່ສົ່ງຜົນກະທົບ ແລະ ເປັນພາລະທີ່ໝັກໜ່ວງໃຫ້ແກ່ລັດຖະບານ ກໍຄື ອໍານາດການປົກຄອງທ້ອງຖິ່ນຂອງລາວ ໃນການສະກັດກັ້ນບໍ່ໃຫ້ມີການລະບາດໃນຊຸມຊົນອີກຄັ້ງໃໝ່. ຂ້າພະເຈົ້າຮັບຮູ້ດີວ່າ ວິທີປ້ອງກັນການລະບາດຂອງພະຍາດໂຄວິດ ກໍຄື ການຫລຸດຜ່ອນການຕິດເຊື້ອ ແລະ ເສຍຊິວິດທີ່ດີທີ່ສຸດ ແມ່ນຈະຕ້ອງສັກຢາວັກຊີນໃຫ້ປະຊາຊົນ ໃຫ້ທົ່ວເຖິງ. ດັ່ງນັ້ນ, ການຊ່ວຍເຫລືອຢາວັກຊີນ ຂອງສະຫາຍຈີນ, ເຊິ່ງມາຮອດປັດຈຸບັນ ມີຈໍານວນເຖິງ 3 ລ້ານໂດສ, ເຊິ່ງທັງໝົດແມ່ນ ການຊ່ວຍເຫລືອທີ່ລ້ຳຄ່າທີ່ສຸດ ໃນການປ້ອງກັນຊີວິດ ແລະ ສຸຂະພາບ ຂອງປະຊາຊົນລາວຂອງພວກຂ້າພະເຈົ້າ ແລະ ພ້ອມທັງຊ່ວຍໃຫ້ ສປປ ລາວ ສາມາດ ບັນລຸເປົ້າໝາຍ ສູ້ຊົນ ໃນການສັກຢາວັກຊີນຕ້ານໂຄວິດ-19 ໃຫ້ໄດ້ 50 % ຂອງພົນລະເມືອງໃນທ້າຍປີ 2021 ນີ້.

ອີກເທື່ອໜຶ່ງໃນນາມພັກ, ລັດຖະບານ ແລະ ປະຊາຊົນລາວ ກໍຄື ໃນນາມສ່ວນຕົວ, ຂ້າພະເຈົ້າຂໍສະແດງ ຄວາມຮູ້ບຸນຄຸນເປັນຢ່າງສູງມາຍັງພັກ, ລັດຖະບານ ແລະ ປະຊາຊົນຈີນອ້າຍນ້ອງຕໍ່ການຊ່ວຍເຫລືອດັ່ງກ່າວ ພ້ອມທັງ ເຊື່ອໝັ້ນວ່າ ພາຍໃຕ້ການຮ່ວມມືຊ່ວຍເຫລືອ ຈາກ ສປ ຈີນ ຈະເຮັດໃຫ້ ສປປ ລາວ ສາມາດຜ່ານຜ່າຊ່ວງວິກິດນີ້ ແລະ ເອົາຊະນະກັບການເເຜ່ລະບາດຂອງພະຍາດໂຄວິດ-19 ແລະ ສາມາດຟື້ນຟູເສດຖະກິດ ແລະ ຊີວິດການເປັນຢູ່ຂອງ ປະຊາຊົນລາວ ໃນຂອບເຂດທົ່ວປະເທດ ໃຫ້ກັບຄືນສູ່ສະພາບປົກກະຕິໂດຍໄວ.

ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ - Wave100S AD to Website 2020 0 - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ

ສຸດທ້າຍນີ້, ຂ້າພະເຈົ້າຖືໂອກາດນີ້ ຂໍອວຍພອນໄຊອັນປະເສີດມາຍັງສະຫາຍຈົ່ງມີພະລານາໄມສົມບູນ, ມີຄວາມຜາສຸກ ແລະ ປະສົບຜົນສໍາເລັດ ໃນພາລະກິດອັນມີກຽດສູງສົ່ງຂອງສະຫາຍ ສືບຕໍ່ ນໍາພາປະເທດຈີນ ມີຄວາມຈະເລີນຮຸ່ງເຮືອງຍິ່ງໆຂຶ້ນ, ບັນລຸເປົ້າໝາຍ 100 ປີ ເຫດການທີສອງ ແລະ ອວຍພອນ ໃຫ້ສາຍພົວພັນມິດຕະພາບ ທີ່ເປັນມູນເຊື້ອ ລະຫວ່າງ ລາວ-ຈີນ, ຈີນ-ລາວ ຕາມທິດ 4 ດີ ແລະ ການເປັນຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ຈົ່ງຫມັ້ນຄົງຂະຫນົງແກ່ນ ໃຫ້ນັບມື້ເລິກເຊິ່ງ ແລະ ແຕກດອກອອກຜົນ ເພື່ອນໍາຜົນປະໂຫຍດຕົວຈິງມາສູ່ປະຊາຊົນ ສອງຊາດ.

ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ - lattana banner - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ
ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ -    AD conten website - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ
ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ - lattana banner 1 - ປະທານປະເທດແຫ່ງ ສປປ ລາວ ສົ່ງຈົດໝາຍຂອບໃຈ ສປ ຈີນ ທີ່ໃຫ້ການຊ່ວຍເຫລືອແກ່ລາວຢ່າງຮອບດ້ານ
error: Alert: ເນື້ອຫາຂ່າວມີລິຂະສິດ !!